《再次全失三分 開季初已傷兵滿營 中後場人手調動捉襟見肘︱修咸頓對車路士英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
睇番出場陣容同後備席名單，再睇番結果比數，都未至於好意外，傷兵滿營杜曹可以做既人手調動可以話捉襟見肘，查路巴、列斯占士及簡迪受傷未有隨隊，捷維爾狀態不足，正選名單經已無本錢打番三中堅，唯有放手一博打433，睇番上半場表現其實唔算話太差。
杜曹安排施華同紅牌復出既高列巴尼擔任雙中堅，艾斯派古達取代受傷既占士為右閘，左邊繼續由古古尼亞陣守，三中場安排左佐真奴、路夫斯捷克以及蒙特擔任，前線就由夏維斯拍史達寧以及輪換既薛耶治，修咸頓喺開賽後十至十五分鐘果段時間其實比左唔少壓力車路士，其後藍軍開始企穩陣腳之後開始製造到唔少反擊機會，防守時薛耶治會縮後將陣式轉變為442，而進攻時佢同蒙特亦會相應地輪流壓前，但兩者都係缺少身體對抗同覆蓋面既球員，無疑令中場缺乏硬度，變相令中後場球員包括佐真奴同艾斯派古達都嚴重受壓。
隊長既體能經已難以維持長時間走上走落既速率，集中力下降變相令藍軍右路出現缺口，而同時前線三人亦無做好第一道屏障既角色，夏維斯既職能嚴重超出負荷，喺邊線策應完隊友就傳中，但禁區內只係得史達寧一個攻擊點，究竟係咪應該調番轉由後者於邊線策應而夏維斯擔任置中高點？經已多番講過佢既角色理應於中路發展更好，夏維斯經已承擔太多進攻項目，而某啲範疇應交由蒙特負責，再講後者既表現每況愈下，今場波除左交出唯一一下較為致命既直線之外都無乜太多受注視既鏡頭，變相加大左對史達寧同夏維斯既負擔，當然今場波都有兩個幾黃金既機會係夏維斯把握唔到，成為失分既導火線。
路夫斯捷克半場經已換出敷冰休息，換入相信同樣係紮住踢既高華錫，多下埋身加上推進都見到哩位克羅地亞中場唔敢太過冒險，至於後防方面都係依靠施華既傑出表現，護空門果下見得到佢既冷靜同路數，同時睇到文迪已經失準，連撲救既反應準備動作都未有，加上以第一個失球黎講如果仍然維持高水平既佢應能單手撲出，不過都要講點解防守角球無人睇禁區頂果啲位，球隊又再一次輸哩啲死球而失分。
杜曹經已喺賽後表示傷兵並唔係輸波既借口，場上球員缺乏集中同爭勝心先係重點，佢亦表示轉會窗結束對球隊可能係好事，意味住陣中某部份球員並非全心全意為球隊效力，相信係講緊如傳聞所指佩利錫同薛耶治兩人，不過中場缺乏硬度加上後防唔夠人係事實，暫時傳出藍軍都只會喺轉會窗完結前就後防同前線作出補充，但中場哩個重災區係咪真係情願球員傷住踢都唔諗？
註: 今場波杜曹並無用晒五個換人名額，而後備中場球員只係淨番傳將會離隊既基摩亞（Billy Gilmour）以及今季由維拉加盟既小將卓古美卡（Carney Chukwuemeka）。
文章發表時間 : 31/8/2022 11:20文章最後更新時間 : 31/8/2022 11:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
睇番出場陣容同後備席名單，再睇番結果比數，都未至於好意外，傷兵滿營杜曹可以做既人手調動可以話捉襟見肘，查路巴、列斯占士及簡迪受傷未有隨隊，捷維爾狀態不足，正選名單經已無本錢打番三中堅，唯有放手一博打433，睇番上半場表現其實唔算話太差。
杜曹安排施華同紅牌復出既高列巴尼擔任雙中堅，艾斯派古達取代受傷既占士為右閘，左邊繼續由古古尼亞陣守，三中場安排左佐真奴、路夫斯捷克以及蒙特擔任，前線就由夏維斯拍史達寧以及輪換既薛耶治，修咸頓喺開賽後十至十五分鐘果段時間其實比左唔少壓力車路士，其後藍軍開始企穩陣腳之後開始製造到唔少反擊機會，防守時薛耶治會縮後將陣式轉變為442，而進攻時佢同蒙特亦會相應地輪流壓前，但兩者都係缺少身體對抗同覆蓋面既球員，無疑令中場缺乏硬度，變相令中後場球員包括佐真奴同艾斯派古達都嚴重受壓。
隊長既體能經已難以維持長時間走上走落既速率，集中力下降變相令藍軍右路出現缺口，而同時前線三人亦無做好第一道屏障既角色，夏維斯既職能嚴重超出負荷，喺邊線策應完隊友就傳中，但禁區內只係得史達寧一個攻擊點，究竟係咪應該調番轉由後者於邊線策應而夏維斯擔任置中高點？經已多番講過佢既角色理應於中路發展更好，夏維斯經已承擔太多進攻項目，而某啲範疇應交由蒙特負責，再講後者既表現每況愈下，今場波除左交出唯一一下較為致命既直線之外都無乜太多受注視既鏡頭，變相加大左對史達寧同夏維斯既負擔，當然今場波都有兩個幾黃金既機會係夏維斯把握唔到，成為失分既導火線。
路夫斯捷克半場經已換出敷冰休息，換入相信同樣係紮住踢既高華錫，多下埋身加上推進都見到哩位克羅地亞中場唔敢太過冒險，至於後防方面都係依靠施華既傑出表現，護空門果下見得到佢既冷靜同路數，同時睇到文迪已經失準，連撲救既反應準備動作都未有，加上以第一個失球黎講如果仍然維持高水平既佢應能單手撲出，不過都要講點解防守角球無人睇禁區頂果啲位，球隊又再一次輸哩啲死球而失分。
杜曹經已喺賽後表示傷兵並唔係輸波既借口，場上球員缺乏集中同爭勝心先係重點，佢亦表示轉會窗結束對球隊可能係好事，意味住陣中某部份球員並非全心全意為球隊效力，相信係講緊如傳聞所指佩利錫同薛耶治兩人，不過中場缺乏硬度加上後防唔夠人係事實，暫時傳出藍軍都只會喺轉會窗完結前就後防同前線作出補充，但中場哩個重災區係咪真係情願球員傷住踢都唔諗？
註: 今場波杜曹並無用晒五個換人名額，而後備中場球員只係淨番傳將會離隊既基摩亞（Billy Gilmour）以及今季由維拉加盟既小將卓古美卡（Carney Chukwuemeka）。
文章發表時間 : 31/8/2022 11:20文章最後更新時間 : 31/8/2022 11:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/