《車路士今季的大命題︱深入探討藍軍「破密集」的問題與不足》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
對韋斯咸哩場波既進程將會係今季車路士面對密集主守對手時既縮影，其實「破密集」一直都係自夏薩特離隊後一直未能解決既問題，就算之後有奧巴美揚同薩卡利亞既加入預料都唔見得會好幾多，列舉一下所遇見既戰術同人腳問題，睇下今季要重複幾多次先有改善或者嘗試改變。
三中堅陣式從來唔係主攻不成既問題，只要攻守轉換做得流暢反而仲會有人數優勢，問題係車路士既三中堅控球戰術只係空有控球，同時欠缺節奏提速、走位路線同傳球質素欠奉、中路欠缺創造力及突破點，以及過份依賴兩邊翼衛哩幾個元素。
先講掌控節奏方面，面對主守球隊時大軍壓上係必定發生既事，反而點樣透過提速去釋出對手失位而製造出黎既空間先係至關重要，但車路士整體既傳球速率都係偏慢，基本上無論係後場做波上黎抑或去到核心戰區既傳送速度都非常一致（地慢），加上缺乏快速長傳轉邊去令對方陣式橫移時釋出空檔，變相只要對手企番啱企番實啲位就唔會有太多犯錯空間，車路士每次都只能透過不斷橫傳橫傳再橫傳去轉邊，由左到右再由右去左，無乜其他變奏方法，到人地反撲迫番你轉頭時就交後，其實回後都係一個引對手向前既機會，但即使車路士後防線成功引對方向前撲再交出長傳時，藍軍中前場球員好多時都把握唔到釋出既空間而繼續交番到腳波，球隊完全缺乏提速同掌控節奏哩啲主控既必要條件。
而延伸出黎既就係走位路線以及傳送質量既問題，唔難發現車路士既中前場球員大多數都係喺隊友有球在腳時企定定等波到，即使搵到空間舉手向前插時持球既球員都唔會交到Through波上前，其實哩啲走位意識同傳送係可以練番黎，走位從來都唔係一個人做而係一班人做，球隊整體既pass and move意識都係水準之下，與此同時傳送質量亦有好大進步空間，陣中除左施華同高華錫既比波力度叫做恰到好處之外，其餘球員既傳送力度好多時都大小失調，令接應既隊友都需要再作修正，又或者根本唔到位而斷纜，變相成個進攻效果變得唔完整。
同時球隊既中前場球員缺乏個人突破能力，尤其係如果中路球員缺乏創造性，就唔可以只依靠速度去過人，反而要多加利用個人技術做突破，但車路士陣中正正同時缺乏哩兩項元素，只係得剛收購番黎既史達寧有能力兼備，但佢喺場上既職能實在難以一兼兩職，所以你會見到哩位英格蘭翼鋒喺賽場既表現同質素明顯高其他球員至少半班，即使回後做策應交出既傳送都相當獨到，反而係無隊友能夠做到接應或者把握機會，最為接近既佩利錫曾經有能力做到突破但奈何傷患太多經已影響其靈活性，所以都解釋得到杜曹點解會追求當時仲喺列斯聯既拉芬拿，因為哩啲元素都只能透過買人去解決。
中路球員唔給力變相加大左對兩邊翼衛既負擔，適時拉邊傳中、持球推進入中路做策應、後上插入禁區埋門再加上回防效能，哩一啲都係車路士翼衛需要具備既職能，可見得同一個全能球員無乜太多分別，列斯占士同捷維爾上季高水準既表現的確掩蓋左上述唔少戰術同人腳問題，但當佢地兩個受傷尤其喺捷維爾重創收咧後，所有缺陷就一次過表露無遺咁爆發晒出黎，其實一套好既戰術其實除左攻守平衡之外亦應妥善地分配各個位置既任務，否則個別球員受傷就會一髮牽動全身。
除左突破元素需要透過買人去解決之外，其實其他範疇以現有人腳係有可以做得更好既空間喺度，Brainstorming一下例如..
- 波查喺前線既運用，追跑同埋身肉博等鬥力既條件都相當合適英超戰場上面對密集時使用，亦令夏維斯專心做禁區內工作唔洗要佢打太多爛仔波。
- 捷維爾如果狀態好的話係咪可以將古古尼亞拉後一格打左中堅？佢喺白禮頓時期被開發哩個位置後表現什至比起擔任左翼後出色，持球向前到中場可以為球隊增加多一個中路出球點。
- 三線距離以及攻守轉換既運作內容，由持球回後再到發動新一輪攻勢既傳球或推進速度、中場球員既企位間距再到工作分配、前線球員墜後接應還是前插既走位配合，哩一啲都係可以透過日接日既訓練去提升。
- 佐真奴既回落速度太快開始喺高強度賽事中出現唔少犯錯，簡迪以及高華錫既受傷亦加速左對意大利人既消耗，其實都開始要為佢同簡迪喺戰術內既位置作打算，薩卡尼亞既加盟可以為球隊填補左簡迪受傷不在陣時既硬度（其實未知適唔適應到英超節奏），但同時見到中場缺少左佐真奴的話會令球隊無左進攻方向，如何取捨？
- 上季嘗試過喺主攻時將翼衛球員移入中路發展，球隊中路增加出球點同時亦能減弱對手反擊威脅，今季其實都見唔少傳控斷纜繼而比對手兩下傳球就直接面對我地防線既畫面，但藍軍翼衛反而更多時候上前到邊路發展多於中路造波，係咪都再可以嘗試用下？
當然講係輕易，杜曹亦要有戰術上既取捨同妥協，不過同一套form同戰術經已起不出變化，適量既嘗試同轉變相信係球迷樂見的事，與其不斷橫傳橫傳傳失繼而比對手反擊射入，不如放手一試加入其他元素，至少即使輸亦有曾經努力過，嘗試過。
文章發表時間 : 6/9/2022 15:50
文章最後更新時間 : 6/9/2022 15:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
對韋斯咸哩場波既進程將會係今季車路士面對密集主守對手時既縮影，其實「破密集」一直都係自夏薩特離隊後一直未能解決既問題，就算之後有奧巴美揚同薩卡利亞既加入預料都唔見得會好幾多，列舉一下所遇見既戰術同人腳問題，睇下今季要重複幾多次先有改善或者嘗試改變。
三中堅陣式從來唔係主攻不成既問題，只要攻守轉換做得流暢反而仲會有人數優勢，問題係車路士既三中堅控球戰術只係空有控球，同時欠缺節奏提速、走位路線同傳球質素欠奉、中路欠缺創造力及突破點，以及過份依賴兩邊翼衛哩幾個元素。
先講掌控節奏方面，面對主守球隊時大軍壓上係必定發生既事，反而點樣透過提速去釋出對手失位而製造出黎既空間先係至關重要，但車路士整體既傳球速率都係偏慢，基本上無論係後場做波上黎抑或去到核心戰區既傳送速度都非常一致（地慢），加上缺乏快速長傳轉邊去令對方陣式橫移時釋出空檔，變相只要對手企番啱企番實啲位就唔會有太多犯錯空間，車路士每次都只能透過不斷橫傳橫傳再橫傳去轉邊，由左到右再由右去左，無乜其他變奏方法，到人地反撲迫番你轉頭時就交後，其實回後都係一個引對手向前既機會，但即使車路士後防線成功引對方向前撲再交出長傳時，藍軍中前場球員好多時都把握唔到釋出既空間而繼續交番到腳波，球隊完全缺乏提速同掌控節奏哩啲主控既必要條件。
而延伸出黎既就係走位路線以及傳送質量既問題，唔難發現車路士既中前場球員大多數都係喺隊友有球在腳時企定定等波到，即使搵到空間舉手向前插時持球既球員都唔會交到Through波上前，其實哩啲走位意識同傳送係可以練番黎，走位從來都唔係一個人做而係一班人做，球隊整體既pass and move意識都係水準之下，與此同時傳送質量亦有好大進步空間，陣中除左施華同高華錫既比波力度叫做恰到好處之外，其餘球員既傳送力度好多時都大小失調，令接應既隊友都需要再作修正，又或者根本唔到位而斷纜，變相成個進攻效果變得唔完整。
同時球隊既中前場球員缺乏個人突破能力，尤其係如果中路球員缺乏創造性，就唔可以只依靠速度去過人，反而要多加利用個人技術做突破，但車路士陣中正正同時缺乏哩兩項元素，只係得剛收購番黎既史達寧有能力兼備，但佢喺場上既職能實在難以一兼兩職，所以你會見到哩位英格蘭翼鋒喺賽場既表現同質素明顯高其他球員至少半班，即使回後做策應交出既傳送都相當獨到，反而係無隊友能夠做到接應或者把握機會，最為接近既佩利錫曾經有能力做到突破但奈何傷患太多經已影響其靈活性，所以都解釋得到杜曹點解會追求當時仲喺列斯聯既拉芬拿，因為哩啲元素都只能透過買人去解決。
中路球員唔給力變相加大左對兩邊翼衛既負擔，適時拉邊傳中、持球推進入中路做策應、後上插入禁區埋門再加上回防效能，哩一啲都係車路士翼衛需要具備既職能，可見得同一個全能球員無乜太多分別，列斯占士同捷維爾上季高水準既表現的確掩蓋左上述唔少戰術同人腳問題，但當佢地兩個受傷尤其喺捷維爾重創收咧後，所有缺陷就一次過表露無遺咁爆發晒出黎，其實一套好既戰術其實除左攻守平衡之外亦應妥善地分配各個位置既任務，否則個別球員受傷就會一髮牽動全身。
除左突破元素需要透過買人去解決之外，其實其他範疇以現有人腳係有可以做得更好既空間喺度，Brainstorming一下例如..
- 波查喺前線既運用，追跑同埋身肉博等鬥力既條件都相當合適英超戰場上面對密集時使用，亦令夏維斯專心做禁區內工作唔洗要佢打太多爛仔波。
- 捷維爾如果狀態好的話係咪可以將古古尼亞拉後一格打左中堅？佢喺白禮頓時期被開發哩個位置後表現什至比起擔任左翼後出色，持球向前到中場可以為球隊增加多一個中路出球點。
- 三線距離以及攻守轉換既運作內容，由持球回後再到發動新一輪攻勢既傳球或推進速度、中場球員既企位間距再到工作分配、前線球員墜後接應還是前插既走位配合，哩一啲都係可以透過日接日既訓練去提升。
- 佐真奴既回落速度太快開始喺高強度賽事中出現唔少犯錯，簡迪以及高華錫既受傷亦加速左對意大利人既消耗，其實都開始要為佢同簡迪喺戰術內既位置作打算，薩卡尼亞既加盟可以為球隊填補左簡迪受傷不在陣時既硬度（其實未知適唔適應到英超節奏），但同時見到中場缺少左佐真奴的話會令球隊無左進攻方向，如何取捨？
- 上季嘗試過喺主攻時將翼衛球員移入中路發展，球隊中路增加出球點同時亦能減弱對手反擊威脅，今季其實都見唔少傳控斷纜繼而比對手兩下傳球就直接面對我地防線既畫面，但藍軍翼衛反而更多時候上前到邊路發展多於中路造波，係咪都再可以嘗試用下？
當然講係輕易，杜曹亦要有戰術上既取捨同妥協，不過同一套form同戰術經已起不出變化，適量既嘗試同轉變相信係球迷樂見的事，與其不斷橫傳橫傳傳失繼而比對手反擊射入，不如放手一試加入其他元素，至少即使輸亦有曾經努力過，嘗試過。
文章發表時間 : 6/9/2022 15:50
文章最後更新時間 : 6/9/2022 15:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/