《樸達處子戰脫腳 藍軍以一和一負位於小組榜尾︱車路士對薩爾斯堡歐聯賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
樸達喺不被看好既情況下上任，同時亦迎黎教練生涯首場歐聯賽事，帶領車路士主場迎戰薩爾斯堡，雖然最終只能賽和1-1各得一分，而藍軍只能以一負一和暫時排名於小組末席，不過今場波有一啲場面上既變化同思路，都睇得到樸達既心思。
睇番賽前十一人正選名單，看似一個4222陣式，不過根據樸達以往喺白禮頓執教時都見到佢係一名相當多變既領隊，進攻與防守時既陣式緊隨球員既職責而作出改變，喺哩個框架之下其實陣式都只係一個數字，相反球員喺場上既職能同負責既區域至係重點，基柏取代受傷既文迪擔任正選，而施華會係防線之中逗得最後既一個，身旁左右就會係古古尼亞同艾斯派古達，兩者進攻時會偏向以閘位角色向前助攻，相反防守時會拉番後擔任左右中堅，而隊長體能同職責所限會較少上前，因為佢果邊有列斯占士主打負責邊路進攻。
占士今場波既定位可以話佢係一個右翼鋒都不為過，基本上由右後場區域防守去到上前拉邊傳中成條右路都係佢打晒，而由左至右數起包括古古尼亞、施華、艾斯派古達同占士四人會以一個向龍門方向既內收包圍網形式左右移動，盡可能保持住喺防守時有三名球員於後場既方式運作，而防線身前分別會係置中既佐真奴以及佢左右兩旁既高華錫同蒙特，前者繼續以一個墜後中場既角色負責中後場連接，進攻時佢會同身後三位中堅形成一個菱形小組進行猜傳，而推進既工作就會交到後兩者身上。
除左持球推進同前場連接之外，高華錫、蒙特兩者都會加以利用兩邊翼鋒拉出黎既空間，意思姐係每當左翼鋒既史達寧同另一邊占士牽引住對方兩閘時，高華錫同蒙特就會把握閘位身後既空檔向前插上，變相就會拉走對面其中一個中堅扯出空間，為囤於中路既夏維斯同奧巴美楊釋出空位，而好幾次都見到高華錫把握得到史達寧扯出對方右閘後，成功拉走對面右中堅繼而比到機會後者可以直接傳球到位於核心位置既奧巴美楊腳下，哩一啲透過球員間既互動走位而為自己製造出人數優勢都係喺杜曹執教時較為少見。
而關係到新帥上任「蜜月期」，球員既跑動同傳球節奏都明顯積極，回後拉出空間製造下一波攻勢既過程都可算流暢，而球迷們亦相信樂見史達寧回歸邊路發展，不過奧巴美楊同夏維斯都有位置重疊既情況出現，相信樸達會同球員再作職能梳理，夾多兩場應該會有改善，而蒙特亦慣性地走到邊路發展，佢同佐真奴既距離過遠都會令對手較容易把握哩個空間加以利用，應著重於邊路與中路之間現位既平衡。
新人事新作風，樸達既上任未必得到大部份車迷認同，不過喺已成定局既情況下可以觀察藍軍喺佢手上既改變，車路士從來不缺材料同質素，反而喺點樣組合哩一班球員繼而發展出最大效果先係最難課題。
文章發表時間 : 15/9/2022 12:25
文章最後更新時間 : 15/9/2022 12:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
樸達喺不被看好既情況下上任，同時亦迎黎教練生涯首場歐聯賽事，帶領車路士主場迎戰薩爾斯堡，雖然最終只能賽和1-1各得一分，而藍軍只能以一負一和暫時排名於小組末席，不過今場波有一啲場面上既變化同思路，都睇得到樸達既心思。
睇番賽前十一人正選名單，看似一個4222陣式，不過根據樸達以往喺白禮頓執教時都見到佢係一名相當多變既領隊，進攻與防守時既陣式緊隨球員既職責而作出改變，喺哩個框架之下其實陣式都只係一個數字，相反球員喺場上既職能同負責既區域至係重點，基柏取代受傷既文迪擔任正選，而施華會係防線之中逗得最後既一個，身旁左右就會係古古尼亞同艾斯派古達，兩者進攻時會偏向以閘位角色向前助攻，相反防守時會拉番後擔任左右中堅，而隊長體能同職責所限會較少上前，因為佢果邊有列斯占士主打負責邊路進攻。
占士今場波既定位可以話佢係一個右翼鋒都不為過，基本上由右後場區域防守去到上前拉邊傳中成條右路都係佢打晒，而由左至右數起包括古古尼亞、施華、艾斯派古達同占士四人會以一個向龍門方向既內收包圍網形式左右移動，盡可能保持住喺防守時有三名球員於後場既方式運作，而防線身前分別會係置中既佐真奴以及佢左右兩旁既高華錫同蒙特，前者繼續以一個墜後中場既角色負責中後場連接，進攻時佢會同身後三位中堅形成一個菱形小組進行猜傳，而推進既工作就會交到後兩者身上。
除左持球推進同前場連接之外，高華錫、蒙特兩者都會加以利用兩邊翼鋒拉出黎既空間，意思姐係每當左翼鋒既史達寧同另一邊占士牽引住對方兩閘時，高華錫同蒙特就會把握閘位身後既空檔向前插上，變相就會拉走對面其中一個中堅扯出空間，為囤於中路既夏維斯同奧巴美楊釋出空位，而好幾次都見到高華錫把握得到史達寧扯出對方右閘後，成功拉走對面右中堅繼而比到機會後者可以直接傳球到位於核心位置既奧巴美楊腳下，哩一啲透過球員間既互動走位而為自己製造出人數優勢都係喺杜曹執教時較為少見。
而關係到新帥上任「蜜月期」，球員既跑動同傳球節奏都明顯積極，回後拉出空間製造下一波攻勢既過程都可算流暢，而球迷們亦相信樂見史達寧回歸邊路發展，不過奧巴美楊同夏維斯都有位置重疊既情況出現，相信樸達會同球員再作職能梳理，夾多兩場應該會有改善，而蒙特亦慣性地走到邊路發展，佢同佐真奴既距離過遠都會令對手較容易把握哩個空間加以利用，應著重於邊路與中路之間現位既平衡。
新人事新作風，樸達既上任未必得到大部份車迷認同，不過喺已成定局既情況下可以觀察藍軍喺佢手上既改變，車路士從來不缺材料同質素，反而喺點樣組合哩一班球員繼而發展出最大效果先係最難課題。
文章發表時間 : 15/9/2022 12:25
文章最後更新時間 : 15/9/2022 12:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/