《干洛加拉查世界波絕殺奠勝 樸達取得首場英超勝仗︱水晶宮對車路士英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
國際賽後球隊休息近廿幾日後重新出發，聯賽作客水晶宮亦係樸達上任後首場英超賽事，最終憑著干洛加拉查戲劇性絕殺舊會為車路士全取三分，為十月頻密賽程中先過一關。
賽前名單中樸達擺出一個類近433陣式，雙中堅組合由施華搭科芬拿，左右兩閘就分別係捷維爾同列斯占士，而蒙特、佐真奴以及高華錫合組三中場，前線方面就由史達寧、奧巴美揚同夏維斯擔任攻堅，同樣對稱番韋拉所帶領既水晶宮都係排出433陣式。
開賽無耐都見到主隊既水晶宮既戰意相當旺盛，多下埋身反搶都能成功令己隊得到直接面對藍軍防線既機會，尤其喺科芬拿尚未企穩陣腳時經已被針對性壓迫，令施華多下疲於奔命更要動用到超技術犯規，不幸中之大幸既係未有被判紅牌出場；相反藍軍所得到既機會並唔多，受制于水晶宮既嚴密佈防，車路士基本上都無乜空間可以打快，佐真奴同高華錫都顯出疲態，被對手緊密纏繞下令施華多次攤手要求隊友走位幫波，後者多番作為進攻第一點直傳上前場發動攻勢，不過都見到奧巴美揚就係把握得到唯一機會，轉身抽射盡顯射手功架，哩啲都係夏維斯尚未展現得出既埋門技巧。
下半場樸達亦針對性地將前場三人位置互換，史達寧由右邊走到左邊，夏維斯由置中調到右邊，奧巴美揚就由左邊走到中間，但效果並唔顯著，不過車路士下半場整體地係比起上半場打得好左啲，換入路夫斯捷克取代受傷既佐真奴後球隊三線都有連貫地向前壓，而防守時蒙特亦比起上半場更多回後參與防務，都成功為防線減壓避免施華同科芬拿二人要直接面對對手反擊，同時基柏既集中同高水準演出都成為球隊未有再失第二球既關鍵，而佢既用波能力亦成功為球隊製造到反擊機會，相信位置上都有力同文迪一爭正選之位。
其後換入干洛加拉查同波查接替奧巴美揚以及夏維斯，前者擔任一個自己最為擅長既攻中位置負責支援身前既波查同史達寧，亦造就佢射入一腳世界波為球隊奠定勝局，都見到佢喺哩個區域所發揮得出既長處。感覺上覺得樸達依然以試驗性質嘗試尋找更多可能性，即使球隊喺缺少簡迪加上薩卡尼亞還在適應時未必有打433中場硬度既本錢，都希望試到球隊黎緊既方向同各球員既最佳位置，而個人認為至少都要睇多三至四場賽事先會開始睇到戰術雛型，有好多杜曹未有嘗試過既野都等待樸達去開發。
文章發表時間 : 4/10/2022 15:00
文章最後更新時間 : 4/10/2022 15:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
國際賽後球隊休息近廿幾日後重新出發，聯賽作客水晶宮亦係樸達上任後首場英超賽事，最終憑著干洛加拉查戲劇性絕殺舊會為車路士全取三分，為十月頻密賽程中先過一關。
賽前名單中樸達擺出一個類近433陣式，雙中堅組合由施華搭科芬拿，左右兩閘就分別係捷維爾同列斯占士，而蒙特、佐真奴以及高華錫合組三中場，前線方面就由史達寧、奧巴美揚同夏維斯擔任攻堅，同樣對稱番韋拉所帶領既水晶宮都係排出433陣式。
開賽無耐都見到主隊既水晶宮既戰意相當旺盛，多下埋身反搶都能成功令己隊得到直接面對藍軍防線既機會，尤其喺科芬拿尚未企穩陣腳時經已被針對性壓迫，令施華多下疲於奔命更要動用到超技術犯規，不幸中之大幸既係未有被判紅牌出場；相反藍軍所得到既機會並唔多，受制于水晶宮既嚴密佈防，車路士基本上都無乜空間可以打快，佐真奴同高華錫都顯出疲態，被對手緊密纏繞下令施華多次攤手要求隊友走位幫波，後者多番作為進攻第一點直傳上前場發動攻勢，不過都見到奧巴美揚就係把握得到唯一機會，轉身抽射盡顯射手功架，哩啲都係夏維斯尚未展現得出既埋門技巧。
下半場樸達亦針對性地將前場三人位置互換，史達寧由右邊走到左邊，夏維斯由置中調到右邊，奧巴美揚就由左邊走到中間，但效果並唔顯著，不過車路士下半場整體地係比起上半場打得好左啲，換入路夫斯捷克取代受傷既佐真奴後球隊三線都有連貫地向前壓，而防守時蒙特亦比起上半場更多回後參與防務，都成功為防線減壓避免施華同科芬拿二人要直接面對對手反擊，同時基柏既集中同高水準演出都成為球隊未有再失第二球既關鍵，而佢既用波能力亦成功為球隊製造到反擊機會，相信位置上都有力同文迪一爭正選之位。
其後換入干洛加拉查同波查接替奧巴美揚以及夏維斯，前者擔任一個自己最為擅長既攻中位置負責支援身前既波查同史達寧，亦造就佢射入一腳世界波為球隊奠定勝局，都見到佢喺哩個區域所發揮得出既長處。感覺上覺得樸達依然以試驗性質嘗試尋找更多可能性，即使球隊喺缺少簡迪加上薩卡尼亞還在適應時未必有打433中場硬度既本錢，都希望試到球隊黎緊既方向同各球員既最佳位置，而個人認為至少都要睇多三至四場賽事先會開始睇到戰術雛型，有好多杜曹未有嘗試過既野都等待樸達去開發。
文章發表時間 : 4/10/2022 15:00
文章最後更新時間 : 4/10/2022 15:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/