《兩下世界波為球隊全取三分 藍軍鎖定小組首名出線資格︱薩爾斯堡對車路士歐聯賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
只需三分就鎖定出線資格，無諗到當日由小組榜尾到依加上到榜首，似乎車路士真係每次炒教練都會衝到一段，時代點變，班主點變，哩樣野從來不變。
後防傷兵滿營，樸達賽前記招交待古古尼亞近況，指球員病癒後體重下降，一直未能重拾最佳狀態，奈何高列巴尼同樣受傷缺席，令古古尼亞即使患病初癒仍雖上陣，同時高華錫亦受膝頭傷患困擾，所以一直都只可以踢半場未能踢足，換句話說更需倚重佐真奴同路夫斯捷克兩個，但十月賽程滿滿，戰線全開賽事連連，對於可用球員黎講狀態同體能都受到嚴峻挑戰，而樸達既人腳調配同戰術部署亦有所限制。
開賽初段薩爾斯堡既部署相對進取，嘗試喺頭二十分鐘向客隊既車路士先壓一段，成功中斷左好多藍軍既傳送，即使車路士既球員傳到上前都好快比兩個對手埋黎拍甩，唔能夠順暢地猜到個波，不其然高華錫一下冷箭為球隊打破僵局，其實喺哩球之前藍軍既攻勢真係寥寥可數，基本上好似唔知發生咩事咁明明比人撳住砌但就入到人一球；去到中段車路士都開始企穩陣腳，而薩爾斯堡亦開始縮後專心尋找反擊機會，雙方都互有攻守，其中車路士最為注目既一下組織係由後場開始發動，球員以菱形走位互相短傳，可惜最後由夏維斯橫傳比走得都幾空既奧巴美揚射失，只能帶住一球優勢而完結上半場。
到下半場出番黎無耐對手就成功透過一下反擊追平，施華向前標失令薩爾斯堡有一個三打二人多打人少既機會，不過果下既傳中的確高質素，成功以彈地波射破基柏十指關，其後佐真奴既頭槌攻門被對手護空門，奧巴美揚幾下施射同助攻比佩利錫亦都無功而還，最終都憑著夏維斯喺禁區邊得到一個幾大空間既機會抽射，眉底擦入射成2-1，亦成功保住不失直到完場全取三分。
樸達近期開始運用更多球員參與3412(或3421)陣式中既唔同位置，雖然佩利錫同史達寧打翼衛既效果未係太理想，不過相信都只係喺傷兵下既權宜之計，而奧巴美揚喺今場波亦錯失唔少入球機會，希望無影響到佢既自信，反而今場波將夏維斯放番入中路位置，身後有加拉加支援加上邊路各有兩位攻擊球員負責，令佢能夠穩妥地喺中間做策應同攻門得到唔錯既效果，更加成功打破入球荒希望能夠繼續保持落去。
黎緊週末將要作客白禮頓，亦係樸達首次喺聯賽面對舊主，相信會係一個戰術上既倒影對決。
文章發表時間 : 27/10/2022 17:05
文章最後更新時間 : 27/10/2022 17:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
只需三分就鎖定出線資格，無諗到當日由小組榜尾到依加上到榜首，似乎車路士真係每次炒教練都會衝到一段，時代點變，班主點變，哩樣野從來不變。
後防傷兵滿營，樸達賽前記招交待古古尼亞近況，指球員病癒後體重下降，一直未能重拾最佳狀態，奈何高列巴尼同樣受傷缺席，令古古尼亞即使患病初癒仍雖上陣，同時高華錫亦受膝頭傷患困擾，所以一直都只可以踢半場未能踢足，換句話說更需倚重佐真奴同路夫斯捷克兩個，但十月賽程滿滿，戰線全開賽事連連，對於可用球員黎講狀態同體能都受到嚴峻挑戰，而樸達既人腳調配同戰術部署亦有所限制。
開賽初段薩爾斯堡既部署相對進取，嘗試喺頭二十分鐘向客隊既車路士先壓一段，成功中斷左好多藍軍既傳送，即使車路士既球員傳到上前都好快比兩個對手埋黎拍甩，唔能夠順暢地猜到個波，不其然高華錫一下冷箭為球隊打破僵局，其實喺哩球之前藍軍既攻勢真係寥寥可數，基本上好似唔知發生咩事咁明明比人撳住砌但就入到人一球；去到中段車路士都開始企穩陣腳，而薩爾斯堡亦開始縮後專心尋找反擊機會，雙方都互有攻守，其中車路士最為注目既一下組織係由後場開始發動，球員以菱形走位互相短傳，可惜最後由夏維斯橫傳比走得都幾空既奧巴美揚射失，只能帶住一球優勢而完結上半場。
到下半場出番黎無耐對手就成功透過一下反擊追平，施華向前標失令薩爾斯堡有一個三打二人多打人少既機會，不過果下既傳中的確高質素，成功以彈地波射破基柏十指關，其後佐真奴既頭槌攻門被對手護空門，奧巴美揚幾下施射同助攻比佩利錫亦都無功而還，最終都憑著夏維斯喺禁區邊得到一個幾大空間既機會抽射，眉底擦入射成2-1，亦成功保住不失直到完場全取三分。
樸達近期開始運用更多球員參與3412(或3421)陣式中既唔同位置，雖然佩利錫同史達寧打翼衛既效果未係太理想，不過相信都只係喺傷兵下既權宜之計，而奧巴美揚喺今場波亦錯失唔少入球機會，希望無影響到佢既自信，反而今場波將夏維斯放番入中路位置，身後有加拉加支援加上邊路各有兩位攻擊球員負責，令佢能夠穩妥地喺中間做策應同攻門得到唔錯既效果，更加成功打破入球荒希望能夠繼續保持落去。
黎緊週末將要作客白禮頓，亦係樸達首次喺聯賽面對舊主，相信會係一個戰術上既倒影對決。
文章發表時間 : 27/10/2022 17:05
文章最後更新時間 : 27/10/2022 17:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/