《現實與期望 情感與理性︱探討車路士的近況與賽季目標》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
適逢世界盃檔期，聯賽休戰終於都有時間整頓一下思路打番啲唔止係賽後感既文章，發現自己尚未就車路士今季定下預期目標，以及對近期球隊劣勢既個人睇法。
老實地說，杜曹既離開係令人覺得傷感同可惜的，新人事新作風，波利既掌權的確作出左唔少人事變動，對球迷黎講難免是反感的，但就如以往一樣都要比時間去睇，而講緊既時間係會以年做單位去計，正如當初油王艾巴莫域治成為班主後，一貫重金注資再手起刀落更換教練，每次換帥都惹黎球迷不滿，但結果換黎一個個奬盃，以經過數十年事後黎睇你又會定斷佢係成功定失敗？相信每個人都自有定案；當然波利既取態未必會同油王一致，但喺依刻感覺上睇到佢既目標都係希望車路士能夠取得成功，至少無論成績同收益上都要取得成果至可以幫到哩位商家賺錢，如果唔係點解會選擇收購車路士，而油王又點會選擇將車路士賣比佢而唔係賣比其他人。
先從球隊陣容角度出發，單以夏季轉會窗前後既人腳對比，球員無論喺能力同質素上都無乜實質既提升，頂櫳都只能夠話係補充離隊球員既空缺，後防被兩支西甲班霸免簽連失魯迪加、基斯甸臣之下，換黎高列巴尼以及科芬拿兩位以往傷患史較多既球員，再由白禮頓收購左古古尼亞返黎頂替同樣離隊既馬高斯阿朗素，而留隊既有最後時刻改變主意既隊長艾斯派古達以及小將查路巴，施華繼續要喺後防擔大旗，而中場更加係無做任何新收購，仍舊維持佐高簡三位球員做重心，最多都只係回收左加拉加番黎（球員職能偏向前場多於中場）以及由維拉收購既卓禾美卡返黎，但後者既定位都係以長遠規劃為首，唔會喺哩刻投入到太大即戰力，再到前場換走雲拿同盧卡古換入美揚以及史達寧，加上回收番波查，睇番成套陣容最盡都只能夠講係得前場人手有丁點提升，後場就純係補充人手，中場就完全無做任何中層接班部署，如果維持番上年踢法而球員無傷無病的話，哩堆人腳最多都只係夠力爭下梗頸四，爭標就真係唔輪到我地，更加未講有其他隱藏黑馬上黎作亂。
而樸達走馬上任係季前未預期過既事，一直都以為杜曹有至少半季時間執隊波，開季無耐就要換帥其實無論對杜曹、樸達還是球員黎講都屬於一個三輸局面，新官上任既樸達就只能把握英女皇去世既休戰檔期稍作操練，之後就要迎接個半月既瘋狂賽程直到世界盃開鑼，而期間藍軍除左本身受傷既簡迪同科芬拿之外，列斯占士、捷維爾、基柏、高華錫以及路夫斯捷克亦相繼受傷，橫觀番各支球隊黎講其實都有唔少球員因為賽程緊密而受傷，而英超黎睇就只有榜首果兩隊姐係阿仙奴同曼城無受太大影響，就連利物浦都因為球員傷患而由爭標組跌落中游，一週雙賽聯賽歐聯兩邊走的確會令本身傷兵較多既球隊雪上加霜。
反而更多車迷爭論既係關於捷維爾既受傷，球員喺歐聯最後一場分組賽主場迎戰薩爾斯堡既賽事之中受傷，主要爭論點在於哩場賽事無論勝負都對於球隊喺出線既排名上都無任何影響，但其實睇番當時既賽程同個別球員既狀態，上場大敗比白禮頓時古古尼亞既表現相當不濟，而捷維爾既狀態仍未十足，緊接落黎既賽程要面對阿仙奴、曼城以及紐卡素，老實說以哩四場波黎睇都一定係對薩爾斯堡哩場波係最好機會比球員提升狀態，等到硬戰先出而打得唔好就一定受靶，傷患無人想見到，但往往都係難以預料同不幸，更何況唔見得捷維爾仍在陣中的話對於哩三場波既戰果有好大分別，難聽啲講都傷左過半隊正選，傷多一個真係唔算得上好多。
當然樸達自己亦都有唔爭氣既地方，場面輸得唔好睇，球員缺乏鬥心，戰術內容同人腳不斷變動都令球隊難以適應，究竟係高估左球員對戰術既了解還是受到賽事連連所影響就實在無從稽考，但老實地說陣中哩堆可用既球員實在無乜邊個喺樸達執教哩個半月有好明顯既進步，最多都只係數到解凍既基柏同不受杜曹重用既加拉加，其他球員好似史達寧同夏維斯等就愈踢愈洩，係攰定因為世界盃等因素就真係得佢地自己先知；而球迷同時需要明白哩隊車路士已經唔係年半前杜曹剛執教時既車路士，核心球員到依加都依然係果幾個，施華經已又大一歲，佐高簡哩對組合都已經唔知講左第幾季要買人做接班，前面走左盧卡古反而換黎一個對迫搶唔積極而且年紀更大既奧巴美揚，說實話實在唔見得即使杜曹仍然留任，球隊既成績會有好大提升。
唔係話想幫樸達講咩好說話，佢都有自己需要負既責任，但有好多問題例如傷兵、球隊陣容結構等都唔係佢一個人可以控制到，就算入數都唔應該入晒樸達一個人數，新舊管理層以及球員本身都一樣有責任，波利開季初就選擇辭退杜曹而重金禮聘樸達連同整隊教練團加盟當然唔會係想搞冧球隊，而樸達亦選擇放棄經歷自己手底調教三年終於達到「收成期」既白禮頓，貿然黎到重建中既車路士砍掉重練接受新挑戰，照計佢都唔會希望執教藍軍會係教練生涯既倒退。
畢竟對於以往被車路士養成「速食」既藍軍球迷黎講，一改以往換教練就有成績既作風係難啲接受，但就算數到歷任「短命」教練好似史高拉利同保亞斯都有五六個月執教時間，依加單單只係教左個半月就仲有啲距離，雖則新班主既處事手法比較無路捉，不過都預計樸達至少會有兩個完整轉會窗去執整人腳，而今季聯賽排名相信會以第四至第八為目標基礎，過程係難受但作為球迷都要頂落去，向來重建都需要經歷陣痛期，沒有捷徑可以走。
黎緊哩個半月既休戰時間亦係一個喘息機會比佢同教練團去再作思考，亦比到個機會車去分散注意力調整心態，同時祈求世界盃過後傷兵數字唔好不跌反升。
文章發表時間 : 15/11/2022 13:20
文章最後更新時間 : 15/11/2022 13:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
適逢世界盃檔期，聯賽休戰終於都有時間整頓一下思路打番啲唔止係賽後感既文章，發現自己尚未就車路士今季定下預期目標，以及對近期球隊劣勢既個人睇法。
老實地說，杜曹既離開係令人覺得傷感同可惜的，新人事新作風，波利既掌權的確作出左唔少人事變動，對球迷黎講難免是反感的，但就如以往一樣都要比時間去睇，而講緊既時間係會以年做單位去計，正如當初油王艾巴莫域治成為班主後，一貫重金注資再手起刀落更換教練，每次換帥都惹黎球迷不滿，但結果換黎一個個奬盃，以經過數十年事後黎睇你又會定斷佢係成功定失敗？相信每個人都自有定案；當然波利既取態未必會同油王一致，但喺依刻感覺上睇到佢既目標都係希望車路士能夠取得成功，至少無論成績同收益上都要取得成果至可以幫到哩位商家賺錢，如果唔係點解會選擇收購車路士，而油王又點會選擇將車路士賣比佢而唔係賣比其他人。
先從球隊陣容角度出發，單以夏季轉會窗前後既人腳對比，球員無論喺能力同質素上都無乜實質既提升，頂櫳都只能夠話係補充離隊球員既空缺，後防被兩支西甲班霸免簽連失魯迪加、基斯甸臣之下，換黎高列巴尼以及科芬拿兩位以往傷患史較多既球員，再由白禮頓收購左古古尼亞返黎頂替同樣離隊既馬高斯阿朗素，而留隊既有最後時刻改變主意既隊長艾斯派古達以及小將查路巴，施華繼續要喺後防擔大旗，而中場更加係無做任何新收購，仍舊維持佐高簡三位球員做重心，最多都只係回收左加拉加番黎（球員職能偏向前場多於中場）以及由維拉收購既卓禾美卡返黎，但後者既定位都係以長遠規劃為首，唔會喺哩刻投入到太大即戰力，再到前場換走雲拿同盧卡古換入美揚以及史達寧，加上回收番波查，睇番成套陣容最盡都只能夠講係得前場人手有丁點提升，後場就純係補充人手，中場就完全無做任何中層接班部署，如果維持番上年踢法而球員無傷無病的話，哩堆人腳最多都只係夠力爭下梗頸四，爭標就真係唔輪到我地，更加未講有其他隱藏黑馬上黎作亂。
而樸達走馬上任係季前未預期過既事，一直都以為杜曹有至少半季時間執隊波，開季無耐就要換帥其實無論對杜曹、樸達還是球員黎講都屬於一個三輸局面，新官上任既樸達就只能把握英女皇去世既休戰檔期稍作操練，之後就要迎接個半月既瘋狂賽程直到世界盃開鑼，而期間藍軍除左本身受傷既簡迪同科芬拿之外，列斯占士、捷維爾、基柏、高華錫以及路夫斯捷克亦相繼受傷，橫觀番各支球隊黎講其實都有唔少球員因為賽程緊密而受傷，而英超黎睇就只有榜首果兩隊姐係阿仙奴同曼城無受太大影響，就連利物浦都因為球員傷患而由爭標組跌落中游，一週雙賽聯賽歐聯兩邊走的確會令本身傷兵較多既球隊雪上加霜。
反而更多車迷爭論既係關於捷維爾既受傷，球員喺歐聯最後一場分組賽主場迎戰薩爾斯堡既賽事之中受傷，主要爭論點在於哩場賽事無論勝負都對於球隊喺出線既排名上都無任何影響，但其實睇番當時既賽程同個別球員既狀態，上場大敗比白禮頓時古古尼亞既表現相當不濟，而捷維爾既狀態仍未十足，緊接落黎既賽程要面對阿仙奴、曼城以及紐卡素，老實說以哩四場波黎睇都一定係對薩爾斯堡哩場波係最好機會比球員提升狀態，等到硬戰先出而打得唔好就一定受靶，傷患無人想見到，但往往都係難以預料同不幸，更何況唔見得捷維爾仍在陣中的話對於哩三場波既戰果有好大分別，難聽啲講都傷左過半隊正選，傷多一個真係唔算得上好多。
當然樸達自己亦都有唔爭氣既地方，場面輸得唔好睇，球員缺乏鬥心，戰術內容同人腳不斷變動都令球隊難以適應，究竟係高估左球員對戰術既了解還是受到賽事連連所影響就實在無從稽考，但老實地說陣中哩堆可用既球員實在無乜邊個喺樸達執教哩個半月有好明顯既進步，最多都只係數到解凍既基柏同不受杜曹重用既加拉加，其他球員好似史達寧同夏維斯等就愈踢愈洩，係攰定因為世界盃等因素就真係得佢地自己先知；而球迷同時需要明白哩隊車路士已經唔係年半前杜曹剛執教時既車路士，核心球員到依加都依然係果幾個，施華經已又大一歲，佐高簡哩對組合都已經唔知講左第幾季要買人做接班，前面走左盧卡古反而換黎一個對迫搶唔積極而且年紀更大既奧巴美揚，說實話實在唔見得即使杜曹仍然留任，球隊既成績會有好大提升。
唔係話想幫樸達講咩好說話，佢都有自己需要負既責任，但有好多問題例如傷兵、球隊陣容結構等都唔係佢一個人可以控制到，就算入數都唔應該入晒樸達一個人數，新舊管理層以及球員本身都一樣有責任，波利開季初就選擇辭退杜曹而重金禮聘樸達連同整隊教練團加盟當然唔會係想搞冧球隊，而樸達亦選擇放棄經歷自己手底調教三年終於達到「收成期」既白禮頓，貿然黎到重建中既車路士砍掉重練接受新挑戰，照計佢都唔會希望執教藍軍會係教練生涯既倒退。
畢竟對於以往被車路士養成「速食」既藍軍球迷黎講，一改以往換教練就有成績既作風係難啲接受，但就算數到歷任「短命」教練好似史高拉利同保亞斯都有五六個月執教時間，依加單單只係教左個半月就仲有啲距離，雖則新班主既處事手法比較無路捉，不過都預計樸達至少會有兩個完整轉會窗去執整人腳，而今季聯賽排名相信會以第四至第八為目標基礎，過程係難受但作為球迷都要頂落去，向來重建都需要經歷陣痛期，沒有捷徑可以走。
黎緊哩個半月既休戰時間亦係一個喘息機會比佢同教練團去再作思考，亦比到個機會車去分散注意力調整心態，同時祈求世界盃過後傷兵數字唔好不跌反升。
文章發表時間 : 15/11/2022 13:20
文章最後更新時間 : 15/11/2022 13:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/