《樸達上任後的第一個轉會窗 向上走還是向低沉？︱探討人腳整頓及賣人方向》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
轉會窗重啟，係時候同大家梳理一下現有陣容既配置以及分享個人睇法，會先從球隊陣容講起。
其實藍軍中前場囤積左唔少有能力但用唔著既球員，薛耶治定必係其中之一，哩位摩納哥國腳雖然喺過去左既世界盃交出亮眼既表現，協助國家歷史性打入四強，但無奈地佢既球風實在難以融入車路士既體系入面，無論喺林伯特、杜曹還是樸達手上都無法將佢喺國家隊還是阿積士年代既最好既一面帶到球場上，不擅於身體對抗加上缺乏戰術包裝都令薛耶治喺哩一刻仍未完全適應英超，轉換環境可以話係對雙方都有利。
至於另一位有機會離開既球員就係同為翼鋒既佩利錫，哩位「前」美國隊長近幾年一直受斷斷續續既傷患所困擾，都直接影響到變速同突破既流暢度，令佩利錫喺競技狀態不穩下喺杜曹執掌晚期已經退出正選之列，而喺樸達執教後更將佢嘗試改造成翼衛，但效果並不算得話好理想，如果有留意佢喺世界盃時代表國家隊既表現，會發現佩利錫更擅於反擊同行軍速率快既戰術體系中發展，如果樸達真係將佢定位為翼衛為主的話，倒不如早啲放人換個合適既人選會更好。
最後一個想講或會被出售既攻擊球員就係奧巴美楊，相信大家對於哩個人選會比較感到意外，但老實說如果睇番佢喺樸達手下既表現時就會發現，奧巴美楊同夏維斯比較難以喺場上同時共存，前者喺場上迫搶態度一向唔算積極，都同樸達既戰術理念有所出入，只係射門處理方面會比夏維斯優勝，定位上顯得較為雞肋，加上佢係杜曹搵番黎既人，個人認為奧巴美楊大有機喺今季完結時離開。
中場方面佐真奴同簡迪都將於夏季完約，按現時方向黎睇好大機會會二選一留或者兩者同時離開，但似乎球會情願完約比人免簽都未必會提早喺哩個轉會窗放售，反而今季從祖雲達斯外借返黎既薩卡利亞就有所斟酌，佢得到既上陣機會可以話少之有少，樸達只安排佢喺一啲高華錫迫住唔出得既時候先放哩位瑞士中場落場，雖然佢提供到既硬度能夠為佐真奴帶黎適量保護，但季後買斷機會實在不大，什至存在機會季中就退貨。
相反後場就無乜太多出售球員既需要，即使話高列巴尼交出既表現同水準未如預期所想，但點都係會過埋今季先再睇；至於文迪喺續約談判破裂後究竟留喺後備席等翻身機會還是出去闖就要睇佢個人取向，始終以佢近期表現要拎到同基柏相近人工就真係有啲難度，而本身依加份合約就仲有時間並唔需要急切處理住。
順帶一提自新班主波利上任後喺上一個轉會窗，幾已清走唔少囤積已久既球員包括巴克利、巴舒亞伊等，相信黎緊今個轉會窗仍會進一步縮減一啲唔合適既球員，騰出空間作相對應收購或提供機會比青年軍，務求令樸達有更大變動空間。
下篇將會同大家講買人方向...
文章發表時間 : 1/1/2023 18:55
文章最後更新時間 : 1/1/2023 18:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
轉會窗重啟，係時候同大家梳理一下現有陣容既配置以及分享個人睇法，會先從球隊陣容講起。
其實藍軍中前場囤積左唔少有能力但用唔著既球員，薛耶治定必係其中之一，哩位摩納哥國腳雖然喺過去左既世界盃交出亮眼既表現，協助國家歷史性打入四強，但無奈地佢既球風實在難以融入車路士既體系入面，無論喺林伯特、杜曹還是樸達手上都無法將佢喺國家隊還是阿積士年代既最好既一面帶到球場上，不擅於身體對抗加上缺乏戰術包裝都令薛耶治喺哩一刻仍未完全適應英超，轉換環境可以話係對雙方都有利。
至於另一位有機會離開既球員就係同為翼鋒既佩利錫，哩位「前」美國隊長近幾年一直受斷斷續續既傷患所困擾，都直接影響到變速同突破既流暢度，令佩利錫喺競技狀態不穩下喺杜曹執掌晚期已經退出正選之列，而喺樸達執教後更將佢嘗試改造成翼衛，但效果並不算得話好理想，如果有留意佢喺世界盃時代表國家隊既表現，會發現佩利錫更擅於反擊同行軍速率快既戰術體系中發展，如果樸達真係將佢定位為翼衛為主的話，倒不如早啲放人換個合適既人選會更好。
最後一個想講或會被出售既攻擊球員就係奧巴美楊，相信大家對於哩個人選會比較感到意外，但老實說如果睇番佢喺樸達手下既表現時就會發現，奧巴美楊同夏維斯比較難以喺場上同時共存，前者喺場上迫搶態度一向唔算積極，都同樸達既戰術理念有所出入，只係射門處理方面會比夏維斯優勝，定位上顯得較為雞肋，加上佢係杜曹搵番黎既人，個人認為奧巴美楊大有機喺今季完結時離開。
中場方面佐真奴同簡迪都將於夏季完約，按現時方向黎睇好大機會會二選一留或者兩者同時離開，但似乎球會情願完約比人免簽都未必會提早喺哩個轉會窗放售，反而今季從祖雲達斯外借返黎既薩卡利亞就有所斟酌，佢得到既上陣機會可以話少之有少，樸達只安排佢喺一啲高華錫迫住唔出得既時候先放哩位瑞士中場落場，雖然佢提供到既硬度能夠為佐真奴帶黎適量保護，但季後買斷機會實在不大，什至存在機會季中就退貨。
相反後場就無乜太多出售球員既需要，即使話高列巴尼交出既表現同水準未如預期所想，但點都係會過埋今季先再睇；至於文迪喺續約談判破裂後究竟留喺後備席等翻身機會還是出去闖就要睇佢個人取向，始終以佢近期表現要拎到同基柏相近人工就真係有啲難度，而本身依加份合約就仲有時間並唔需要急切處理住。
順帶一提自新班主波利上任後喺上一個轉會窗，幾已清走唔少囤積已久既球員包括巴克利、巴舒亞伊等，相信黎緊今個轉會窗仍會進一步縮減一啲唔合適既球員，騰出空間作相對應收購或提供機會比青年軍，務求令樸達有更大變動空間。
下篇將會同大家講買人方向...
文章發表時間 : 1/1/2023 18:55
文章最後更新時間 : 1/1/2023 18:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/