《占士受傷後首場失分 應如何走下去？︱諾定咸森林車路士英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
作客森林放低兩分，應該話唔洗輸晒三分都偷笑，事關對手其實有球遠射都中眉，之係彈落地果下係彈番向前未過白界線，至令作客既車路士唔洗以敗仗作結，占士受傷後既第一場賽事就已經搞成咁，一月流流長又點樣可以捱落去？
樸達今場波依然用番世界盃過後使用既4231陣式，後防線繼續由施華同高列巴尼握守中路，右閘由艾斯派古達頂替受傷既占士，而左閘都係古古尼亞，中場方面都依然係佐真奴伙拍薩卡利亞作為雙中場組合，而前面由左至右分別係佩利錫、蒙特以及史達寧，正箭頭就係夏維斯，相對上場對般茅既陣容上只係換左右閘既艾斯派古達頂上，其餘位置並無作出人腳變動。
森林上半場以穩守突擊為主，三線收於自己半場區內主打防守，控球權直接交到作客既藍軍手上，但每當藍衫球員一不留神傳失球的話，就會馬上以過頭波完全略過自己既中場球員交上前場做衝擊，都有幾下危險畫面出現令車路士後防踢得相當狼狽；到下半場森林就明顯主動好多，同上半場既策略完全調轉，好多時敢於壓上同藍軍做硬度對抗，而正中下懷地每當車路士面對哩啲對手時就會暴露出更多弱點，成功消磨中場球員體能，減弱佢地對防線既保護，令到自己既攻擊球員好容易就可以直接喺車路士一方既禁區邊進行爆破。
雖然森林既入球係黎自一個角球攻勢，但其餘時間都有唔少機會都令藍軍後防疲於奔命，而車路士亦無乜好多攻門機會製造到出黎，上半場面對密集時中前場完全無人發板，好多時都只能依靠施華或高列巴尼壓上做穿透性長傳作第一點，即使樸達近兩場都嘗試安排佐真奴同薩卡利亞輪流插上，後者什至會同夏維斯調位打正中鋒，但效果並唔算得上好理想，始終薩卡利亞較精於持球推進同攔劫覆蓋面，但要佢做太多跨戰區既後上工作就未必好合適。
至於邊路方面今場波踢得較為出色既就只有佩利錫，佢出現既畫面絕對比起有入球既史達寧多，而個人較為斟酌樸達既時既臨場調動，出現失球前佢先安排高華錫入替薩卡利亞，但其實當時佐真奴既效用經已比後者低，留番哩位瑞士中場喺場內主打防務塞下空位反而或會更合適，去到失球喺62分鐘出現後等到72分鐘至作出三個調動，果時先至收起佐真奴會唔會浪費左中間哩十分鐘？干拿加拉加佢地幾個係咪可以早啲落場嘗試追下比數？而同時佢選擇左收起蒙特放奧巴美楊入場同夏維斯夾，後者下半場既體能都集中力都有明顯下降，會唔會由奧巴美楊入替佢會更加適合？
以上都係個人對於樸達今場既臨場調動既睇法，但對於球賽進程失利同形勢轉變就唔算感到太大意外，始終每當車路士面對敢衝敢博而且硬淨既對手時都顯得手足無措，哩啲都係人腳上既缺憾，都係果句即使哩一刻換掉樸達，由任何一位教頭上任都唔會令成績或賽事場面有好大突破性發展，今個轉會窗唔嘗試喺三線作出補充的話，下半季輸既畫面就只會更加難睇。
文章發表時間 : 2/1/2023 18:55
文章最後更新時間 : 2/1/2023 18:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
作客森林放低兩分，應該話唔洗輸晒三分都偷笑，事關對手其實有球遠射都中眉，之係彈落地果下係彈番向前未過白界線，至令作客既車路士唔洗以敗仗作結，占士受傷後既第一場賽事就已經搞成咁，一月流流長又點樣可以捱落去？
樸達今場波依然用番世界盃過後使用既4231陣式，後防線繼續由施華同高列巴尼握守中路，右閘由艾斯派古達頂替受傷既占士，而左閘都係古古尼亞，中場方面都依然係佐真奴伙拍薩卡利亞作為雙中場組合，而前面由左至右分別係佩利錫、蒙特以及史達寧，正箭頭就係夏維斯，相對上場對般茅既陣容上只係換左右閘既艾斯派古達頂上，其餘位置並無作出人腳變動。
森林上半場以穩守突擊為主，三線收於自己半場區內主打防守，控球權直接交到作客既藍軍手上，但每當藍衫球員一不留神傳失球的話，就會馬上以過頭波完全略過自己既中場球員交上前場做衝擊，都有幾下危險畫面出現令車路士後防踢得相當狼狽；到下半場森林就明顯主動好多，同上半場既策略完全調轉，好多時敢於壓上同藍軍做硬度對抗，而正中下懷地每當車路士面對哩啲對手時就會暴露出更多弱點，成功消磨中場球員體能，減弱佢地對防線既保護，令到自己既攻擊球員好容易就可以直接喺車路士一方既禁區邊進行爆破。
雖然森林既入球係黎自一個角球攻勢，但其餘時間都有唔少機會都令藍軍後防疲於奔命，而車路士亦無乜好多攻門機會製造到出黎，上半場面對密集時中前場完全無人發板，好多時都只能依靠施華或高列巴尼壓上做穿透性長傳作第一點，即使樸達近兩場都嘗試安排佐真奴同薩卡利亞輪流插上，後者什至會同夏維斯調位打正中鋒，但效果並唔算得上好理想，始終薩卡利亞較精於持球推進同攔劫覆蓋面，但要佢做太多跨戰區既後上工作就未必好合適。
至於邊路方面今場波踢得較為出色既就只有佩利錫，佢出現既畫面絕對比起有入球既史達寧多，而個人較為斟酌樸達既時既臨場調動，出現失球前佢先安排高華錫入替薩卡利亞，但其實當時佐真奴既效用經已比後者低，留番哩位瑞士中場喺場內主打防務塞下空位反而或會更合適，去到失球喺62分鐘出現後等到72分鐘至作出三個調動，果時先至收起佐真奴會唔會浪費左中間哩十分鐘？干拿加拉加佢地幾個係咪可以早啲落場嘗試追下比數？而同時佢選擇左收起蒙特放奧巴美楊入場同夏維斯夾，後者下半場既體能都集中力都有明顯下降，會唔會由奧巴美楊入替佢會更加適合？
以上都係個人對於樸達今場既臨場調動既睇法，但對於球賽進程失利同形勢轉變就唔算感到太大意外，始終每當車路士面對敢衝敢博而且硬淨既對手時都顯得手足無措，哩啲都係人腳上既缺憾，都係果句即使哩一刻換掉樸達，由任何一位教頭上任都唔會令成績或賽事場面有好大突破性發展，今個轉會窗唔嘗試喺三線作出補充的話，下半季輸既畫面就只會更加難睇。
文章發表時間 : 2/1/2023 18:55
文章最後更新時間 : 2/1/2023 18:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/