《轉會窗的最後瘋狂 中場一入一出冬季埋單洗左三億》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
最終都完成左一出一入，佐真奴去左阿仙奴，而安素費南迪斯就以破英超紀錄加盟車路士，總算無發生最差既結果。
對於佐真奴既離開，球迷意見一直都好壞參半，其實都無需再多解釋，如果你以往都唔鐘意佢既就點都想佢走，再多解釋都無作用，但在於依一刻既車路士黎講，點都係留佐真奴多半季會更合適，始終安素都就算點快上手都要啲時間適應，而如果真係安排佢打6號位既話都一樣需要替補，佐真奴依加走搵邊個打？唔好同我講係路夫斯捷克還是干拿加拉加。
當然哩啲都唔輪到你同我話事，又或者球會真係好有信心簡迪復出後唔會再傷，而高華錫啲小傷亦都可以斷到尾，而言佢地兩個其實都唔係完全適合打6號位既球員，或者樸達會再用戰術做修正？比到你既時間亦都唔會太多，講緊保利掟左咁多錢出黎買人點都要有啲成績睇下；至於安素既加盟唯一存在既風險就係適應性同身價壓力，睇落球風踢英超就無咩問題，身價壓力就要睇佢自己心態點調節，樸達會放佢打6號位還是8號位就要再睇，按推斷點都係會先堵塞防線缺口為先，一句都係執好過中後場防守，先至講進攻，而依加既車路士明顯就係兩頭唔到岸。
本身車路士今個轉會就想收購一名新中場，而依加收購左安素後走左佐真奴，成個中場名單就有簡迪、高華錫、蒙特、干拿加拉加、薩卡利亞、路夫斯捷克同安素費南迪斯，當中蒙特同加拉加應定義為前場球員多於中場，而餘下既球員有三個都受緊傷，當中簡迪就預佢踢三份一季好了，下個轉會窗一樣都要搵多個新中場返黎。
至於其他新球員既介紹就會之係有時間再補充，總結成個轉會窗較美中不足既係未有替補右閘即時加盟以及無留到佐真奴多半季，每個人既睇法都唔同，至少我地睇既野同保利睇既野都已經截然不同。
文章發表時間 : 1/2/2023 12:50
文章最後更新時間 : 1/2/2023 12:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
最終都完成左一出一入，佐真奴去左阿仙奴，而安素費南迪斯就以破英超紀錄加盟車路士，總算無發生最差既結果。
對於佐真奴既離開，球迷意見一直都好壞參半，其實都無需再多解釋，如果你以往都唔鐘意佢既就點都想佢走，再多解釋都無作用，但在於依一刻既車路士黎講，點都係留佐真奴多半季會更合適，始終安素都就算點快上手都要啲時間適應，而如果真係安排佢打6號位既話都一樣需要替補，佐真奴依加走搵邊個打？唔好同我講係路夫斯捷克還是干拿加拉加。
當然哩啲都唔輪到你同我話事，又或者球會真係好有信心簡迪復出後唔會再傷，而高華錫啲小傷亦都可以斷到尾，而言佢地兩個其實都唔係完全適合打6號位既球員，或者樸達會再用戰術做修正？比到你既時間亦都唔會太多，講緊保利掟左咁多錢出黎買人點都要有啲成績睇下；至於安素既加盟唯一存在既風險就係適應性同身價壓力，睇落球風踢英超就無咩問題，身價壓力就要睇佢自己心態點調節，樸達會放佢打6號位還是8號位就要再睇，按推斷點都係會先堵塞防線缺口為先，一句都係執好過中後場防守，先至講進攻，而依加既車路士明顯就係兩頭唔到岸。
本身車路士今個轉會就想收購一名新中場，而依加收購左安素後走左佐真奴，成個中場名單就有簡迪、高華錫、蒙特、干拿加拉加、薩卡利亞、路夫斯捷克同安素費南迪斯，當中蒙特同加拉加應定義為前場球員多於中場，而餘下既球員有三個都受緊傷，當中簡迪就預佢踢三份一季好了，下個轉會窗一樣都要搵多個新中場返黎。
至於其他新球員既介紹就會之係有時間再補充，總結成個轉會窗較美中不足既係未有替補右閘即時加盟以及無留到佐真奴多半季，每個人既睇法都唔同，至少我地睇既野同保利睇既野都已經截然不同。
文章發表時間 : 1/2/2023 12:50
文章最後更新時間 : 1/2/2023 12:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/