《缺乏聯繫 磨合需時︱車路士對富咸英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
適逢盃賽早已出局，車路士經歷近兩星期既休息後喺主場迎戰富咸，早於上月作客時卡雲農舍球場時全失三分，喺有唔少新兵加盟之下今場只能力保不失賽和0-0，雖然未能打開勝利之門，不過賽事進程上都見到新球員既能力。
樸達選用以四後防出戰，施華繼續拍巴迪亞舒尼為中堅組合，右閘有占士復任正選，而左閘為古古尼亞，中場方面由於簡迪、高華錫以及薩卡利亞依然處於養傷階段，而上半季接近完全健康既佐真奴亦被出售到阿仙奴，令新加盟既安素費南迪斯亦馬上需要以正選出戰，伙拍兼任中場既干拿加拉加以及蒙特，而前線亦有梅迪歷首次於英超擔任正選，與右翼既薛耶治以及箭頭既夏維斯作攻堅。
如果用上下半場做對比的話，明顯下半場球隊既整體表現會比上半場好，上半場球員與球員之間顯然缺乏聯繫，感覺上好似中後場同前場分成兩部份咁，梅迪歷同古古尼亞各有各打，而安素每次一拎到波之後身旁都無人交，蒙特同加拉加兩個每次都走左上前，薛耶治亦繼續單打獨鬥，早兩場有隊友幫佢做掩護拉散獲得好表現，今場又唔見晒，整隊波除左後場相互之間有啲關連性之外，其餘球員都好似各自為政咁。
梅迪歷喺缺少支援下亦獨力難支，半場被換走係可以理解，相反換入同樣新加盟既馬杜克表現就較理想，無論喺左翼還是史達寧落場後佢被調為右翼都有好幾下搶眼既進攻畫面，默契亦比起梅迪歷好；而另一重點收購安素都一樣交出理想既數據，攔截準繩、覆蓋面廣再加上有後上遠射，經已用一場波兌理出個人特質同實力，不過喺現位方面仍需時間提升，始終佢可能連波都未練過就落場，以首戰黎講已經算交足功課。
上半場有夏維斯一下半單刀同中柱，下半場有安素同加拉加既遠射相當近旁，再有科芬拿既空門被救，只能夠講相當欠運，占士傷癒初期亦都踢得較為保守，需要安全至上，不過整體黎講車路士依加都仍需時間磨合，即使成功製造攻門但過程明顯未算得上流暢，樸達依然都需要為球隊尋找較為理想既正選組合，為聯賽排名而努力。
文章發表時間 : 4/2/2023 10:40
文章最後更新時間 : 4/2/2023 10:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
適逢盃賽早已出局，車路士經歷近兩星期既休息後喺主場迎戰富咸，早於上月作客時卡雲農舍球場時全失三分，喺有唔少新兵加盟之下今場只能力保不失賽和0-0，雖然未能打開勝利之門，不過賽事進程上都見到新球員既能力。
樸達選用以四後防出戰，施華繼續拍巴迪亞舒尼為中堅組合，右閘有占士復任正選，而左閘為古古尼亞，中場方面由於簡迪、高華錫以及薩卡利亞依然處於養傷階段，而上半季接近完全健康既佐真奴亦被出售到阿仙奴，令新加盟既安素費南迪斯亦馬上需要以正選出戰，伙拍兼任中場既干拿加拉加以及蒙特，而前線亦有梅迪歷首次於英超擔任正選，與右翼既薛耶治以及箭頭既夏維斯作攻堅。
如果用上下半場做對比的話，明顯下半場球隊既整體表現會比上半場好，上半場球員與球員之間顯然缺乏聯繫，感覺上好似中後場同前場分成兩部份咁，梅迪歷同古古尼亞各有各打，而安素每次一拎到波之後身旁都無人交，蒙特同加拉加兩個每次都走左上前，薛耶治亦繼續單打獨鬥，早兩場有隊友幫佢做掩護拉散獲得好表現，今場又唔見晒，整隊波除左後場相互之間有啲關連性之外，其餘球員都好似各自為政咁。
梅迪歷喺缺少支援下亦獨力難支，半場被換走係可以理解，相反換入同樣新加盟既馬杜克表現就較理想，無論喺左翼還是史達寧落場後佢被調為右翼都有好幾下搶眼既進攻畫面，默契亦比起梅迪歷好；而另一重點收購安素都一樣交出理想既數據，攔截準繩、覆蓋面廣再加上有後上遠射，經已用一場波兌理出個人特質同實力，不過喺現位方面仍需時間提升，始終佢可能連波都未練過就落場，以首戰黎講已經算交足功課。
上半場有夏維斯一下半單刀同中柱，下半場有安素同加拉加既遠射相當近旁，再有科芬拿既空門被救，只能夠講相當欠運，占士傷癒初期亦都踢得較為保守，需要安全至上，不過整體黎講車路士依加都仍需時間磨合，即使成功製造攻門但過程明顯未算得上流暢，樸達依然都需要為球隊尋找較為理想既正選組合，為聯賽排名而努力。
文章發表時間 : 4/2/2023 10:40
文章最後更新時間 : 4/2/2023 10:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/