《安素加盟不足以完全解決現時中場問題︱淺談車路士中場結構與處境》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
安素既加盟並不足以完全滿足藍軍現時既中場問題，並唔係話佢既能力不足，而係講佢身旁既拍檔組合問題，簡迪、高華錫以及薩卡利亞仍處於養傷階段，而無論係蒙特同加拉加都並唔係安素既最好理想組合，兩人始終都係攻強於守，蒙特喺防守上主要都依靠體力去做填位，實質既落腳或者攔截技巧並唔出色，至於加拉加雖然一向勇於落腳同去哨，但攔截準繩度未必話好高，加上現位意識同位置感不足，變相如果要佢做中場last man的話就會好高風險，季初對李城既兩黃一紅就係最好既例子，兩者理應靠近對方禁區作用大於放近自己中後場。
所以你喺上場對富咸時會見到安素好多時都孤立無援，每次拎到波都要長傳交到左右兩邊，去到下半場什至直接由後場開始做波，由施華同巴迪亞舒尼長傳到前場完全跳過中場運轉，亦令安素主力出現於攔截畫面，而如果佐真奴仍在陣中的話，前者就能夠擔任8號位，至少佢既覆蓋面同活力都可以填補到佐真奴既缺失，同時可以喺進攻上帶到其他元素比到球隊，包括遠上都殺入禁區既能力，當然哩一切都只係如果，而佐真奴正因阿仙奴失分而被部份藍紅球迷狠狠地嘲笑，意思上並非指哩位球員不能出售，中場換班需要由林伯特執教年代都已經講起，但在於球隊哩一刻既處境喺中場人手嚴重短缺之下，將上半季唯一健康接近聯賽全勤既佐真奴賣走，十個煲九個蓋之下你又期望安素可以做得幾多？
關於蒙特既文章其實早排已經出過一篇，如果錯過左可以喺留言睇番，自文章出街後有部份球迷認為批評對蒙特不公，理解得到球隊既近況的確不利於佢既發展，每場既定位同職責都有所不同，亦並非完全抹殺佢過去幾季為球隊帶拎錦標既努力，但佢既狀態唔理想亦係事實，傳射判斷唔理想，傳球時機同準確度亦唔夠好，其實需要先列後備重整心態同休息，奈何球隊現時實在無其他中場人選可以上場，變相都令蒙特既近況愈踢愈沉。
最後都想補充多句，有部份傳媒都以蒙特既續約黎做炒作話題，指佢要求球會提供高薪合約作為條件，但哩部份傳媒既可信度一直成疑，建議球迷們都唔好跟車太貼，靜待事態發展既最後結果，而依加既專注力理應放番喺球隊既整體表現上。
文章發表時間 : 8/2/2023 12:15
文章最後更新時間 : 8/2/2023 12:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
安素既加盟並不足以完全滿足藍軍現時既中場問題，並唔係話佢既能力不足，而係講佢身旁既拍檔組合問題，簡迪、高華錫以及薩卡利亞仍處於養傷階段，而無論係蒙特同加拉加都並唔係安素既最好理想組合，兩人始終都係攻強於守，蒙特喺防守上主要都依靠體力去做填位，實質既落腳或者攔截技巧並唔出色，至於加拉加雖然一向勇於落腳同去哨，但攔截準繩度未必話好高，加上現位意識同位置感不足，變相如果要佢做中場last man的話就會好高風險，季初對李城既兩黃一紅就係最好既例子，兩者理應靠近對方禁區作用大於放近自己中後場。
所以你喺上場對富咸時會見到安素好多時都孤立無援，每次拎到波都要長傳交到左右兩邊，去到下半場什至直接由後場開始做波，由施華同巴迪亞舒尼長傳到前場完全跳過中場運轉，亦令安素主力出現於攔截畫面，而如果佐真奴仍在陣中的話，前者就能夠擔任8號位，至少佢既覆蓋面同活力都可以填補到佐真奴既缺失，同時可以喺進攻上帶到其他元素比到球隊，包括遠上都殺入禁區既能力，當然哩一切都只係如果，而佐真奴正因阿仙奴失分而被部份藍紅球迷狠狠地嘲笑，意思上並非指哩位球員不能出售，中場換班需要由林伯特執教年代都已經講起，但在於球隊哩一刻既處境喺中場人手嚴重短缺之下，將上半季唯一健康接近聯賽全勤既佐真奴賣走，十個煲九個蓋之下你又期望安素可以做得幾多？
關於蒙特既文章其實早排已經出過一篇，如果錯過左可以喺留言睇番，自文章出街後有部份球迷認為批評對蒙特不公，理解得到球隊既近況的確不利於佢既發展，每場既定位同職責都有所不同，亦並非完全抹殺佢過去幾季為球隊帶拎錦標既努力，但佢既狀態唔理想亦係事實，傳射判斷唔理想，傳球時機同準確度亦唔夠好，其實需要先列後備重整心態同休息，奈何球隊現時實在無其他中場人選可以上場，變相都令蒙特既近況愈踢愈沉。
最後都想補充多句，有部份傳媒都以蒙特既續約黎做炒作話題，指佢要求球會提供高薪合約作為條件，但哩部份傳媒既可信度一直成疑，建議球迷們都唔好跟車太貼，靜待事態發展既最後結果，而依加既專注力理應放番喺球隊既整體表現上。
文章發表時間 : 8/2/2023 12:15
文章最後更新時間 : 8/2/2023 12:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/