《來去匆匆 無奈終結 奧巴美揚在史丹福橋的前景經已亮起紅燈》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
關於奧巴美揚既前景，如無意外都可以用終結黎形容，由阿仙奴到巴塞再黎到車路士，要不是杜曹本意的話相信佢能夠喺史丹福橋穿起藍色波衫既機會係相當之微，奈何保利既手起刀落，變相令奧巴美揚匆匆的來杜曹也匆匆的去，對球員黎講當然係唔理想，亦係佢效力只有半季後想離隊既主因。
其實由奧巴美揚喺離開阿仙奴之前，一直都有傳杜曹有意將佢由紅轉藍帶黎車路士，未幾球會選擇由國際米蘭高價求購盧卡古回歸，如果以依加結果論黎睇兩者喺藍軍交出既表現都同樣唔理想，奧巴美揚雖然喺埋門把握力方面會比起另一前鋒人選夏維斯優勝，但佢既踢法實在過於單一，只能夠接應直線或過頭波利用速度專攻對手身後位，支點能力欠奉，而由於車路士既中場球員嚴重欠缺創造攻勢能力，令到奧巴美揚喺前線所得到既供應同發揮專長既機會可以話少之又少，如果佢同夏維斯同場，兩者經常性會走埋同一個位，都令禁區人手擠擁得黎但得不出相應效果。
再加上車路士喺今個冬季轉會窗一口氣引入左唔少進攻球員，而奧巴美揚係上手杜曹所引進既人，選擇註銷佢喺歐聯既註冊名額以換取其他新攻擊球員既加入可以話無可厚非，由於美職聯既轉會窗尚未結束，傳聞有美職球隊都想將哩位前加篷國腳帶到美國，不過相信要達成借用條款以及薪酬金額會有一定困難，尤其係奧巴美揚依加份約都唔平，佢喺季初同藍軍簽左為其兩年加上額外一年既啟動續約條款，但依加都只係過左半季。
根據近日球隊既操練片段見到球員已回歸操練，能否再次上陣相信就要睇樸達既安排，不過相信喺人手排序上佢既位置什至會後於新加盟既科芬拿，眼見奧巴美揚現時既處境，都難免令人感到無奈。
文章發表時間 : 10/2/2023 22:40
文章最後更新時間 : 10/2/2023 22:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
關於奧巴美揚既前景，如無意外都可以用終結黎形容，由阿仙奴到巴塞再黎到車路士，要不是杜曹本意的話相信佢能夠喺史丹福橋穿起藍色波衫既機會係相當之微，奈何保利既手起刀落，變相令奧巴美揚匆匆的來杜曹也匆匆的去，對球員黎講當然係唔理想，亦係佢效力只有半季後想離隊既主因。
其實由奧巴美揚喺離開阿仙奴之前，一直都有傳杜曹有意將佢由紅轉藍帶黎車路士，未幾球會選擇由國際米蘭高價求購盧卡古回歸，如果以依加結果論黎睇兩者喺藍軍交出既表現都同樣唔理想，奧巴美揚雖然喺埋門把握力方面會比起另一前鋒人選夏維斯優勝，但佢既踢法實在過於單一，只能夠接應直線或過頭波利用速度專攻對手身後位，支點能力欠奉，而由於車路士既中場球員嚴重欠缺創造攻勢能力，令到奧巴美揚喺前線所得到既供應同發揮專長既機會可以話少之又少，如果佢同夏維斯同場，兩者經常性會走埋同一個位，都令禁區人手擠擁得黎但得不出相應效果。
再加上車路士喺今個冬季轉會窗一口氣引入左唔少進攻球員，而奧巴美揚係上手杜曹所引進既人，選擇註銷佢喺歐聯既註冊名額以換取其他新攻擊球員既加入可以話無可厚非，由於美職聯既轉會窗尚未結束，傳聞有美職球隊都想將哩位前加篷國腳帶到美國，不過相信要達成借用條款以及薪酬金額會有一定困難，尤其係奧巴美揚依加份約都唔平，佢喺季初同藍軍簽左為其兩年加上額外一年既啟動續約條款，但依加都只係過左半季。
根據近日球隊既操練片段見到球員已回歸操練，能否再次上陣相信就要睇樸達既安排，不過相信喺人手排序上佢既位置什至會後於新加盟既科芬拿，眼見奧巴美揚現時既處境，都難免令人感到無奈。
文章發表時間 : 10/2/2023 22:40
文章最後更新時間 : 10/2/2023 22:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/