《反勝晉級 走得多遠就多遠︱車路士對多蒙特歐聯賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
2-0反勝晉級八強，以球隊近期狀態黎講其實十六強出局都絕對唔意外，回歸三中堅陣式後連贏兩場，係虛火還是回穩要再睇，不過好過一直輸落去，總算為主場球迷帶黎歡笑面容。
施華受傷加上巴迪亞舒尼未有於歐聯註冊名單上，令古古尼亞相隔接近一個月既時間終於再獲上陣機會，伙拍高列巴尼以及科芬拿為三中堅，左右翼衛繼續有捷維爾同傷癒復出既列斯占士，中場組合方面就依舊係高華錫同安素費南迪斯，而前線亦係菲歷斯、史達寧同夏維斯三位，同上場既陣容黎睇就只有左中堅以及右翼衛人選有改變。
雖然陣式相同人手變化不大，不過喺戰術內容上就做左調整，上場波明顯依賴捷維爾喺左邊發動攻勢，今場波有占士復出後都令左右兩邊攻守較為平均，而夏維斯既位置亦相對墜後，令球隊喺主攻時佢會成為高華錫同安素與史達寧及菲歷斯之間既中轉站，即使安利簡已經人釘人防守夏維斯，後者都能背身擺脫對手再轉會向前傳，而史達寧同菲歷斯都有能力於邊路或中路區域進行爆破。
而相比於多蒙特既無球壓迫，車路士既壓迫就更為進取得多，夏維斯先向前壓迫使客隊龍門或中堅向邊傳，而捷維爾或占士就再向閘位球員壓迫，繼而連擔任兩邊中堅既古古尼亞或科芬拿都會殺上前做迫搶，尤其係前場今場波成功喺對手身後剎左唔少波，樸達既指令明顯要求古古尼亞做更多向前哨同反搶，亦簡單啲情願清波都唔好做太多花巧動作或回傳，更令球員成為今場波既MOTM。
夏維斯兩下既中柱令人無言，就連球員喺賽後訪問都唔清楚自己點解會咁（苦笑），而其實高列巴尼都有下幫左對手護空間解圍，以及史達寧入果球之前果下接應弄失，只係最終都好彩再射入網，一一都難以解釋，如果哩啲機會最終都能轉化成入球的話，經已不用拖到最後一刻至分勝，當然多蒙特本身亦受傷兵問題困擾，都影響左己隊發揮。
晉級八強經已收貨有突，能再向前走多遠就隨緣吧。
文章發表時間 : 8/3/2023 12:30
文章最後更新時間 : 8/3/2023 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
2-0反勝晉級八強，以球隊近期狀態黎講其實十六強出局都絕對唔意外，回歸三中堅陣式後連贏兩場，係虛火還是回穩要再睇，不過好過一直輸落去，總算為主場球迷帶黎歡笑面容。
施華受傷加上巴迪亞舒尼未有於歐聯註冊名單上，令古古尼亞相隔接近一個月既時間終於再獲上陣機會，伙拍高列巴尼以及科芬拿為三中堅，左右翼衛繼續有捷維爾同傷癒復出既列斯占士，中場組合方面就依舊係高華錫同安素費南迪斯，而前線亦係菲歷斯、史達寧同夏維斯三位，同上場既陣容黎睇就只有左中堅以及右翼衛人選有改變。
雖然陣式相同人手變化不大，不過喺戰術內容上就做左調整，上場波明顯依賴捷維爾喺左邊發動攻勢，今場波有占士復出後都令左右兩邊攻守較為平均，而夏維斯既位置亦相對墜後，令球隊喺主攻時佢會成為高華錫同安素與史達寧及菲歷斯之間既中轉站，即使安利簡已經人釘人防守夏維斯，後者都能背身擺脫對手再轉會向前傳，而史達寧同菲歷斯都有能力於邊路或中路區域進行爆破。
而相比於多蒙特既無球壓迫，車路士既壓迫就更為進取得多，夏維斯先向前壓迫使客隊龍門或中堅向邊傳，而捷維爾或占士就再向閘位球員壓迫，繼而連擔任兩邊中堅既古古尼亞或科芬拿都會殺上前做迫搶，尤其係前場今場波成功喺對手身後剎左唔少波，樸達既指令明顯要求古古尼亞做更多向前哨同反搶，亦簡單啲情願清波都唔好做太多花巧動作或回傳，更令球員成為今場波既MOTM。
夏維斯兩下既中柱令人無言，就連球員喺賽後訪問都唔清楚自己點解會咁（苦笑），而其實高列巴尼都有下幫左對手護空間解圍，以及史達寧入果球之前果下接應弄失，只係最終都好彩再射入網，一一都難以解釋，如果哩啲機會最終都能轉化成入球的話，經已不用拖到最後一刻至分勝，當然多蒙特本身亦受傷兵問題困擾，都影響左己隊發揮。
晉級八強經已收貨有突，能再向前走多遠就隨緣吧。
文章發表時間 : 8/3/2023 12:30
文章最後更新時間 : 8/3/2023 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/