《把握逆轉時機 古古尼亞能否奠定左中堅正選位置？》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
關於古古尼亞，引用番初加盟時介紹佢既文章所講...
「對於進攻球員黎講要擺脫古古利拿既防守其實並唔係一件易事，球員單防能力強，死纏爛打既踢法令到即使你哩一下避過到佢都會用速度喺背後死追你，從而令對手唔會咁輕易就起到腳或者完成整個攻勢，加上出身自巴塞青訓，箍住個波做推進都相當純熟，亦會觀察場上形勢去判斷路線推「生」個波，攻守兩端既職能都平均；不過古古利拿既腳下功夫並唔算得上好好，啲推進好多時係依靠速度同賣力較少以技術過人，而佢亦偏好於打陣地戰短傳為主，踢法相對上較為務實。」
近兩場都睇到古古尼亞喺左中堅哩個位置有唔錯既表現，至少比起個幾月前時既佢係有進步同開始融入到球隊之中，捷維爾既復出除左為球隊帶番生左路之外亦令古古尼亞受惠不少，可以專注喺左中堅位置負責補位、上搶以及偷襲等任務，到捷維爾需要休息時至頂替左閘角色，近期開始見到哩個相互作用得到正面效果。
有球迷話古古尼亞既後上助攻唔夠輸出，的確如果佢要喺職業生涯更進一步的話，至少要喺後上時機同埋傳中哩兩個項目多下苦功，不過依加就當住古古尼亞係一個後場既韋利安咁其實都經已好洗好用，有波黎就清，埋身就撞，爆速就追，每次都付出百二分體力去死纏對手，如果球員狀態十足的話其實要過到佢並唔係容易既事。
不過古古尼亞喺搶到左中堅正選既同時，變相就令到同樣左腳既巴迪亞舒尼無左正選機會，如果後場人腳無傷無病的話就只能透過戰線去攤分上陣時間，而巴迪亞舒尼同古古尼亞兩者都具備不同既元素，就可以因應對手而組合出唔同既效果，所以先前都有講到車路士既後防人腳其實已經比起以往豐富，哩一點係無容置疑。
無論如何都希望古古尼亞能夠保持到落去，年紀上亦都仲有向上既進步空間，之後就要睇佢自己既造化。
文章發表時間 : 17/3/2023 13:50
文章最後更新時間 : 17/3/2023 13:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
關於古古尼亞，引用番初加盟時介紹佢既文章所講...
「對於進攻球員黎講要擺脫古古利拿既防守其實並唔係一件易事，球員單防能力強，死纏爛打既踢法令到即使你哩一下避過到佢都會用速度喺背後死追你，從而令對手唔會咁輕易就起到腳或者完成整個攻勢，加上出身自巴塞青訓，箍住個波做推進都相當純熟，亦會觀察場上形勢去判斷路線推「生」個波，攻守兩端既職能都平均；不過古古利拿既腳下功夫並唔算得上好好，啲推進好多時係依靠速度同賣力較少以技術過人，而佢亦偏好於打陣地戰短傳為主，踢法相對上較為務實。」
近兩場都睇到古古尼亞喺左中堅哩個位置有唔錯既表現，至少比起個幾月前時既佢係有進步同開始融入到球隊之中，捷維爾既復出除左為球隊帶番生左路之外亦令古古尼亞受惠不少，可以專注喺左中堅位置負責補位、上搶以及偷襲等任務，到捷維爾需要休息時至頂替左閘角色，近期開始見到哩個相互作用得到正面效果。
有球迷話古古尼亞既後上助攻唔夠輸出，的確如果佢要喺職業生涯更進一步的話，至少要喺後上時機同埋傳中哩兩個項目多下苦功，不過依加就當住古古尼亞係一個後場既韋利安咁其實都經已好洗好用，有波黎就清，埋身就撞，爆速就追，每次都付出百二分體力去死纏對手，如果球員狀態十足的話其實要過到佢並唔係容易既事。
不過古古尼亞喺搶到左中堅正選既同時，變相就令到同樣左腳既巴迪亞舒尼無左正選機會，如果後場人腳無傷無病的話就只能透過戰線去攤分上陣時間，而巴迪亞舒尼同古古尼亞兩者都具備不同既元素，就可以因應對手而組合出唔同既效果，所以先前都有講到車路士既後防人腳其實已經比起以往豐富，哩一點係無容置疑。
無論如何都希望古古尼亞能夠保持到落去，年紀上亦都仲有向上既進步空間，之後就要睇佢自己既造化。
文章發表時間 : 17/3/2023 13:50
文章最後更新時間 : 17/3/2023 13:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/