《一個時代的終結「佐高簡」組合終要落幕》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
一季過後人面全非，「佐高簡」終要落幕...
並沒有按步就班既計劃，跟隨住上季大刀闊斧既套路將佐真奴、簡迪以及高華錫一同清走，老實說下季球隊所承受著既風險並唔細，舊人一個不漏被清，變相亦更加買重於新球員既發揮以及普捷天奴既戰術佈陣，但只要表現稍有差池，就等同自製「危機」。
「佐高簡」哩個組合可以話為車路士過去哩幾季奠定左勝利既基礎，簡迪自李斯特城加盟以黎一直為球隊核心成員，無論喺干地、沙利以至杜曹手上都有著出色既發揮，成為獨當一面既世界級球員，不過其消耗性踢法亦為身體帶黎沉重既負擔，繼而帶黎不能斷尾既傷患，雖然為簡迪既離隊感到可惜，不過離開主流聯賽的確可以有助於延長職業生涯，至少減慢到對身體既消耗。
相比於簡迪能持續地成為球隊核心，高華錫既角色演變就由綠葉慢慢成為主軸，喺皇馬不得志後以外借身份加盟車路士，喺沙利手上成為「佐高簡」三中場一員，不過首季既表現唔算得上過份亮眼，每當賽事下半場都會被巴克利或路夫斯捷克入替，直到被藍軍正式買斷後高華錫亦開始搵到自己既定位，球員無論喺盤球定推進方面都成為左球隊破解對手壓迫既良方，再加上同佐真奴既合作愈見成熟，都難易令對手輕易喺佢地身上得到球權，可惜一朝天子一朝臣，車路士需要籌集資金加上球員亦有意離隊尋求新挑戰，離開實在無可厚非。
至於佐真奴可以話係「佐高簡」三人之中爭議聲最大既一個，自沙利將佢由拿玻里帶到黎史丹福橋後都成為部份球迷針對既對象，認為佢既職能單一搵球員黎踢都能輕易勝任，不過每當球隊缺少左佢之後，進攻節奏都會變得雜亂無章缺乏方向，可以話就連波都未控得定，佐真奴未必會係大眾所欣賞既中場球員，不過佢為車路士所立下既功勞係有目共睹的，最終佢喺上季中得知自己來季不在球隊計劃之內未獲續約下選擇轉投同巿球會阿仙奴，成為與簡迪、高華錫哩個組合之中最早離開既一人。
依加中場就只係剩下安素費南迪斯、蒙特以及路夫斯捷克三位常規球員，後兩者都各自與曼聯同米蘭連上關係，車路士成個中場組合將要重新規劃，是「危」還是「機」？經歷上季既慘況實在不敢抱有太大期望。
文章發表時間 : 28/6/2023 16:55
文章最後更新時間 : 28/6/2023 16:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
一季過後人面全非，「佐高簡」終要落幕...
並沒有按步就班既計劃，跟隨住上季大刀闊斧既套路將佐真奴、簡迪以及高華錫一同清走，老實說下季球隊所承受著既風險並唔細，舊人一個不漏被清，變相亦更加買重於新球員既發揮以及普捷天奴既戰術佈陣，但只要表現稍有差池，就等同自製「危機」。
「佐高簡」哩個組合可以話為車路士過去哩幾季奠定左勝利既基礎，簡迪自李斯特城加盟以黎一直為球隊核心成員，無論喺干地、沙利以至杜曹手上都有著出色既發揮，成為獨當一面既世界級球員，不過其消耗性踢法亦為身體帶黎沉重既負擔，繼而帶黎不能斷尾既傷患，雖然為簡迪既離隊感到可惜，不過離開主流聯賽的確可以有助於延長職業生涯，至少減慢到對身體既消耗。
相比於簡迪能持續地成為球隊核心，高華錫既角色演變就由綠葉慢慢成為主軸，喺皇馬不得志後以外借身份加盟車路士，喺沙利手上成為「佐高簡」三中場一員，不過首季既表現唔算得上過份亮眼，每當賽事下半場都會被巴克利或路夫斯捷克入替，直到被藍軍正式買斷後高華錫亦開始搵到自己既定位，球員無論喺盤球定推進方面都成為左球隊破解對手壓迫既良方，再加上同佐真奴既合作愈見成熟，都難易令對手輕易喺佢地身上得到球權，可惜一朝天子一朝臣，車路士需要籌集資金加上球員亦有意離隊尋求新挑戰，離開實在無可厚非。
至於佐真奴可以話係「佐高簡」三人之中爭議聲最大既一個，自沙利將佢由拿玻里帶到黎史丹福橋後都成為部份球迷針對既對象，認為佢既職能單一搵球員黎踢都能輕易勝任，不過每當球隊缺少左佢之後，進攻節奏都會變得雜亂無章缺乏方向，可以話就連波都未控得定，佐真奴未必會係大眾所欣賞既中場球員，不過佢為車路士所立下既功勞係有目共睹的，最終佢喺上季中得知自己來季不在球隊計劃之內未獲續約下選擇轉投同巿球會阿仙奴，成為與簡迪、高華錫哩個組合之中最早離開既一人。
依加中場就只係剩下安素費南迪斯、蒙特以及路夫斯捷克三位常規球員，後兩者都各自與曼聯同米蘭連上關係，車路士成個中場組合將要重新規劃，是「危」還是「機」？經歷上季既慘況實在不敢抱有太大期望。
文章發表時間 : 28/6/2023 16:55
文章最後更新時間 : 28/6/2023 16:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/