《尋找安素費南迪斯的拍檔 深入探討組合特性與人選》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
關於安素既拍檔，個人認為會分三部份去討論，首先係安素本人既定位同特性，第二部份先會係講佢拍檔所需要既特質，最後一部份至會講人選，篇幅或許較長，不過都會一氣呵成以一整篇文章推出。
先講安素本人，球員同時具備6號及8號位既特性，由出道踢河床年代再到賓菲加以至阿根廷國家隊都喺哩兩個位置中穿梭，主要因應戰術、對手以及身旁拍檔組合而決定安素出任6號還是8號位，例如賓菲加年代伙拍Florentino時就會偏向進攻走上走落既8號位居多，而喺阿根廷國家隊由於擁有較多出色既進攻球員及工兵喺身旁支援，因而喺位置上佢擔任6號位會有更大既發揮空間，元素上偏向進攻既8號位需要具備盤球、推進、殺入禁區等向前能力，同時亦要有跑動覆蓋面勤於走動，而6號位主力集中於梳理後場、預判以及埋身對抗同攔截，可以的話有埋大局觀視野以及高質量既中遠距離傳送就更好，而安素都可以話同時擁有以上各方面既特質，質素亦都唔差。
套用番落去上季車路士既處境，按球隊既陣容黎睇安排安素打6號位會係一個較為合適做法，一黎陣中無其他球員比起佢更勝任哩個位置，二黎佢既活力、預判同攔截都有助於為藍軍疲弱既防線堵塞缺口，而如果當日佐真奴無選擇喺季中離隊的話，個人認為下半季既安素會偏向打8號位居多，利用跑動覆蓋面去填補球隊攻守兩端弊處，都會係另一個較為適合既方案去應對，雖則一個安素並不代表能解決車路士中場所有問題，不過現實卻係佢同佐真奴喺同一個轉會窗一出一入並無合作既機會。
而參考下半季既中場組合，安素較多與高華錫打雙中場，其次就到路夫斯捷克、加拉加以及傷癒後既簡迪，按球員特質黎講，安素拍高華錫的確會係當時藍軍較為理想既中場組合，前者主力梳理後場及中路掃蕩，而後者繼續專注於個人強項既盤扭同持球推進，想法上似乎好完美，但實際運作起黎表現並唔算得上好理想，而且分工唔太清晰，令兩者喺組合上並無太多加乘同化學作用，當然整體上亦受到球隊狀態低迷、戰術思維混亂、兩者合作時間不足以及高華錫受小傷患困擾所影響，只能作參考之用。
接著落黎就要講下安素拍檔所需要既特質，如果單純地以位置作區分的話，個人認為安素主理6號位會較為能發揮長處，首先橫觀現今球壇能夠勝任哩個位置而且具備佢哩種級數既中場球員，分分鐘真係一隻手數得晒，仲未計能夠喺巿場上比你買到，相反打8號位所提供到既選擇就一定比起6號位多；不過喺現今戰術講求多元同流動性底下，經已未必需要用位置去定義或局限球員既發揮，而球隊除左應配備不同類型既球員之外，球員自己本身亦擁有唔同既元素去滿足多於一個位置所需，加強教練喺臨場部署既靈活性，哩一點亦成為左球員與球員之間喺身價上既分野；而依一刻既關鍵就取決於車路士喺哩個位置上可以投放既資源有幾多，如果價錢許可當然收購一個近似安素擁有不同元素既中場球員會更好，資金所限的話，只需滿足勤於走上走落及高效率哩兩項特質條件其實就已經足夠，一個穩打穩紮提供到即戰力既B2B中場，其餘任務就由隊友瓜分。
最後就到人選方面，單刀直入先講卡些度，車路士一直加價追求哩位厄瓜多爾中場並唔係無原因，如果單從戰術角度黎睇球員的確能滿足藍軍所需，包括跑動輸出、覆蓋範圍、持球推進、身體對抗以及中遠距離傳送，以上哩啲元素都同安素較為相似，同樣係一啲能夠同時勝任6號及8號位既特質，更為人印象深刻係卡些度既反搶速度，即使每次訓身攔截後都可以迅速彈番起再轉身推進或向前交，哩啲運動機能係要身體同腦袋一同配合先得，而如果要挑剔的話就可以講球員只得一季英超經驗，不過姑勿論佢係咪又係白禮頓球員，就咁睇以上成個包裝都足已進入一眾列強既法眼之中，藍軍經已為球員開出四次報價由£60m一直出價到最新既£80m，但都一一被白禮頓拒絕，而個人認為£80m再另加額外條款都經已達到一個臨近球員上限既價錢，車路士會否進一步滿足白禮頓所提出既報價就要睇球會取向。
至於另外兩位心水人選都係同為士砵亭既前球員，分別係現效力富咸既包軒拿（Joao Palhinha）以及經已確認會去PSG既烏加特（Manuel Ugarte），前者短短加盟英超一季經已成為賽季攔截王，集中於破壞對手攻勢以及反搶，手長腳長加上高大身材既包軒拿難免令人聯想起同為中場既前車球員馬迪，但年紀已達28歲既佢未必符合車路士建構年輕陣容既方針，不過算係一個唔錯既短期方案去應付今季既單線作戰；至於烏加特喺早前更得到車路士既出價競逐，現年只有22歲既佢經已成為士砵亭以及烏拉圭國家隊常客，征戰歐洲及國際賽，風格為典型南美球員踢法非常爛打，除左同包軒拿一樣善於破壞對手攻勢外，烏加特亦可以完成運球及推進等向前任務，可惜既係車路士最終不敵PSG所開出既價錢，否則哩位烏拉圭中場會係一個比起卡些度更為相宜既選擇。
最後想花一啲篇幅講下兩個近期傳出作為卡些度替補既人選，分別係修咸頓既拉維亞（Roméo Lavia）以及雷恩既烏高卓古（Lesley Ugochukwu），個人認為前者會係類似卡些度既「雛形」，各方面既特質都平均地有啲不過就未係好成形，仍然需要時間磨練，而傳出即將由法甲雷恩加盟既烏高卓古（Lesley Ugochukwu）就一樣都需要時間琢磨，更重要既係球員本身無英超經驗，喺節奏更快既英超存在一定既適應困難，只要參考番對上一個由法甲摩納哥加盟既巴卡約高既經歷就會知道個難度喺邊，以上兩者都未必會係一個即戰力既選擇，睇落都係著重於未來發展為主。
總括而言，車路士定必需要盡快就安素身邊既拍檔作最終定案，事關熱身賽都踢左幾場，如果最後都搵唔到一啲即戰力既選擇的話，就只能寄望於卡沙代爾或山度士兩者喺英超首季有亮眼既發揮，不過預期目標係要重返前四的話就存在一定難度。
文章發表時間 : 31/7/2023 16:45
文章最後更新時間 : 31/7/2023 16:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
關於安素既拍檔，個人認為會分三部份去討論，首先係安素本人既定位同特性，第二部份先會係講佢拍檔所需要既特質，最後一部份至會講人選，篇幅或許較長，不過都會一氣呵成以一整篇文章推出。
先講安素本人，球員同時具備6號及8號位既特性，由出道踢河床年代再到賓菲加以至阿根廷國家隊都喺哩兩個位置中穿梭，主要因應戰術、對手以及身旁拍檔組合而決定安素出任6號還是8號位，例如賓菲加年代伙拍Florentino時就會偏向進攻走上走落既8號位居多，而喺阿根廷國家隊由於擁有較多出色既進攻球員及工兵喺身旁支援，因而喺位置上佢擔任6號位會有更大既發揮空間，元素上偏向進攻既8號位需要具備盤球、推進、殺入禁區等向前能力，同時亦要有跑動覆蓋面勤於走動，而6號位主力集中於梳理後場、預判以及埋身對抗同攔截，可以的話有埋大局觀視野以及高質量既中遠距離傳送就更好，而安素都可以話同時擁有以上各方面既特質，質素亦都唔差。
套用番落去上季車路士既處境，按球隊既陣容黎睇安排安素打6號位會係一個較為合適做法，一黎陣中無其他球員比起佢更勝任哩個位置，二黎佢既活力、預判同攔截都有助於為藍軍疲弱既防線堵塞缺口，而如果當日佐真奴無選擇喺季中離隊的話，個人認為下半季既安素會偏向打8號位居多，利用跑動覆蓋面去填補球隊攻守兩端弊處，都會係另一個較為適合既方案去應對，雖則一個安素並不代表能解決車路士中場所有問題，不過現實卻係佢同佐真奴喺同一個轉會窗一出一入並無合作既機會。
而參考下半季既中場組合，安素較多與高華錫打雙中場，其次就到路夫斯捷克、加拉加以及傷癒後既簡迪，按球員特質黎講，安素拍高華錫的確會係當時藍軍較為理想既中場組合，前者主力梳理後場及中路掃蕩，而後者繼續專注於個人強項既盤扭同持球推進，想法上似乎好完美，但實際運作起黎表現並唔算得上好理想，而且分工唔太清晰，令兩者喺組合上並無太多加乘同化學作用，當然整體上亦受到球隊狀態低迷、戰術思維混亂、兩者合作時間不足以及高華錫受小傷患困擾所影響，只能作參考之用。
接著落黎就要講下安素拍檔所需要既特質，如果單純地以位置作區分的話，個人認為安素主理6號位會較為能發揮長處，首先橫觀現今球壇能夠勝任哩個位置而且具備佢哩種級數既中場球員，分分鐘真係一隻手數得晒，仲未計能夠喺巿場上比你買到，相反打8號位所提供到既選擇就一定比起6號位多；不過喺現今戰術講求多元同流動性底下，經已未必需要用位置去定義或局限球員既發揮，而球隊除左應配備不同類型既球員之外，球員自己本身亦擁有唔同既元素去滿足多於一個位置所需，加強教練喺臨場部署既靈活性，哩一點亦成為左球員與球員之間喺身價上既分野；而依一刻既關鍵就取決於車路士喺哩個位置上可以投放既資源有幾多，如果價錢許可當然收購一個近似安素擁有不同元素既中場球員會更好，資金所限的話，只需滿足勤於走上走落及高效率哩兩項特質條件其實就已經足夠，一個穩打穩紮提供到即戰力既B2B中場，其餘任務就由隊友瓜分。
最後就到人選方面，單刀直入先講卡些度，車路士一直加價追求哩位厄瓜多爾中場並唔係無原因，如果單從戰術角度黎睇球員的確能滿足藍軍所需，包括跑動輸出、覆蓋範圍、持球推進、身體對抗以及中遠距離傳送，以上哩啲元素都同安素較為相似，同樣係一啲能夠同時勝任6號及8號位既特質，更為人印象深刻係卡些度既反搶速度，即使每次訓身攔截後都可以迅速彈番起再轉身推進或向前交，哩啲運動機能係要身體同腦袋一同配合先得，而如果要挑剔的話就可以講球員只得一季英超經驗，不過姑勿論佢係咪又係白禮頓球員，就咁睇以上成個包裝都足已進入一眾列強既法眼之中，藍軍經已為球員開出四次報價由£60m一直出價到最新既£80m，但都一一被白禮頓拒絕，而個人認為£80m再另加額外條款都經已達到一個臨近球員上限既價錢，車路士會否進一步滿足白禮頓所提出既報價就要睇球會取向。
至於另外兩位心水人選都係同為士砵亭既前球員，分別係現效力富咸既包軒拿（Joao Palhinha）以及經已確認會去PSG既烏加特（Manuel Ugarte），前者短短加盟英超一季經已成為賽季攔截王，集中於破壞對手攻勢以及反搶，手長腳長加上高大身材既包軒拿難免令人聯想起同為中場既前車球員馬迪，但年紀已達28歲既佢未必符合車路士建構年輕陣容既方針，不過算係一個唔錯既短期方案去應付今季既單線作戰；至於烏加特喺早前更得到車路士既出價競逐，現年只有22歲既佢經已成為士砵亭以及烏拉圭國家隊常客，征戰歐洲及國際賽，風格為典型南美球員踢法非常爛打，除左同包軒拿一樣善於破壞對手攻勢外，烏加特亦可以完成運球及推進等向前任務，可惜既係車路士最終不敵PSG所開出既價錢，否則哩位烏拉圭中場會係一個比起卡些度更為相宜既選擇。
最後想花一啲篇幅講下兩個近期傳出作為卡些度替補既人選，分別係修咸頓既拉維亞（Roméo Lavia）以及雷恩既烏高卓古（Lesley Ugochukwu），個人認為前者會係類似卡些度既「雛形」，各方面既特質都平均地有啲不過就未係好成形，仍然需要時間磨練，而傳出即將由法甲雷恩加盟既烏高卓古（Lesley Ugochukwu）就一樣都需要時間琢磨，更重要既係球員本身無英超經驗，喺節奏更快既英超存在一定既適應困難，只要參考番對上一個由法甲摩納哥加盟既巴卡約高既經歷就會知道個難度喺邊，以上兩者都未必會係一個即戰力既選擇，睇落都係著重於未來發展為主。
總括而言，車路士定必需要盡快就安素身邊既拍檔作最終定案，事關熱身賽都踢左幾場，如果最後都搵唔到一啲即戰力既選擇的話，就只能寄望於卡沙代爾或山度士兩者喺英超首季有亮眼既發揮，不過預期目標係要重返前四的話就存在一定難度。
文章發表時間 : 31/7/2023 16:45
文章最後更新時間 : 31/7/2023 16:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/