《由場外鬥到場內 不設防的紅藍大戰︱車路士對利物浦英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
如果單睇出場陣容就真係感受到咩叫驚喜，可能連高普都估唔到車路士會以一個三中堅陣式應戰，事關季前幾場熱身賽普捷天奴都從未試過打三中堅，不過又咁講對利物浦始終係大戰，加上係正式賽事唔係練兵，方向同用意上實在大有不同，而普捷天奴所帶出黎既三中堅又有另一種味道。
山齊士加盟後首場擔任門將正選，三中堅分別安排左施華伙拍同為新加盟迪沙斯以及回歸既高維，左右翼衛為正副隊長捷維爾及占士，中場人手短缺繼續由安素拍加拉加，而前場三個就由史達寧、卓古美卡以及積遜組成；車路士既陣式演變主要分成兩階段，分別係控球在腳以及無球狀態而定斷企位為352還是4231，高維會同迪沙斯會同時兼任中堅及閘位球員，而捷維爾及占士亦同會以翼衛或兩邊中場角色出現。
開賽頭十幾分鐘利物浦一貫以往風格主動出擊，主場既車路士明顯顯得被動及受壓，基本上連運球到客隊既後場都有難度，同時安素以及加拉加哩對中場組合亦經常性地被對手人多打人少，前者技術夠可以成功擺脫對手，但後者喺上半場就有幾下搞唔掂差啲出事，中場一失控球權就好容易被對手打入心臟地帶，而失第一球既經過亦係占士無跟足迪亞斯以及身旁既迪沙斯都跑慢左一步，被沙拿以一個斜傳成功突破越位取得領先優勢。
不過隨後車路士亦開始適應到利物浦既踢打法，爭取到控球權之餘取態上亦更為主動搵番自己既節奏，高維同捷維爾喺左路有更多既連接，而史達寧同占士亦喺右路有更多one two配合，相反哩段時間既卓古美卡就較為失色；不過藍軍亦成功爭取到回報由迪沙斯喺一次角球攻勢接應捷維爾既頭槌助攻扳平，安素隨後亦交出一腳致命直線比後者射入，但同早前沙拿果球一樣都被VAR確認為越位推番，雖然未能反超前，不過主隊既整體表現同迅速反樸既心態都經已獲得主場球迷報以掌聲。
企穩陣腳既車路士喺下半場就更為主動，多次壓過對手半場而且組織更為順暢，攻勢上唔再只係單調於以往既兩邊傳中，有更多大位斜傳換邊、中路小組猜傳滲透以及敢於禁區突破，而卓禾美卡同加拉加亦有扭轉上半場較失色表現，後者更有一次以Last Man身份既關鍵攔截，並成功凍結沙拿；高普亦喺60幾分鐘開始首階段換人嘗試為球隊帶黎衝擊，不過就未有太大起色，之後時間就只有紐尼斯果下遠射較為有威脅﹐反而車路士積遜同高維既表現就真係十分搶眼，後者敢於用波加上長傳準繩度高成功製造到多下關鍵傳送，而積遜就不用多講，作為球隊最前點停波、入攝走位以及與隊友配合都為雲迪克同干拿迪帶黎唔少麻煩。
而安素喺中場既統治力亦都話左比大家聽佢點解值咁貴，今場波既職責同時解放左佢既進攻能力，以一個全能中場既角色同時概括左6號及8號定位（有關詳細論述可以睇番早幾篇《尋找安素費南迪斯的拍檔 深入探討組合特性與人選》既文章），擁有攻守兩端既職能，不過始終佢拍既拍檔係加拉加，組合上會令安素既體力更為透支，同時安宮古既缺陣都令佢需要參與更多進攻任務，事關陣中能夠交出最後一傳既球員並唔多，安宮古會係其中之一但需要養傷長達半季時間。
以首戰就對利物浦既表現黎講拎到一分其實真係合格有餘，當然中間亦有機會可以令我地旗開得勝，不過以未完全磨合已經可以打到咁真係無乜野可以挑剔，最重要係見得到全隊既爭勝心，希望可以維持落去而唔係虛火；不過老實說，哩種高強度踢法對於個別位置既球員黎講係會造好極大既消耗，講緊既當然係兩邊左右翼衛，而占士同捷維爾以往既傷病都較為頻密，普捷天奴如何喺實踐與休息之間取得平衡將會是另一個課題。
文章發表時間 : 14/8/2023 16:00
文章最後更新時間 : 14/8/2023 16:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
如果單睇出場陣容就真係感受到咩叫驚喜，可能連高普都估唔到車路士會以一個三中堅陣式應戰，事關季前幾場熱身賽普捷天奴都從未試過打三中堅，不過又咁講對利物浦始終係大戰，加上係正式賽事唔係練兵，方向同用意上實在大有不同，而普捷天奴所帶出黎既三中堅又有另一種味道。
山齊士加盟後首場擔任門將正選，三中堅分別安排左施華伙拍同為新加盟迪沙斯以及回歸既高維，左右翼衛為正副隊長捷維爾及占士，中場人手短缺繼續由安素拍加拉加，而前場三個就由史達寧、卓古美卡以及積遜組成；車路士既陣式演變主要分成兩階段，分別係控球在腳以及無球狀態而定斷企位為352還是4231，高維會同迪沙斯會同時兼任中堅及閘位球員，而捷維爾及占士亦同會以翼衛或兩邊中場角色出現。
開賽頭十幾分鐘利物浦一貫以往風格主動出擊，主場既車路士明顯顯得被動及受壓，基本上連運球到客隊既後場都有難度，同時安素以及加拉加哩對中場組合亦經常性地被對手人多打人少，前者技術夠可以成功擺脫對手，但後者喺上半場就有幾下搞唔掂差啲出事，中場一失控球權就好容易被對手打入心臟地帶，而失第一球既經過亦係占士無跟足迪亞斯以及身旁既迪沙斯都跑慢左一步，被沙拿以一個斜傳成功突破越位取得領先優勢。
不過隨後車路士亦開始適應到利物浦既踢打法，爭取到控球權之餘取態上亦更為主動搵番自己既節奏，高維同捷維爾喺左路有更多既連接，而史達寧同占士亦喺右路有更多one two配合，相反哩段時間既卓古美卡就較為失色；不過藍軍亦成功爭取到回報由迪沙斯喺一次角球攻勢接應捷維爾既頭槌助攻扳平，安素隨後亦交出一腳致命直線比後者射入，但同早前沙拿果球一樣都被VAR確認為越位推番，雖然未能反超前，不過主隊既整體表現同迅速反樸既心態都經已獲得主場球迷報以掌聲。
企穩陣腳既車路士喺下半場就更為主動，多次壓過對手半場而且組織更為順暢，攻勢上唔再只係單調於以往既兩邊傳中，有更多大位斜傳換邊、中路小組猜傳滲透以及敢於禁區突破，而卓禾美卡同加拉加亦有扭轉上半場較失色表現，後者更有一次以Last Man身份既關鍵攔截，並成功凍結沙拿；高普亦喺60幾分鐘開始首階段換人嘗試為球隊帶黎衝擊，不過就未有太大起色，之後時間就只有紐尼斯果下遠射較為有威脅﹐反而車路士積遜同高維既表現就真係十分搶眼，後者敢於用波加上長傳準繩度高成功製造到多下關鍵傳送，而積遜就不用多講，作為球隊最前點停波、入攝走位以及與隊友配合都為雲迪克同干拿迪帶黎唔少麻煩。
而安素喺中場既統治力亦都話左比大家聽佢點解值咁貴，今場波既職責同時解放左佢既進攻能力，以一個全能中場既角色同時概括左6號及8號定位（有關詳細論述可以睇番早幾篇《尋找安素費南迪斯的拍檔 深入探討組合特性與人選》既文章），擁有攻守兩端既職能，不過始終佢拍既拍檔係加拉加，組合上會令安素既體力更為透支，同時安宮古既缺陣都令佢需要參與更多進攻任務，事關陣中能夠交出最後一傳既球員並唔多，安宮古會係其中之一但需要養傷長達半季時間。
以首戰就對利物浦既表現黎講拎到一分其實真係合格有餘，當然中間亦有機會可以令我地旗開得勝，不過以未完全磨合已經可以打到咁真係無乜野可以挑剔，最重要係見得到全隊既爭勝心，希望可以維持落去而唔係虛火；不過老實說，哩種高強度踢法對於個別位置既球員黎講係會造好極大既消耗，講緊既當然係兩邊左右翼衛，而占士同捷維爾以往既傷病都較為頻密，普捷天奴如何喺實踐與休息之間取得平衡將會是另一個課題。
文章發表時間 : 14/8/2023 16:00
文章最後更新時間 : 14/8/2023 16:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/