《暑假完結趕交功課 轉會窗最後一日依然有操作 檢閱現有陣容及球員去向》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
距離英超轉會窗完結仲有唔夠一日時間，直到哩一刻為止最高興當然係見到盧卡古哩個煩人終於可以離開，先與國際交惡，再到祖雲達斯球迷拉起橫額抗議，最終多得有舊帥摩連奴接濟，否則車路士都難以為佢找到另一個容身之處，祈求無論點都打好埋今季，至少都比個機會我地可以下季甩手止蝕。
至於佢既好朋友薛耶治亦喺早前正式轉投土超球會加拉塔沙雷，總算喺過唔到沙特球會艾納斯既體測之後成功離開，祝佢可以重拾當日喺效力阿積士既風彩；緊隨其後既就係賀爾以借用身份加盟紐卡素，交易並設有強制買斷條款，而大部份車迷對於佢既離開感到可惜，不過球員自少已情迷喜鵲加上今季有歐戰資格，有離心之下同時留低喺車路士都未必比到穩定既上陣時間佢，放到£28m+7m哩個價錢黎講其實已經算係咁，當然較為美中不足既係無加入回購條款。
而奧岱既離開相信都只係時間問題，富咸仍然同諾定咸森林在角力之中，相信佢會連同沙亞、波查、古古尼亞、查路巴、馬特森以及加拉加等都一樣處境，去到轉會窗最後一刻只要有其他球會肯出手求購，而雙方傾到啱既價錢的話車路士絕對願意放人，當然較為可惜既會係馬特森同加拉加二人，個人認為佢地係有能力喺普捷天奴手上競一席位，同時亦會係陣中有力既替補選擇，但無奈在於球會角度就依然想將哩佢地兩個變賣居多。
同時令人意外既有巴西小將山度士被外借到諾定咸森林，早前一度傳出佢會成為今季球隊中場中既替補人選，不過最後都無法喺開季頭兩場波拎到一分鐘既上陣時間，估計哩個外借決定亦係受到由修咸頓加盟既拉維亞（Roméo Lavia）所致；相反另外兩位小將包括由雷恩加盟既烏高卓古（Lesley Ugochukwu）以及上季由維拉加盟既卓古美卡（Carney Chukwuemeka）暫時睇黎就偏向留隊機會較大。
主要由於盧卡古最終都無法被買斷而需要佔用第四個外借出國名額，扣減之後亦變相令車路士得番最後一個名額可以使用，而喺排序上烏高卓古未必會係安排外借出國既優先考慮，較大機會會將名額留比其他同為新加盟外籍球員或再另作「刮彩票」式收購，至於卓古美卡仍處於養傷階段，而喺傷前對韋斯咸果場賽事亦入左球靚波，所以相信球隊未必會作出外借決定。
另外過去曾一度被寄與厚望既小將安祖連（Tino Anjorin）就由上季外借到英冠既哈特斯菲爾德跳到更次一級既英甲聯賽，以借用身份加盟樸茨茅夫一個球季，遭受過重傷既佢表現已大不如前，只希望佢能遠離傷病；至於其他英格蘭小將好似前日場聯賽盃有份上陣既Mason Burstow同Bashir Humphreys咁就似乎留隊機會較大，普捷天奴都希望球會有部份青訓梯隊成員留低以應付本土盃賽戰線吸收經驗，不過有消息指AC米蘭有意將前者收歸旗下，留待觀察事態進一步既發展。
最後就到收購方面，頂替基柏既人選已經出爐，球會由美職聯引入塞爾維亞藉門將Djordje Petrovic，相信佢什至有機會挑戰山齊士既正選門將地位；而同時球會正喺巿場上物色一位多元性既攻擊球員，據消息睇黎睇暫時以曼城既青訓產品龐馬（Cole Palmer)作為首要目標，當然亦唔排除最終會有其他隱藏人選出現，而個人一直屬意祖奧菲歷斯就暫時都未見到有成事既可能出現。
相信今日作為轉會窗既最後一日仍然有好多操作會做，有新既球員加盟亦會有舊有既球員被買斷或外借，暑假完結前到哩一刻都仲做緊功課當然唔理想，不過過去咁多季車路士都慣左臨急抱佛腳，今次暫時睇黎唔洗再臨尾做「Panic Buy」已經算係咁。
文章發表時間 : 1/9/2023 11:55
文章發表時間 : 1/9/2023 11:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
距離英超轉會窗完結仲有唔夠一日時間，直到哩一刻為止最高興當然係見到盧卡古哩個煩人終於可以離開，先與國際交惡，再到祖雲達斯球迷拉起橫額抗議，最終多得有舊帥摩連奴接濟，否則車路士都難以為佢找到另一個容身之處，祈求無論點都打好埋今季，至少都比個機會我地可以下季甩手止蝕。
至於佢既好朋友薛耶治亦喺早前正式轉投土超球會加拉塔沙雷，總算喺過唔到沙特球會艾納斯既體測之後成功離開，祝佢可以重拾當日喺效力阿積士既風彩；緊隨其後既就係賀爾以借用身份加盟紐卡素，交易並設有強制買斷條款，而大部份車迷對於佢既離開感到可惜，不過球員自少已情迷喜鵲加上今季有歐戰資格，有離心之下同時留低喺車路士都未必比到穩定既上陣時間佢，放到£28m+7m哩個價錢黎講其實已經算係咁，當然較為美中不足既係無加入回購條款。
而奧岱既離開相信都只係時間問題，富咸仍然同諾定咸森林在角力之中，相信佢會連同沙亞、波查、古古尼亞、查路巴、馬特森以及加拉加等都一樣處境，去到轉會窗最後一刻只要有其他球會肯出手求購，而雙方傾到啱既價錢的話車路士絕對願意放人，當然較為可惜既會係馬特森同加拉加二人，個人認為佢地係有能力喺普捷天奴手上競一席位，同時亦會係陣中有力既替補選擇，但無奈在於球會角度就依然想將哩佢地兩個變賣居多。
同時令人意外既有巴西小將山度士被外借到諾定咸森林，早前一度傳出佢會成為今季球隊中場中既替補人選，不過最後都無法喺開季頭兩場波拎到一分鐘既上陣時間，估計哩個外借決定亦係受到由修咸頓加盟既拉維亞（Roméo Lavia）所致；相反另外兩位小將包括由雷恩加盟既烏高卓古（Lesley Ugochukwu）以及上季由維拉加盟既卓古美卡（Carney Chukwuemeka）暫時睇黎就偏向留隊機會較大。
主要由於盧卡古最終都無法被買斷而需要佔用第四個外借出國名額，扣減之後亦變相令車路士得番最後一個名額可以使用，而喺排序上烏高卓古未必會係安排外借出國既優先考慮，較大機會會將名額留比其他同為新加盟外籍球員或再另作「刮彩票」式收購，至於卓古美卡仍處於養傷階段，而喺傷前對韋斯咸果場賽事亦入左球靚波，所以相信球隊未必會作出外借決定。
另外過去曾一度被寄與厚望既小將安祖連（Tino Anjorin）就由上季外借到英冠既哈特斯菲爾德跳到更次一級既英甲聯賽，以借用身份加盟樸茨茅夫一個球季，遭受過重傷既佢表現已大不如前，只希望佢能遠離傷病；至於其他英格蘭小將好似前日場聯賽盃有份上陣既Mason Burstow同Bashir Humphreys咁就似乎留隊機會較大，普捷天奴都希望球會有部份青訓梯隊成員留低以應付本土盃賽戰線吸收經驗，不過有消息指AC米蘭有意將前者收歸旗下，留待觀察事態進一步既發展。
最後就到收購方面，頂替基柏既人選已經出爐，球會由美職聯引入塞爾維亞藉門將Djordje Petrovic，相信佢什至有機會挑戰山齊士既正選門將地位；而同時球會正喺巿場上物色一位多元性既攻擊球員，據消息睇黎睇暫時以曼城既青訓產品龐馬（Cole Palmer)作為首要目標，當然亦唔排除最終會有其他隱藏人選出現，而個人一直屬意祖奧菲歷斯就暫時都未見到有成事既可能出現。
相信今日作為轉會窗既最後一日仍然有好多操作會做，有新既球員加盟亦會有舊有既球員被買斷或外借，暑假完結前到哩一刻都仲做緊功課當然唔理想，不過過去咁多季車路士都慣左臨急抱佛腳，今次暫時睇黎唔洗再臨尾做「Panic Buy」已經算係咁。
文章發表時間 : 1/9/2023 11:55
文章發表時間 : 1/9/2023 11:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/