《傷兵名單組到一隊波 後備名單有一半青年軍︱般尼茅夫對車路士英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
老實講見到哩個正選十一人陣容，的確有啲令人聯想起全失三分既畫面出現，尤其係望埋後備名單，實在要講句有幾位新秀真係連佢係邊個打邊個都未知，結果能夠成功拎到一分之餘未有再多球員因賽受傷，而同時見到喺戰術運作上開始有啲改進，用「阿Q精神」黎睇其實已經收貨。
.
每當國際賽期過後車路士既傷員總係有增無減，今次就到卡些度帶傷回歸以及馬杜基亦同時因傷缺陣，前者既正選位置就由烏高卓古（Lesley Ugochukwu）頂上，同時普捷天奴亦收起左捷維爾換入梅迪歷作為正宗左翼，嘗試一同利用左右兩位攻擊型翼鋒加強前線既輸出，不過梅迪歷近幾場後備上陣既表現實在強差人意再加上卡些度受傷，至令人出現有全失三分既預感。
傷兵太多實在局限左普捷天奴既人手安排，難免有啲十個煲九個蓋既感覺，每場波都總有不同球員缺陣，不過都見到佢有喺球員職能同戰術內容上作出微調，先講中場，三中場裏面首次擔任正選既烏高卓古喺位置上會較為墮後，前面分別有安素以及加拉加，之前都有講到後者喺企位上愈企近對方禁區愈好，至少要企得前過安素，而今場波普捷天奴的確安排左加拉加有更大自由度插上到前場，唔係負責早幾場波墮後既角色，定位上什至作為陣中既Playmaker，由後場到前場既連接、持球推進再加最後一傳都做晒。
不過就衍生出另一個問題，就係安素既定位會因為加拉加而顯得模糊化，身後已經有烏高卓古做包波角色，但推進、向前傳送等工作又比加拉加做埋，令哩位阿根廷中場喺今場波有啲兩頭唔到岸，以哩幾場波既表現黎睇最合適安素所打既位置應該係6號位，同時給予佢一定自由度插上前場；而加拉加既質素同視野實在有局限性，變相如果只依賴佢一個做波的話球隊既進攻套路就會有一定掣肘，今場波有好幾下殺到入對手禁區頂位置都選擇橫傳無自己起腳，講緊果個區域以往都係加拉加既食糊位，究竟因為啲咩事就算空晒都唔自己射就真係無從稽考。
至於邊路方面，古斯度同史達寧經已喺走位上面有改善無再咁「炒車」，至少見到一個人走邊線時另一個會埋企埋入中路唔會疊位塞車，眼見唔少球迷都指古斯度為進攻黑洞，其實佢近哩幾場波都一場比一場進步，如果用占士既水平去做比較的話對佢黎講當然唔公平，不過古斯度自己都要留意既係既然左腳唔係慣用腳就要練好佢先出腳，否則就只會繼續藍天射球；相反左邊既梅迪歷就比想像中打得好，有球在腳時啲走位、推進過人同隊友配合都做得唔錯，不過喺無球時啲企位就真係仲有好大進步空間，見佢好多時都係選擇回後要波，較少係喺前線主動現位接應，都真係要多啲時間去改進；最後就講到山齊士，今場波都真係佢加盟車路士以黎既代表作，幾下近射都成功擋出同時開生波都幾有威脅，希望佢可以保持到哩個穩定性。
唔能夠講對一分哩個結果係滿意，亦有好幾個入球機會相當近旁，不過見到球隊喺陣容不整既情況下都開始有啲進步同改善，當然都仲有好大空間去提升，球隊同時需要一場勝仗去谷一谷士氣，而緊接落黎既賽程都開始惡搞，睇下球隊能否止跌回升還是繼續浮浮沉沉。
文章發表時間 : 19/9/2023 13:30
文章發表時間 : 19/9/2023 13:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
老實講見到哩個正選十一人陣容，的確有啲令人聯想起全失三分既畫面出現，尤其係望埋後備名單，實在要講句有幾位新秀真係連佢係邊個打邊個都未知，結果能夠成功拎到一分之餘未有再多球員因賽受傷，而同時見到喺戰術運作上開始有啲改進，用「阿Q精神」黎睇其實已經收貨。
.
每當國際賽期過後車路士既傷員總係有增無減，今次就到卡些度帶傷回歸以及馬杜基亦同時因傷缺陣，前者既正選位置就由烏高卓古（Lesley Ugochukwu）頂上，同時普捷天奴亦收起左捷維爾換入梅迪歷作為正宗左翼，嘗試一同利用左右兩位攻擊型翼鋒加強前線既輸出，不過梅迪歷近幾場後備上陣既表現實在強差人意再加上卡些度受傷，至令人出現有全失三分既預感。
傷兵太多實在局限左普捷天奴既人手安排，難免有啲十個煲九個蓋既感覺，每場波都總有不同球員缺陣，不過都見到佢有喺球員職能同戰術內容上作出微調，先講中場，三中場裏面首次擔任正選既烏高卓古喺位置上會較為墮後，前面分別有安素以及加拉加，之前都有講到後者喺企位上愈企近對方禁區愈好，至少要企得前過安素，而今場波普捷天奴的確安排左加拉加有更大自由度插上到前場，唔係負責早幾場波墮後既角色，定位上什至作為陣中既Playmaker，由後場到前場既連接、持球推進再加最後一傳都做晒。
不過就衍生出另一個問題，就係安素既定位會因為加拉加而顯得模糊化，身後已經有烏高卓古做包波角色，但推進、向前傳送等工作又比加拉加做埋，令哩位阿根廷中場喺今場波有啲兩頭唔到岸，以哩幾場波既表現黎睇最合適安素所打既位置應該係6號位，同時給予佢一定自由度插上前場；而加拉加既質素同視野實在有局限性，變相如果只依賴佢一個做波的話球隊既進攻套路就會有一定掣肘，今場波有好幾下殺到入對手禁區頂位置都選擇橫傳無自己起腳，講緊果個區域以往都係加拉加既食糊位，究竟因為啲咩事就算空晒都唔自己射就真係無從稽考。
至於邊路方面，古斯度同史達寧經已喺走位上面有改善無再咁「炒車」，至少見到一個人走邊線時另一個會埋企埋入中路唔會疊位塞車，眼見唔少球迷都指古斯度為進攻黑洞，其實佢近哩幾場波都一場比一場進步，如果用占士既水平去做比較的話對佢黎講當然唔公平，不過古斯度自己都要留意既係既然左腳唔係慣用腳就要練好佢先出腳，否則就只會繼續藍天射球；相反左邊既梅迪歷就比想像中打得好，有球在腳時啲走位、推進過人同隊友配合都做得唔錯，不過喺無球時啲企位就真係仲有好大進步空間，見佢好多時都係選擇回後要波，較少係喺前線主動現位接應，都真係要多啲時間去改進；最後就講到山齊士，今場波都真係佢加盟車路士以黎既代表作，幾下近射都成功擋出同時開生波都幾有威脅，希望佢可以保持到哩個穩定性。
唔能夠講對一分哩個結果係滿意，亦有好幾個入球機會相當近旁，不過見到球隊喺陣容不整既情況下都開始有啲進步同改善，當然都仲有好大空間去提升，球隊同時需要一場勝仗去谷一谷士氣，而緊接落黎既賽程都開始惡搞，睇下球隊能否止跌回升還是繼續浮浮沉沉。
文章發表時間 : 19/9/2023 13:30
文章發表時間 : 19/9/2023 13:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/