《史達寧迎來小爆發 少有運氣加持下反勝︱般尼對車路士英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
上下半場既表現可以話成為左成場波既分水嶺，而史達寧既爆發同球隊既運氣亦成為左哩場反勝既關鍵，再一次三分到手兼無人受傷，實在夫復何求。
今場波既陣容同上場波無乜太大變動，只係收起左梅迪歷改用史達寧打左翼，其他位置人選都一樣，而波查亦都繼續打正選積遜先列後備；上半場車路士既節奏明顯踢得比較慢，感覺上有啲收住黎踢既感覺，係因為賽前部署還是連續兩場作客舟車勞頓而疲累就真係無從得知，但變相就正中下懷跌入般尼所設下既佈局。
般尼除左好願意投入人手做前場壓迫之外，當防守時後場同中場之間既距離好短，務求收窄你既用波空間，而且做足遮線企位，哩一啲都係車路士以往面對較為棘手既問題，正正就係「破密集」，加上哩個上半場藍軍既節奏明顯地慢，就更難獲得哩咩優勢去製造機會，只能繼續做外圍猜傳，但真正打到入核入區域而且具威脅既機會並唔多。
龐馬依舊傾向走入中路發展，令本身喺攻中位既加拉加會較多時走向右邊線，但佢地兩個既位置出現重疊既畫面都幾多，變相令右邊可以製造到既攻勢並唔多，更莫講話回防幫手，加上身後古古尼亞喺今場波患得患失既表現，同對手一對一時基本上完全無優勢，只要人地隻翼有速度有盤扭就被牽着鼻子走，所以般尼既攻勢都傾向佢地既左路發展居多。
上半場既車路士感覺上被切割開成兩部份，主力做後場猜傳而無法將個波運上前場，同時即使龐馬回後都無乜隊友將個波傳比佢，其實佢有好大部份時間現個位都幾靚，只要一傳到比佢再彈一腳基本上已經可以推入對手核心區域，相信哩方面都仲要時間建立默契，意外地喺完半場前被史達寧一下傳中而製造到追平機會，以1-1進入更衣室。
普捷天奴喺半場收起波查換入積遜，用意明顯係想增強前線創造力，後者同隊友會有較多互傳配合，相反波查即踢法會偏向硬風格，做搶點加上打對手身後位為主，而好快又係史達為球隊博得十二碼再由龐馬射入反超前，都令車路士之後好踢好多，般尼開始愈踢愈急想追番比數，變相騰出更多空間比車路士打反擊，亦令到藍軍能重新掌控自己既節奏。
如果完半場前唔係入到果球，只要般尼繼續維持開賽前所部署既佈局，即使下半場車路士換入其他球員相信都唔會得到太多甜頭，無可否認既係史達寧既爆發再加上運氣似乎都企左喺客隊哩邊至製造到哩場大勝出現，除此之外都想點名讚積遜同卡些度兩位球員，兩者都將會獨立喺稍後國際賽時間出文講。
緊接落黎就到國際賽期，其後就開始正式踏入魔鬼賽程，希望喺唔好再有傷兵遞增下依加既傷員都可以陸續回歸。
文章發表時間 : 8/10/2023 11:50
文章發表時間 : 8/10/2023 11:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
上下半場既表現可以話成為左成場波既分水嶺，而史達寧既爆發同球隊既運氣亦成為左哩場反勝既關鍵，再一次三分到手兼無人受傷，實在夫復何求。
今場波既陣容同上場波無乜太大變動，只係收起左梅迪歷改用史達寧打左翼，其他位置人選都一樣，而波查亦都繼續打正選積遜先列後備；上半場車路士既節奏明顯踢得比較慢，感覺上有啲收住黎踢既感覺，係因為賽前部署還是連續兩場作客舟車勞頓而疲累就真係無從得知，但變相就正中下懷跌入般尼所設下既佈局。
般尼除左好願意投入人手做前場壓迫之外，當防守時後場同中場之間既距離好短，務求收窄你既用波空間，而且做足遮線企位，哩一啲都係車路士以往面對較為棘手既問題，正正就係「破密集」，加上哩個上半場藍軍既節奏明顯地慢，就更難獲得哩咩優勢去製造機會，只能繼續做外圍猜傳，但真正打到入核入區域而且具威脅既機會並唔多。
龐馬依舊傾向走入中路發展，令本身喺攻中位既加拉加會較多時走向右邊線，但佢地兩個既位置出現重疊既畫面都幾多，變相令右邊可以製造到既攻勢並唔多，更莫講話回防幫手，加上身後古古尼亞喺今場波患得患失既表現，同對手一對一時基本上完全無優勢，只要人地隻翼有速度有盤扭就被牽着鼻子走，所以般尼既攻勢都傾向佢地既左路發展居多。
上半場既車路士感覺上被切割開成兩部份，主力做後場猜傳而無法將個波運上前場，同時即使龐馬回後都無乜隊友將個波傳比佢，其實佢有好大部份時間現個位都幾靚，只要一傳到比佢再彈一腳基本上已經可以推入對手核心區域，相信哩方面都仲要時間建立默契，意外地喺完半場前被史達寧一下傳中而製造到追平機會，以1-1進入更衣室。
普捷天奴喺半場收起波查換入積遜，用意明顯係想增強前線創造力，後者同隊友會有較多互傳配合，相反波查即踢法會偏向硬風格，做搶點加上打對手身後位為主，而好快又係史達為球隊博得十二碼再由龐馬射入反超前，都令車路士之後好踢好多，般尼開始愈踢愈急想追番比數，變相騰出更多空間比車路士打反擊，亦令到藍軍能重新掌控自己既節奏。
如果完半場前唔係入到果球，只要般尼繼續維持開賽前所部署既佈局，即使下半場車路士換入其他球員相信都唔會得到太多甜頭，無可否認既係史達寧既爆發再加上運氣似乎都企左喺客隊哩邊至製造到哩場大勝出現，除此之外都想點名讚積遜同卡些度兩位球員，兩者都將會獨立喺稍後國際賽時間出文講。
緊接落黎就到國際賽期，其後就開始正式踏入魔鬼賽程，希望喺唔好再有傷兵遞增下依加既傷員都可以陸續回歸。
文章發表時間 : 8/10/2023 11:50
文章發表時間 : 8/10/2023 11:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/