《攻鬥攻 快打快 你一拳我一掌的對壘︱車路士對曼城英超賽後感》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
今場波可以話係一場你一拳我一掌既對壘賽事，以大比數4:4作結最終各得一分，對於中立球迷單純以觀賞角度黎睇會係一場精彩而無悶場既賽事，但如果以曼城或車路士球迷角度黎睇相信大家都會有點不是味兒既感覺，因為雙方同樣有著全得三分既機會。
車路士既正選陣容同上場對熱刺比只係作出左一個調動，由古古尼亞代替熱身時不適既高維，其餘十人人選完全一樣，不過今場波喺打法上就同對熱刺時有所不同，藍軍採取主動壓迫踢法，中前場球員不斷利用跑動同壓迫令對手減少傳球選擇，而後場球員亦會把握機會上搶，同時球隊會因應環境變化而調整陣式，你可以話佢地係踢緊4231、442、433甚至343都可以，一個不對稱既陣式都令到曼城喺上半場捱下不少苦頭。
龐馬繼續以一個前場自由人既角色出現，企位上偏向右邊既佢好多時都會走入中路或後場做連接，而身後既占士甚至會企得前過佢，至於另一邊既古古尼亞就相對上無壓得咁上，佢同施華以及迪沙斯會形成三中堅，適時有機會先至插上助攻，而身前既雙中場亦有分工，卡些度會偏向防守性為主，而安素就會負責前後場連接，包括引球推進以及左路既串聯，亦都姐係分擔身後古古尼亞既進攻工作，至於加拉加就繼續負責大範圍既跑動輸出，前場就盡量保留積遜同史達寧兩個攻擊點少去回防專心做反擊。
基本上喺頭20分鐘車路士未輸十二碼前都有著明顯優勢，主隊球員好似搶錢咁搶令曼城打得相當狼狽，直到古古尼亞一下扯衫出現今場波第一球十二碼，今季啲禁區內扯衫只要睇得VAR都實會判罰，而夏蘭特射入果刻相信都無人會估到車路士最終可以同曼城以哩個比數打成平手；之後施華透過一個角球攻勢火速追平，喺無人跟之下斜頂遠柱入網，其實無論係死球還是角球只要佢頂得中都好大機會入或頂到離龍門相當近既位置，只係之前無人埋遠柱跟進，其後曼城都開始反應撳番一段，科頓喺右路以一過三再傳中比夏蘭特果下以及佢自己殺入禁區拉弓抽射都相當具威脅，誰不知一個回頭又比車路士把握得到對手後場球員既失誤由占士傳中再經史達寧射入至2:1。
之後車路士都有唔少近磅既攻勢但都未能成功將比數拉開，反而比到夏蘭特喺施華身後一下變速快射都以為必入，誰不知又比山齊士救出，不過去到上半場既補時階段都終於頂唔住，曼城同樣以角球攻勢去作出回應追成2:2，雙方入到更衣室返出黎又要重新黎過；點知一返出黎無耐就由夏蘭特剷入再次帶領曼城反超前，普捷天奴喺下半場將龐馬收入中路而加拉加放到右路，用意上的確希望利用前者既個人特質令球隊既進攻有更多變化，但效果實在有啲自斷雙臂，無助進攻之餘更因中路缺少左加拉加既硬度而放生左曼城打得更為直接，由半場出返黎直到64分鐘果段車路士基本上係轉為劣勢。
直到普捷天奴進行首輪換人由古斯度及梅迪歷入替占士及安素，將加拉加放回中路後形勢先至無咁失衡，繼而亦由後者一下遠射被撲出不遠後有積遜補射追平，無耐就到對面既洛迪射中施華改變方向入網，哩下山齊士都真係無乜辦法，而普捷天奴喺最後階段換入埋波查拍積遜打雙箭頭嘗試放手一博，果時雙中場由加拉加拍龐馬其實都真係幾高風險，點知又比佢得到回報波查成功博到十二碼，再由龐馬射入追平完場。
大雨的確成為左今場波既變數，下半場好幾個入球都係直接或間接因為大雨而出現，最終令兩隊都無法成功全取三分，雖然曼城缺少左迪布尼之下中場統治力的確有所下降，不過車路士能夠喺佢地身上三度落後下成功追成平手都絕非易事，形勢上亦有勢均力敵甚至壓住黎踢既時候，哩啲都係球隊獲得全場掌聲既原因，接下來就到國際賽期，希望為國出征既球員可以健康回歸迎接月尾既連場硬仗。
文章發表時間 : 14/11/2023 12:30
文章發表時間 : 14/11/2023 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
今場波可以話係一場你一拳我一掌既對壘賽事，以大比數4:4作結最終各得一分，對於中立球迷單純以觀賞角度黎睇會係一場精彩而無悶場既賽事，但如果以曼城或車路士球迷角度黎睇相信大家都會有點不是味兒既感覺，因為雙方同樣有著全得三分既機會。
車路士既正選陣容同上場對熱刺比只係作出左一個調動，由古古尼亞代替熱身時不適既高維，其餘十人人選完全一樣，不過今場波喺打法上就同對熱刺時有所不同，藍軍採取主動壓迫踢法，中前場球員不斷利用跑動同壓迫令對手減少傳球選擇，而後場球員亦會把握機會上搶，同時球隊會因應環境變化而調整陣式，你可以話佢地係踢緊4231、442、433甚至343都可以，一個不對稱既陣式都令到曼城喺上半場捱下不少苦頭。
龐馬繼續以一個前場自由人既角色出現，企位上偏向右邊既佢好多時都會走入中路或後場做連接，而身後既占士甚至會企得前過佢，至於另一邊既古古尼亞就相對上無壓得咁上，佢同施華以及迪沙斯會形成三中堅，適時有機會先至插上助攻，而身前既雙中場亦有分工，卡些度會偏向防守性為主，而安素就會負責前後場連接，包括引球推進以及左路既串聯，亦都姐係分擔身後古古尼亞既進攻工作，至於加拉加就繼續負責大範圍既跑動輸出，前場就盡量保留積遜同史達寧兩個攻擊點少去回防專心做反擊。
基本上喺頭20分鐘車路士未輸十二碼前都有著明顯優勢，主隊球員好似搶錢咁搶令曼城打得相當狼狽，直到古古尼亞一下扯衫出現今場波第一球十二碼，今季啲禁區內扯衫只要睇得VAR都實會判罰，而夏蘭特射入果刻相信都無人會估到車路士最終可以同曼城以哩個比數打成平手；之後施華透過一個角球攻勢火速追平，喺無人跟之下斜頂遠柱入網，其實無論係死球還是角球只要佢頂得中都好大機會入或頂到離龍門相當近既位置，只係之前無人埋遠柱跟進，其後曼城都開始反應撳番一段，科頓喺右路以一過三再傳中比夏蘭特果下以及佢自己殺入禁區拉弓抽射都相當具威脅，誰不知一個回頭又比車路士把握得到對手後場球員既失誤由占士傳中再經史達寧射入至2:1。
之後車路士都有唔少近磅既攻勢但都未能成功將比數拉開，反而比到夏蘭特喺施華身後一下變速快射都以為必入，誰不知又比山齊士救出，不過去到上半場既補時階段都終於頂唔住，曼城同樣以角球攻勢去作出回應追成2:2，雙方入到更衣室返出黎又要重新黎過；點知一返出黎無耐就由夏蘭特剷入再次帶領曼城反超前，普捷天奴喺下半場將龐馬收入中路而加拉加放到右路，用意上的確希望利用前者既個人特質令球隊既進攻有更多變化，但效果實在有啲自斷雙臂，無助進攻之餘更因中路缺少左加拉加既硬度而放生左曼城打得更為直接，由半場出返黎直到64分鐘果段車路士基本上係轉為劣勢。
直到普捷天奴進行首輪換人由古斯度及梅迪歷入替占士及安素，將加拉加放回中路後形勢先至無咁失衡，繼而亦由後者一下遠射被撲出不遠後有積遜補射追平，無耐就到對面既洛迪射中施華改變方向入網，哩下山齊士都真係無乜辦法，而普捷天奴喺最後階段換入埋波查拍積遜打雙箭頭嘗試放手一博，果時雙中場由加拉加拍龐馬其實都真係幾高風險，點知又比佢得到回報波查成功博到十二碼，再由龐馬射入追平完場。
大雨的確成為左今場波既變數，下半場好幾個入球都係直接或間接因為大雨而出現，最終令兩隊都無法成功全取三分，雖然曼城缺少左迪布尼之下中場統治力的確有所下降，不過車路士能夠喺佢地身上三度落後下成功追成平手都絕非易事，形勢上亦有勢均力敵甚至壓住黎踢既時候，哩啲都係球隊獲得全場掌聲既原因，接下來就到國際賽期，希望為國出征既球員可以健康回歸迎接月尾既連場硬仗。
文章發表時間 : 14/11/2023 12:30
文章發表時間 : 14/11/2023 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/