《車路士陣容探討︱後場回顧》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
如果以車路士現有陣容黎講，可以用「不完美，但可接受，要改善」黎形容，不完美 - 點計都唔會係贏冠軍既人腳黎，不過比上不足比下有餘，但可接受 - 保利與其集團入主後一味買後生仔就換黎喺成績上交下學費，但至少中規中距聯賽拎第六下季重返歐戰，要改善 - 接下來就要針對個別位置做部署；為免文章篇幅過長會分上下三篇出稿，今次會先講後場。
主教練由普捷天奴轉為馬利斯卡，後者上季帶領李斯特城奪得英冠冠軍，戰術主軸以傳控為主，個人認為佢會比起普捷天奴更追求控球，而哩方面亦有傳係管理層尋覓新主帥既條件之一；施華既離開定必係防線一大損失，雖然佢退下來只係時間問題，不過一下子抽走佢無左過渡就點都有所影響，講緊既係過去哩季施華依然喺唔少場次坐擁正選席位，而睇番同位置既其他人選又的確缺乏有經驗之士可以領導防線。
迪沙斯及巴迪亞舒利表現不穩難以給予球迷信心，W.科芬拿傷多過踢就更加唔洗多講，反而季尾及時復出既查路巴確係有唔錯既演出，不過都要睇佢拍邊個以及管理層唔賣佢先有得講落去，至於高維就要望下新帥會將佢放番去咩位置踢，始終哩位自家青訓喺過去一季打左閘既表現唔算突出，最後就到由富咸免簽番黎既Tosin Adarabioyo，老實說對佢既認識唔深仍雖觀察，據了解球員上季比較其他英超中堅喺數據上的確名列前茅，如果純粹睇哩啲加上免簽、英人身份、傷兵紀錄唔算多以及曼城青訓出身，叫做多個人去補充哩條容易受傷既防線都實在無壞，不過如果只係用佢既頂替施華個位的話喺質素上就真係存在一啲距離。
就咁數落都已經有六位中堅人選，仲未計季尾新上位既青訓Alfie Gilchrist，如果今個轉會窗無買賣變動的話就意味住球迷只能冀盼馬利斯卡喺防守包裝上做得比普捷天奴好，又或者喺中場分工上更能有效地為防線帶黎足夠保護，否則場均失球數字都唔會有太大改變；至於左右閘方面相信人員變動亦不大，正副隊長占士及捷維爾既實力無容置疑，問題只係傷患太多，前者過去哩季終於肯接受手術根治問題，下季仍有待觀察係咪成功減輕到傷患頻率，相反捷維爾就應該真係惡搞啲，要睇新主帥既訓練模式同上陣時間，難免要慳住用。
占士缺席大部份賽事，亦比到機會古斯度上陣，同時佢所展示出黎既能力甚至有資格挑戰正選，再加上查路巴同時勝任右閘，哩個位置既人手相對充裕；而左閘方面古古尼亞季尾表現出色，適時收入中路幫波同助守，馬利斯卡亦偏好用一啲多功能特質既閘位球員，相信古古尼亞喺捷維爾經常受傷下會得到唔少機會，不過就要睇佢既取態係想留隊競爭還是離開，至於外借到多蒙特既馬臣就主要取決於蜜蜂兵團會否出價買斷，個人認為如果古古尼亞最終留隊的話，馬臣即使回歸史丹福橋但上陣空間亦都唔會太多。
最後就到門將位置，山齊士加上柏度域兩名門將輪換其實都足以應付各項戰線，除非兩者其中之一選擇離隊，而暫時睇落機會不大；總括而言，中堅位置會係比較令人擔心既一環，人腳係有但質素欠奉，如果要再另作新補充的話就意味著要先有球員離開，以騰出空間，至於左右兩閘加上門將位置就要睇下有無球員主動離開或被球會出售，否則變動機會相信並不大，與此同時亦要寄望正副隊長二人既傷患問題有所改善，施華離隊後防線就更加需要兩者既場上經驗。
下篇將會講中場...
文章發表時間 : 15/6/2024 13:00文章發表時間 : 15/6/2024 13:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
如果以車路士現有陣容黎講，可以用「不完美，但可接受，要改善」黎形容，不完美 - 點計都唔會係贏冠軍既人腳黎，不過比上不足比下有餘，但可接受 - 保利與其集團入主後一味買後生仔就換黎喺成績上交下學費，但至少中規中距聯賽拎第六下季重返歐戰，要改善 - 接下來就要針對個別位置做部署；為免文章篇幅過長會分上下三篇出稿，今次會先講後場。
主教練由普捷天奴轉為馬利斯卡，後者上季帶領李斯特城奪得英冠冠軍，戰術主軸以傳控為主，個人認為佢會比起普捷天奴更追求控球，而哩方面亦有傳係管理層尋覓新主帥既條件之一；施華既離開定必係防線一大損失，雖然佢退下來只係時間問題，不過一下子抽走佢無左過渡就點都有所影響，講緊既係過去哩季施華依然喺唔少場次坐擁正選席位，而睇番同位置既其他人選又的確缺乏有經驗之士可以領導防線。
迪沙斯及巴迪亞舒利表現不穩難以給予球迷信心，W.科芬拿傷多過踢就更加唔洗多講，反而季尾及時復出既查路巴確係有唔錯既演出，不過都要睇佢拍邊個以及管理層唔賣佢先有得講落去，至於高維就要望下新帥會將佢放番去咩位置踢，始終哩位自家青訓喺過去一季打左閘既表現唔算突出，最後就到由富咸免簽番黎既Tosin Adarabioyo，老實說對佢既認識唔深仍雖觀察，據了解球員上季比較其他英超中堅喺數據上的確名列前茅，如果純粹睇哩啲加上免簽、英人身份、傷兵紀錄唔算多以及曼城青訓出身，叫做多個人去補充哩條容易受傷既防線都實在無壞，不過如果只係用佢既頂替施華個位的話喺質素上就真係存在一啲距離。
就咁數落都已經有六位中堅人選，仲未計季尾新上位既青訓Alfie Gilchrist，如果今個轉會窗無買賣變動的話就意味住球迷只能冀盼馬利斯卡喺防守包裝上做得比普捷天奴好，又或者喺中場分工上更能有效地為防線帶黎足夠保護，否則場均失球數字都唔會有太大改變；至於左右閘方面相信人員變動亦不大，正副隊長占士及捷維爾既實力無容置疑，問題只係傷患太多，前者過去哩季終於肯接受手術根治問題，下季仍有待觀察係咪成功減輕到傷患頻率，相反捷維爾就應該真係惡搞啲，要睇新主帥既訓練模式同上陣時間，難免要慳住用。
占士缺席大部份賽事，亦比到機會古斯度上陣，同時佢所展示出黎既能力甚至有資格挑戰正選，再加上查路巴同時勝任右閘，哩個位置既人手相對充裕；而左閘方面古古尼亞季尾表現出色，適時收入中路幫波同助守，馬利斯卡亦偏好用一啲多功能特質既閘位球員，相信古古尼亞喺捷維爾經常受傷下會得到唔少機會，不過就要睇佢既取態係想留隊競爭還是離開，至於外借到多蒙特既馬臣就主要取決於蜜蜂兵團會否出價買斷，個人認為如果古古尼亞最終留隊的話，馬臣即使回歸史丹福橋但上陣空間亦都唔會太多。
最後就到門將位置，山齊士加上柏度域兩名門將輪換其實都足以應付各項戰線，除非兩者其中之一選擇離隊，而暫時睇落機會不大；總括而言，中堅位置會係比較令人擔心既一環，人腳係有但質素欠奉，如果要再另作新補充的話就意味著要先有球員離開，以騰出空間，至於左右兩閘加上門將位置就要睇下有無球員主動離開或被球會出售，否則變動機會相信並不大，與此同時亦要寄望正副隊長二人既傷患問題有所改善，施華離隊後防線就更加需要兩者既場上經驗。
下篇將會講中場...
文章發表時間 : 15/6/2024 13:00文章發表時間 : 15/6/2024 13:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/