《車路士陣容探討︱中場回顧》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
中場問題看似無後防咁嚴重，不過兩者喺本質上係各有不同，後防係有量但無質，而中場係有質但問題反而出於整合，現階段仍未成功組合出哩堆人腳既最好一面出黎，當然佢地都只係加盟左一季時間。
加拉加、安素及卡些度三人為過去一季中場主力球員，後者主理防守，加拉加負責覆蓋面積同跑動，相對上安素既定位就比較尷尬，普捷天奴給予好大自由度可以比佢走上前場，但變相就令另一中場拍檔卡些度需要獨自承擔防守時所面對既壓力，經常喺中後場被一打二，同時前場工作亦並非安素最擅長做既野，當中包括最後一傳、組織攻勢以及走入禁區等，佢係做得到但並非做得好，反而應負責遠射、長距離傳送、埋身對抗及持球推進等工作。
而喺分工方面加拉加同安素既職務都有所重疊，喺場內要處理既野都相當類近，企位上邊個壓前邊個逗後似乎都無乜安排或夾過，輕鬆打穿佢兩個就可以單挑卡些度同面對防線，哩啲都係過去一季大部份時間喺中場上所見到既情境，所以到季尾抽起左受傷既安素後，加拉加喺職務上亦不敢過於進取地向前，加上有古古尼亞適時走入中路幫波，都令到中場喺結構上能夠為後場帶黎保護，唔會咁輕易就比對手成功突破到，但就更為突顯出安素喺中場既定位問題。
長遠而言佢都係應以6號或8號位發展，中路工作會比前場更為合適，未來都繼續依靠安素同卡些度作為核心球員，至於加拉加就要睇球會取向，個人角度實在搵唔到一個喺哩隊咁多傷兵而佢出勤率咁高之下都要被賣既理由，即使話佢質素及上升潛力未必及得上安素或卡些度，不過論拼勁、鬥心、場上精神再加上自家青訓，相信無人會對佢為球會哩百二分付出提出質疑。
其他中場人選方面，本身拉維亞都可能係一個唔錯既選擇，奈何傷病太多同W.科芬拿一樣無太多野可以補充，烏高卓古喺過去一季都有少量後備上陣機會，相信都會與卡沙迪以及外借回歸既山度士一同留待季前熱身賽過後再決定去向，睇下留隊自用還是傾向外借；以現時人腳黎睇，其實係足夠應付下季好幾條戰線，問題只係出於傷兵同整合上，即戰力黎講如果拉維亞繼續長期養傷等同打少個，變相就只會繼續用死加拉加、安素以及卡些度三個，而個人會將烏高卓古、卡沙迪同山度士哩三個定性後備梯隊，三留二甚至三留一作為輪換人選，當然都要睇新帥馬利斯卡既取向。
即使再有新球員加盟，都希望係以即戰力為大前題，事關如果以「潛力股」作定義的話，陣中已經有不少哩類型既年青球員，球隊反而缺少既係經驗，與此同時都唔希望有太多轉會操作，適量既少修少補係可以，但唔好又大刀闊斧咁整頓陣容。
下篇將會講前場...
文章發表時間 : 2/7/2024 21:00
文章發表時間 : 2/7/2024 21:00
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
中場問題看似無後防咁嚴重，不過兩者喺本質上係各有不同，後防係有量但無質，而中場係有質但問題反而出於整合，現階段仍未成功組合出哩堆人腳既最好一面出黎，當然佢地都只係加盟左一季時間。
加拉加、安素及卡些度三人為過去一季中場主力球員，後者主理防守，加拉加負責覆蓋面積同跑動，相對上安素既定位就比較尷尬，普捷天奴給予好大自由度可以比佢走上前場，但變相就令另一中場拍檔卡些度需要獨自承擔防守時所面對既壓力，經常喺中後場被一打二，同時前場工作亦並非安素最擅長做既野，當中包括最後一傳、組織攻勢以及走入禁區等，佢係做得到但並非做得好，反而應負責遠射、長距離傳送、埋身對抗及持球推進等工作。
而喺分工方面加拉加同安素既職務都有所重疊，喺場內要處理既野都相當類近，企位上邊個壓前邊個逗後似乎都無乜安排或夾過，輕鬆打穿佢兩個就可以單挑卡些度同面對防線，哩啲都係過去一季大部份時間喺中場上所見到既情境，所以到季尾抽起左受傷既安素後，加拉加喺職務上亦不敢過於進取地向前，加上有古古尼亞適時走入中路幫波，都令到中場喺結構上能夠為後場帶黎保護，唔會咁輕易就比對手成功突破到，但就更為突顯出安素喺中場既定位問題。
長遠而言佢都係應以6號或8號位發展，中路工作會比前場更為合適，未來都繼續依靠安素同卡些度作為核心球員，至於加拉加就要睇球會取向，個人角度實在搵唔到一個喺哩隊咁多傷兵而佢出勤率咁高之下都要被賣既理由，即使話佢質素及上升潛力未必及得上安素或卡些度，不過論拼勁、鬥心、場上精神再加上自家青訓，相信無人會對佢為球會哩百二分付出提出質疑。
其他中場人選方面，本身拉維亞都可能係一個唔錯既選擇，奈何傷病太多同W.科芬拿一樣無太多野可以補充，烏高卓古喺過去一季都有少量後備上陣機會，相信都會與卡沙迪以及外借回歸既山度士一同留待季前熱身賽過後再決定去向，睇下留隊自用還是傾向外借；以現時人腳黎睇，其實係足夠應付下季好幾條戰線，問題只係出於傷兵同整合上，即戰力黎講如果拉維亞繼續長期養傷等同打少個，變相就只會繼續用死加拉加、安素以及卡些度三個，而個人會將烏高卓古、卡沙迪同山度士哩三個定性後備梯隊，三留二甚至三留一作為輪換人選，當然都要睇新帥馬利斯卡既取向。
即使再有新球員加盟，都希望係以即戰力為大前題，事關如果以「潛力股」作定義的話，陣中已經有不少哩類型既年青球員，球隊反而缺少既係經驗，與此同時都唔希望有太多轉會操作，適量既少修少補係可以，但唔好又大刀闊斧咁整頓陣容。
下篇將會講前場...
文章發表時間 : 2/7/2024 21:00
文章發表時間 : 2/7/2024 21:00
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/