《車路士陣容探討︱前場回顧》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
前場不缺乏人數，但可以倚重既再扣除長期傷兵，實質用得上而交到穩定表現既球員卻係好少，如果要數起上黎甚至只可以話得龐馬一個，延續到歐國盃都能夠有唔錯既演出，而車路士能夠最終以第六名完季都係多得佢。
除左龐馬，攻擊線上就真係無乜邊個擔到大旗，睇番球隊上季英超入球數字，龐馬以22球高居隊內榜首，扣除射入既十二碼都有13球，到第二位既積遜有15球，數到第三位既史達寧已經落入單位數既8球，雖然對比再上一個賽季入球數字經已有著顯著增幅，講緊當季首席射手已經係入到7球既夏維斯，不過如果球隊要喺成績及排名上再有上升，入球數字同把握力都一定要再有提升，至少入到波先有機會有分落袋。
史達寧理應係陣中前線最有經驗既一個，但上季佢既狀態就的確麻麻，只能說偶有佳作並不能持續，正選地位亦非穩固，除非馬利斯卡上任後能夠搵到方法激活哩位曾經喺曼城合作過既舊將，否則年尾經已三十既史達寧相信只會繼續向下走，至於同為右翼既馬度基一樣偶有神來之筆，順風波時可以打得好但腳風一唔順就無腳好波，而排序上佢暫時都係後備替補之選，有傳新主帥希望喺巿場上收購一名慣用右腳既右翼鋒，就要睇馬度基來季會選擇外借離隊還是留隊競一席位。
梅迪歷既情況就相對尷尬，老實說穿起10號球衣既佢並無交出應有表現，無論喺配合、走位、傳或射既時機拿捏都有好大改善空間，相信球員亦自知有所不足，所以提早結束歐國盃後休假參與季前集訓，都希望佢喺馬利斯卡手上有更好既發展，而尼宮古就無乜太多補充，只要減少傷病有穩定既出場次數，以佢既質素對於球隊既前場都一定有好多幫助，當日大傷令球隊喺轉會窗結束前收購龐馬減輕對球隊影響，可惜經歷一整季尼宮古仍然未完全擺脫傷患困擾。
至於箭頭方面，積遜亦繼續需要為提升個人把握力而努力，登陸英超首個賽季雖然經已成功取得15個入球，數字上黎睇合格有餘，但同時佢浪費機會既畫面亦都多不勝數，實在要多下苦功，其他前鋒人選包括盧卡古、波查及D.科芬拿，前者離隊勢在必行，後兩者有傳球會都會傾向出售套現，個人認為除非哩個位置會有新收購，否則兩者應二選一留隊，尤其係以D.科芬拿上季外借到般尼既表現係值得嘗試。
其他未被點名既年青球員就要睇熱身賽過後再決定來季去向，如何整合及提升現有人手既表現將會係馬利斯卡既一大課題，分開每個位置黎睇其實人手算係充裕，問題只在於唔能夠交出穩定輸出，除龐馬以外每名球員都面對唔同問題，當中更包括傷患；總結前中後三篇回顧，三線利弊明顯，同時球隊潛力的確無喺普捷天奴手上完全發揮到百份百，但個人黎睇哩個時候換人並非一個好時機，前者值得多一季機會去發挖更多可能性，而依加馬利斯卡會做得比佢好還是差仍要時間定斷，所有野亦要接近重新黎過。
文章發表時間 : 5/8/2024 23:00
文章發表時間 : 5/8/2024 23:00
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
前場不缺乏人數，但可以倚重既再扣除長期傷兵，實質用得上而交到穩定表現既球員卻係好少，如果要數起上黎甚至只可以話得龐馬一個，延續到歐國盃都能夠有唔錯既演出，而車路士能夠最終以第六名完季都係多得佢。
除左龐馬，攻擊線上就真係無乜邊個擔到大旗，睇番球隊上季英超入球數字，龐馬以22球高居隊內榜首，扣除射入既十二碼都有13球，到第二位既積遜有15球，數到第三位既史達寧已經落入單位數既8球，雖然對比再上一個賽季入球數字經已有著顯著增幅，講緊當季首席射手已經係入到7球既夏維斯，不過如果球隊要喺成績及排名上再有上升，入球數字同把握力都一定要再有提升，至少入到波先有機會有分落袋。
史達寧理應係陣中前線最有經驗既一個，但上季佢既狀態就的確麻麻，只能說偶有佳作並不能持續，正選地位亦非穩固，除非馬利斯卡上任後能夠搵到方法激活哩位曾經喺曼城合作過既舊將，否則年尾經已三十既史達寧相信只會繼續向下走，至於同為右翼既馬度基一樣偶有神來之筆，順風波時可以打得好但腳風一唔順就無腳好波，而排序上佢暫時都係後備替補之選，有傳新主帥希望喺巿場上收購一名慣用右腳既右翼鋒，就要睇馬度基來季會選擇外借離隊還是留隊競一席位。
梅迪歷既情況就相對尷尬，老實說穿起10號球衣既佢並無交出應有表現，無論喺配合、走位、傳或射既時機拿捏都有好大改善空間，相信球員亦自知有所不足，所以提早結束歐國盃後休假參與季前集訓，都希望佢喺馬利斯卡手上有更好既發展，而尼宮古就無乜太多補充，只要減少傷病有穩定既出場次數，以佢既質素對於球隊既前場都一定有好多幫助，當日大傷令球隊喺轉會窗結束前收購龐馬減輕對球隊影響，可惜經歷一整季尼宮古仍然未完全擺脫傷患困擾。
至於箭頭方面，積遜亦繼續需要為提升個人把握力而努力，登陸英超首個賽季雖然經已成功取得15個入球，數字上黎睇合格有餘，但同時佢浪費機會既畫面亦都多不勝數，實在要多下苦功，其他前鋒人選包括盧卡古、波查及D.科芬拿，前者離隊勢在必行，後兩者有傳球會都會傾向出售套現，個人認為除非哩個位置會有新收購，否則兩者應二選一留隊，尤其係以D.科芬拿上季外借到般尼既表現係值得嘗試。
其他未被點名既年青球員就要睇熱身賽過後再決定來季去向，如何整合及提升現有人手既表現將會係馬利斯卡既一大課題，分開每個位置黎睇其實人手算係充裕，問題只在於唔能夠交出穩定輸出，除龐馬以外每名球員都面對唔同問題，當中更包括傷患；總結前中後三篇回顧，三線利弊明顯，同時球隊潛力的確無喺普捷天奴手上完全發揮到百份百，但個人黎睇哩個時候換人並非一個好時機，前者值得多一季機會去發挖更多可能性，而依加馬利斯卡會做得比佢好還是差仍要時間定斷，所有野亦要接近重新黎過。
文章發表時間 : 5/8/2024 23:00
文章發表時間 : 5/8/2024 23:00
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/