《鎂光燈下的一員 登上舞台的機會︱柏度尼圖》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
見到車路士同狼隊既柏度尼圖傳出轉會消息時，第一下心諗既唔係又買人，唔係轉會費價錢，即戰力亦無需懷疑，問題而係藍軍陣容經常遇上而久未根治既傷病！
上篇前場回顧時有提到每位攻擊球員所面對既問題，除左龐馬以外其他人都交唔出穩定輸出，同時需要處理傷病，相比起藍軍現時有既人腳，尼圖的確會有唔錯既新衝擊，球員可以勝任幾個位置，哩種前場既多變性暫時陣中就只有尼宮古擁有，而尼圖喺變速、過人及盤球技術幾方面既能力都做得相當唔錯，以一人之力可以帶走至少兩名防守球員，哩樣野亦暫時得龐馬可以做到，如果要分擔到後者既工作同被關注程度，尼圖的確係一個唔錯既選擇，更重要既係已經喺英超取得過去五季既經驗，無需擔心適應問題。
不過睇番佢既上陣數據，就出現一個令人幾擔心既數字，除左登陸英超首兩季各自獲得44及35既上陣次數之外，近三季只收錄得13、19及24場參與賽事，基本上每季踢得一半時間， 其餘都係拎黎養傷休戰，老實講尼圖既踢法極具侵略性，難免迫使對手出腳攔截，但佢既身體似乎愈來愈難承受哩種程度既傷害，唔好忘記黎緊一季車路士仲需要應付多一條歐洲賽戰線，賽程壓力就只會比起狼隊時更大，加上藍軍處理傷兵既經驗同能力，相信尼圖受傷既機會係有增無減。
如果無傷無病的話，預計哩位萄葡牙翼鋒將會同龐馬、尼宮古組成攻擊線，而史達寧同馬度基既上陣時間將會被進一步壓縮，前者除非可以喺競技狀態上有好大改變，但不感樂觀，後者未知會否外借爭取更多上陣時間；個人暫時對哩單交易都抱著觀望態度，始終尼圖既傷病史實在太多，估計亦係哩個原因令佢早兩年未有得到躋身大球會既機會，無論如何都希望哩位都只係24歲既翼鋒能夠保持健康，並為車路士既攻擊線帶黎層次上既提升。
補充多一點，尼圖正正係著名經理人文迪斯其集團旗下既球員，後者正正係前季促成祖奧菲歷斯外借既關鍵人物，而保利及其團隊近季都同文迪斯愈行愈埋，相信未來雙方都會有更多交易發生。
文章發表時間 : 12/8/2024 12:50
文章發表時間 : 12/8/2024 12:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
見到車路士同狼隊既柏度尼圖傳出轉會消息時，第一下心諗既唔係又買人，唔係轉會費價錢，即戰力亦無需懷疑，問題而係藍軍陣容經常遇上而久未根治既傷病！
上篇前場回顧時有提到每位攻擊球員所面對既問題，除左龐馬以外其他人都交唔出穩定輸出，同時需要處理傷病，相比起藍軍現時有既人腳，尼圖的確會有唔錯既新衝擊，球員可以勝任幾個位置，哩種前場既多變性暫時陣中就只有尼宮古擁有，而尼圖喺變速、過人及盤球技術幾方面既能力都做得相當唔錯，以一人之力可以帶走至少兩名防守球員，哩樣野亦暫時得龐馬可以做到，如果要分擔到後者既工作同被關注程度，尼圖的確係一個唔錯既選擇，更重要既係已經喺英超取得過去五季既經驗，無需擔心適應問題。
不過睇番佢既上陣數據，就出現一個令人幾擔心既數字，除左登陸英超首兩季各自獲得44及35既上陣次數之外，近三季只收錄得13、19及24場參與賽事，基本上每季踢得一半時間， 其餘都係拎黎養傷休戰，老實講尼圖既踢法極具侵略性，難免迫使對手出腳攔截，但佢既身體似乎愈來愈難承受哩種程度既傷害，唔好忘記黎緊一季車路士仲需要應付多一條歐洲賽戰線，賽程壓力就只會比起狼隊時更大，加上藍軍處理傷兵既經驗同能力，相信尼圖受傷既機會係有增無減。
如果無傷無病的話，預計哩位萄葡牙翼鋒將會同龐馬、尼宮古組成攻擊線，而史達寧同馬度基既上陣時間將會被進一步壓縮，前者除非可以喺競技狀態上有好大改變，但不感樂觀，後者未知會否外借爭取更多上陣時間；個人暫時對哩單交易都抱著觀望態度，始終尼圖既傷病史實在太多，估計亦係哩個原因令佢早兩年未有得到躋身大球會既機會，無論如何都希望哩位都只係24歲既翼鋒能夠保持健康，並為車路士既攻擊線帶黎層次上既提升。
補充多一點，尼圖正正係著名經理人文迪斯其集團旗下既球員，後者正正係前季促成祖奧菲歷斯外借既關鍵人物，而保利及其團隊近季都同文迪斯愈行愈埋，相信未來雙方都會有更多交易發生。
文章發表時間 : 12/8/2024 12:50
文章發表時間 : 12/8/2024 12:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/