《離開比留下需付出更大勇氣 尋找一個屬於自己的地方︱干拿加拉加》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
關於加拉加離隊，一直都係可預期而不意外但感可惜，以結果黎睇離開無疑對球員黎講係最好既選擇，此處不留人自有留人處，總有一個會珍惜你既地方，只係哩個唔會係車路士。
由球員角度出發，心一向在此，喺一個自己由少到大成長既地方，上季更以接近全勤姿態，戴上隊長臂章次數甚至比起占士同捷維爾還要多，為球會拼盡百二分，老實說論鬥志論賣力佢都一定係陣中數一數二，眼見新加盟既球員個個有長約，週薪已經比起自己高出一倍或更多，問心正常人都一定會心有不甘，而球會所開出既續約條款，年期短之餘週薪數字亦無滿足到球員所想，與其硬著頭皮留低，倒不如出走尋求新既發展機會。
由球會角度出發，除左錢之外就真係睇唔到有咩原因賣走加拉加，自保利及其集團入主後，轉會策略改以收購潛力及年輕新星為主軸，而自家青訓只要被評為不達標就會變賣，包括上季外借到紐卡素今季被賣斷既賀爾，剛轉投維拉既馬臣都係實例，即使係重心球員都有一樣情況，決定唔續約而有球會出得起價錢就會出售，亦唔介意買家既身份，好似上季蒙特轉會曼聯，所以加拉加既離開都只會其中一個，亦唔會係最後一個，黎緊仲有查路巴甚至連隊長占士、高維都同樣有機會被賣走，價錢合適而能夠滿足到管理層就可以賣，因為車路士喺佢地眼中只被視為一盤生意。
由馬利斯卡角度出發，加拉加的而且確唔係佢屬意中場類型既球員黎，傳控並非球員擅長做既事，而喺相同位置上收購李城舊部迪斯貝利賀爾，經已釋出訊號即使前者選擇留隊，喺排序上已經成為第四甚至第五選擇，大機會比起上季長期養傷既拉維亞還要後，但缺少左加拉加既跑動同覆蓋面，中場又有誰可以提供到以上元素？拉維亞喺類型上會係比較接近果個，但佢能否保持到加拉加既出勤率會係疑問。
至於從球迷角度出發，反應一直兩極，一邊廂話佢英人「波牛」踢法已經到頂，未來無乜進步空間，換取一份可觀收益相當可取，另一邊廂既球迷會覺得可惜，畢竟以青訓身份加上後天付出所有努力希望留低，都要被球會半推半迫咁賣走，最尾因交易出現問題要好似「人球」咁兩邊走，球會將成件事做得相當難睇。無論如何加拉加既離開都已成定局，祝願佢可以喺西班牙尋回屬於自己既一片天空，馬體會既競爭都唔細，不過都相信球員能夠喺施蒙尼既戰術體系下成長，他日場上再見。
文章發表時間 : 23/8/2024 21:30
文章發表時間 : 23/8/2024 21:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
關於加拉加離隊，一直都係可預期而不意外但感可惜，以結果黎睇離開無疑對球員黎講係最好既選擇，此處不留人自有留人處，總有一個會珍惜你既地方，只係哩個唔會係車路士。
由球員角度出發，心一向在此，喺一個自己由少到大成長既地方，上季更以接近全勤姿態，戴上隊長臂章次數甚至比起占士同捷維爾還要多，為球會拼盡百二分，老實說論鬥志論賣力佢都一定係陣中數一數二，眼見新加盟既球員個個有長約，週薪已經比起自己高出一倍或更多，問心正常人都一定會心有不甘，而球會所開出既續約條款，年期短之餘週薪數字亦無滿足到球員所想，與其硬著頭皮留低，倒不如出走尋求新既發展機會。
由球會角度出發，除左錢之外就真係睇唔到有咩原因賣走加拉加，自保利及其集團入主後，轉會策略改以收購潛力及年輕新星為主軸，而自家青訓只要被評為不達標就會變賣，包括上季外借到紐卡素今季被賣斷既賀爾，剛轉投維拉既馬臣都係實例，即使係重心球員都有一樣情況，決定唔續約而有球會出得起價錢就會出售，亦唔介意買家既身份，好似上季蒙特轉會曼聯，所以加拉加既離開都只會其中一個，亦唔會係最後一個，黎緊仲有查路巴甚至連隊長占士、高維都同樣有機會被賣走，價錢合適而能夠滿足到管理層就可以賣，因為車路士喺佢地眼中只被視為一盤生意。
由馬利斯卡角度出發，加拉加的而且確唔係佢屬意中場類型既球員黎，傳控並非球員擅長做既事，而喺相同位置上收購李城舊部迪斯貝利賀爾，經已釋出訊號即使前者選擇留隊，喺排序上已經成為第四甚至第五選擇，大機會比起上季長期養傷既拉維亞還要後，但缺少左加拉加既跑動同覆蓋面，中場又有誰可以提供到以上元素？拉維亞喺類型上會係比較接近果個，但佢能否保持到加拉加既出勤率會係疑問。
至於從球迷角度出發，反應一直兩極，一邊廂話佢英人「波牛」踢法已經到頂，未來無乜進步空間，換取一份可觀收益相當可取，另一邊廂既球迷會覺得可惜，畢竟以青訓身份加上後天付出所有努力希望留低，都要被球會半推半迫咁賣走，最尾因交易出現問題要好似「人球」咁兩邊走，球會將成件事做得相當難睇。無論如何加拉加既離開都已成定局，祝願佢可以喺西班牙尋回屬於自己既一片天空，馬體會既競爭都唔細，不過都相信球員能夠喺施蒙尼既戰術體系下成長，他日場上再見。
文章發表時間 : 23/8/2024 21:30
文章發表時間 : 23/8/2024 21:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/