《食之無味 棄之可惜？︱史達寧轉會阿仙奴》
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
史達寧離隊外借阿仙奴，先唔斟酌於借用費或人工比例果部份先（文章後段再討論），老實講車路士臨到開季兼轉會窗尾聲既時間先迫走佢，做法同處理加拉加單轉會一樣有過之而無不及咁難睇，仲未數到原本既副隊長捷維爾同樣身受其害（佢仲要未走到），相信對待球員既哩種手法將會喺未來繼續出現。
史達寧可以話係保利及其集團入主車路士初期既重點既收購，可惜過去兩季所交出既表現實在不似預期，無法「擔大旗」之餘重心角色更落入同為前曼城隊友既龐馬身上，亦漸漸離開正選之列跌入後備席，上季傳出管理層開始對球員不滿，認為佢無法兌現出自己身價，最重要既係史達寧既週薪係屬於陣中既高薪一族，哩個亦都可能係高層迫走佢既原因，從而可以騰空薪酬空間收購新球員。
試想像一個高薪球員長坐後備，姑勿論落場班友博唔博命都好，人工都比你低，微言唔知有無但睇落就總係有啲唔順眼咁，個人認為馬利斯卡只係做醜人開聲叫人走果個，真正話事果個未必係佢；不過又咁睇，史達寧提早兩星期結束休假參與訓練操態，至少睇到有心想做好哩件事，佢應該都會想踢番好啲以換取再次入選國家隊既資格，起碼依加修夫基落左台，但咁比車路士搞搞就真係一盆冷水照頭淋。
睇番入球數字，過去兩季喺車路士分別喺英超入左6球同8球，對比喺曼城最後兩季分別入左10球同13球，你話差別係咪好遠從數字上睇黎就唔係，至少你應該唔會將曼城同車路士放喺同一個等級上面先，咁入球數字有哩個差距都好正常，而佢把握力弱亦都係加盟前已知既事實，曼城年代經已時有發生，只係果時機會多變相浪費左總會好快有下個機會出現，但車路士可以為佢製造到既機會並唔多，即使史達寧走到靚位隊友亦未必交到比佢，亦會放大左錯失機會既畫面。
雖然外借阿仙奴既交易已經發生，不過比起史達寧離開，個人更認為排序上梅迪歷點都應該排先過佢，至起碼前者有英超經驗又打到兩邊，戰術上依然有可用既地方，反而梅迪歷仲需要外借經驗去推動成長，留低喺車路士獲得既上陣時間實在不足以令佢有太多進步空間，甚至可以話經已扼殺左球員既成長期，最終只會高開低走。
最後就到借用費同人工部份，由文章起頭果下話開季及轉會窗尾聲先黎話唔要人，試問又有幾多時間比到史達寧、捷維捷或其他馬利斯卡所講既「棄將」去搵下家？其他球隊都經已埋晒班開埋季，有人肯同你傾都偷笑，而你手又會係揸住幾多籌碼？你會有幾多本錢去同人傾借用費或者人工比例點攤分？最後答案其實都幾明顯。
打到兩邊翼既史達寧被借走，變相右翼就得番馬杜基，左翼就有梅迪歷，尼圖就打到兩邊，至於龐馬、菲歷斯同安宮古都係擅於中路多於邊路既球員，其實一出就點都要有番一入去填補番個位置，辛祖？似乎成事，係既話下篇再講。
文章發表時間 : 31/8/2024 14:30
文章發表時間 : 31/8/2024 14:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
史達寧離隊外借阿仙奴，先唔斟酌於借用費或人工比例果部份先（文章後段再討論），老實講車路士臨到開季兼轉會窗尾聲既時間先迫走佢，做法同處理加拉加單轉會一樣有過之而無不及咁難睇，仲未數到原本既副隊長捷維爾同樣身受其害（佢仲要未走到），相信對待球員既哩種手法將會喺未來繼續出現。
史達寧可以話係保利及其集團入主車路士初期既重點既收購，可惜過去兩季所交出既表現實在不似預期，無法「擔大旗」之餘重心角色更落入同為前曼城隊友既龐馬身上，亦漸漸離開正選之列跌入後備席，上季傳出管理層開始對球員不滿，認為佢無法兌現出自己身價，最重要既係史達寧既週薪係屬於陣中既高薪一族，哩個亦都可能係高層迫走佢既原因，從而可以騰空薪酬空間收購新球員。
試想像一個高薪球員長坐後備，姑勿論落場班友博唔博命都好，人工都比你低，微言唔知有無但睇落就總係有啲唔順眼咁，個人認為馬利斯卡只係做醜人開聲叫人走果個，真正話事果個未必係佢；不過又咁睇，史達寧提早兩星期結束休假參與訓練操態，至少睇到有心想做好哩件事，佢應該都會想踢番好啲以換取再次入選國家隊既資格，起碼依加修夫基落左台，但咁比車路士搞搞就真係一盆冷水照頭淋。
睇番入球數字，過去兩季喺車路士分別喺英超入左6球同8球，對比喺曼城最後兩季分別入左10球同13球，你話差別係咪好遠從數字上睇黎就唔係，至少你應該唔會將曼城同車路士放喺同一個等級上面先，咁入球數字有哩個差距都好正常，而佢把握力弱亦都係加盟前已知既事實，曼城年代經已時有發生，只係果時機會多變相浪費左總會好快有下個機會出現，但車路士可以為佢製造到既機會並唔多，即使史達寧走到靚位隊友亦未必交到比佢，亦會放大左錯失機會既畫面。
雖然外借阿仙奴既交易已經發生，不過比起史達寧離開，個人更認為排序上梅迪歷點都應該排先過佢，至起碼前者有英超經驗又打到兩邊，戰術上依然有可用既地方，反而梅迪歷仲需要外借經驗去推動成長，留低喺車路士獲得既上陣時間實在不足以令佢有太多進步空間，甚至可以話經已扼殺左球員既成長期，最終只會高開低走。
最後就到借用費同人工部份，由文章起頭果下話開季及轉會窗尾聲先黎話唔要人，試問又有幾多時間比到史達寧、捷維捷或其他馬利斯卡所講既「棄將」去搵下家？其他球隊都經已埋晒班開埋季，有人肯同你傾都偷笑，而你手又會係揸住幾多籌碼？你會有幾多本錢去同人傾借用費或者人工比例點攤分？最後答案其實都幾明顯。
打到兩邊翼既史達寧被借走，變相右翼就得番馬杜基，左翼就有梅迪歷，尼圖就打到兩邊，至於龐馬、菲歷斯同安宮古都係擅於中路多於邊路既球員，其實一出就點都要有番一入去填補番個位置，辛祖？似乎成事，係既話下篇再講。
文章發表時間 : 31/8/2024 14:30
文章發表時間 : 31/8/2024 14:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/