首爾必去美食市場

一個啊肥每次來首爾必去嘅地方一定要數廣藏市場－광장시장。
廣藏市場有一百年歷史係韓國第一個永久性熟食同乾貨市場。廣藏市場個名由來係因為市場係廣橋（광교）同藏橋（장교）附近。

啊肥最鍾意係廣藏市場食野，入面有大量小食檔同食市，係入面可以食到綠豆煎餅（녹두빈대떡）、伴飯（비빔밥）、年糕（떡볶이）、紫菜包飯（김밥）、魚板串（어묵）、豬腳（족발）等等，因為太多不能盡錄。我建議大家係小食檔食野，因為會有比較多款式。

食飽飽之後，可以行去買手信，係市場入面搵到辣蟹（양념게장）、醬油蟹（간장게장），係市場買醬油蟹都係大約一萬Won一隻，比出面平，老闆重會幫你包得靚靚咁拎返香港。除左食之外，市場有好多老色裁縫店，可以幫你／你個小朋友做返件傳統韓服，而價錢又唔係太高。

廣藏市場位於首爾市中心，係東大門（동대문）、昌慶宮（창경궁）、淸溪川（청계천）等等都可以行到過去。
唔同種類嘅批發事場圍繞著廣藏市場，如果大家有時間，可以用少少時間，可能會有意想不到嘅驚喜！

地址：
首爾鍾路區昌慶宮路88 (禮智洞)
서울특별시 종로구 창경궁로 88 (예지동)

營業時間：
星期一至六
0700－2200

地鐵：
1號線鍾路5街站8號出口
2號線、5號線乙支路4街站4號出口

지은으로부터, 알빈 번역
Written By Jieun, translated By Alvin

記得LIKE 埋我地個FACEBOOK PAGE, 緊貼最新韓國資訊！！！
https://www.facebook.com/bosongstore