英超球隊 A FOR ARSENAL
最後一個附加賽冠軍都誕生，在此恭喜諾域治成為冠軍並連同般尼茅夫及屈福特升上英超。完了附加賽過後，現在總結一下今屆英超20隊簡報，以往有好多人用名次來表達，今次我用英文字行先，是日文章先講A，無錯係阿仙奴。
先行恭喜阿仙奴打破只入第四紀錄，今屆以第三名完成英超賽事(筆者唔明有時阿仙奴支持者心態，因為有朋友向我表示，前四當奪冠，呢個道理⋯⋯ ［只係當事人表示，不代表所有阿仙奴球迷意願］)。今屆成績38場22勝9和7負，對比上屆成續38場24勝7和7負，的確少少退步。但利物浦今季大倒退，愛華頓迷失方向，熱刺同曼聯重整球隊期，間接受惠得以季軍。今季阿仙奴一改收購方式(以往受重建影響，買人量入為出)，一口氣收購迪保治、韋碧克、奧斯賓拿、張伯斯及阿歷薩斯山齊士。明顯地係個別位置上增強競爭力，唯獨有點失望未有係第三中堅位置加入人選。季前友賽筆者前往酋長球場觀看阿仙奴友賽，個別位置有驚喜之作，如青訓貝林連係出任右閘及左閘蒙利爾出任中堅有意外收穫。祖爾甘寶自從經世界盃洗禮後，除上腳外，其他都有進步。耶耶辛洛高令我諗起艾迪巴約(相信阿仙奴球迷恨不得殺死佢)，雖然帶波拖泥帶水，但背向球員拎波，護波係阿仙奴前鋒所需，假以時日，定能比基奧特出色。山齊士來投，前線上運行速度高，加上韋碧克配合隊隊友踢法，即使埋門一腳往往受人批評 ，但值得係阿仙奴穩佔正選。而喜見阿仙奴對下游球隊，起用直接簡單踢法，幫助球隊取得分數。雖然阿仙奴重新步向奪冠之列，但隱憂依然存在。
1.中堅位置：雲加曾經一度接近文奴拉斯，可惜後者最終選擇羅馬。然而雲加依然信任高斯尼及梅迪薩卡，即使世界盃顯出梅迪薩卡問題，雲加依舊對佢不離不棄。但問題一值無解決，哥斯尼小傷患斷續不停，狀態受到一定影響，當其一受傷，要蒙利爾及迪保治移入中路，雖然蒙利爾及迪保治包抄及中路補位屬意外驚喜(前者再任左閘，攻守比以往得心應手)，但遇上高空波時，死穴隨即見到。即使季中買入維拉里爾既巴西中堅保利斯達，除受傷外，亦不見雲加起用，可能適應或比唔到雲加信心，還寄望下季有表現。
2. 防中錯配：艾迪達受傷，法明尼老化比想像中嚴重，雲加不得不用卡蘇拿作為防中之選，對中下游球隊迎刃有餘，但強強對疊突顯強度不足(當然，身旁協助既藍斯及韋舒亞有一定責任)。如韋舒亞擔任防中，又浪費進攻能力，雲加不得不回收查爾頓既高基連。時勢做英雄，高基連提供防中硬度，轉守為攻雖欠火喉，但的確令阿仙奴一眾攻擊手放心進攻。
3.基奧特及奧斯爾： 或者未必有人認同奧斯爾及基奧特係阿仙奴隱憂，今季兩者有長足進步，由其基奧特護球、二傳及頭頂腳踢係阿仙奴重點。而奧斯爾傳送及大局觀係阿仙奴進攻一大元素，助攻能力不容忽視。但兩者屬順風波型，順境波時踢得風生水起，但五五波或逆境波時，兩者就不能有帶起身先士卒，踢落時有感不順及失去信心。相反，山齊士同久遺既禾確特做到呢點。
4.信心危機：並不是球隊信心危機，而係球員。自張伯斯被蒙迪路連爆13下，梅迪薩卡及哥斯尼表現下滑。雲加顯現無呢方面落功夫，連同上列既基奧特及奧斯爾，如果情況無改善，辛達路斯情景，恐怕再一次重現阿仙奴。
最後，阿仙奴來季回歸球員或收購球員，能否幫助球隊，值得期待。亦希望球隊重回冠軍之列。
筆者只以個人觀點評論，不代表所有人意見。
先行恭喜阿仙奴打破只入第四紀錄，今屆以第三名完成英超賽事(筆者唔明有時阿仙奴支持者心態，因為有朋友向我表示，前四當奪冠，呢個道理⋯⋯ ［只係當事人表示，不代表所有阿仙奴球迷意願］)。今屆成績38場22勝9和7負，對比上屆成續38場24勝7和7負，的確少少退步。但利物浦今季大倒退，愛華頓迷失方向，熱刺同曼聯重整球隊期，間接受惠得以季軍。今季阿仙奴一改收購方式(以往受重建影響，買人量入為出)，一口氣收購迪保治、韋碧克、奧斯賓拿、張伯斯及阿歷薩斯山齊士。明顯地係個別位置上增強競爭力，唯獨有點失望未有係第三中堅位置加入人選。季前友賽筆者前往酋長球場觀看阿仙奴友賽，個別位置有驚喜之作，如青訓貝林連係出任右閘及左閘蒙利爾出任中堅有意外收穫。祖爾甘寶自從經世界盃洗禮後，除上腳外，其他都有進步。耶耶辛洛高令我諗起艾迪巴約(相信阿仙奴球迷恨不得殺死佢)，雖然帶波拖泥帶水，但背向球員拎波，護波係阿仙奴前鋒所需，假以時日，定能比基奧特出色。山齊士來投，前線上運行速度高，加上韋碧克配合隊隊友踢法，即使埋門一腳往往受人批評 ，但值得係阿仙奴穩佔正選。而喜見阿仙奴對下游球隊，起用直接簡單踢法，幫助球隊取得分數。雖然阿仙奴重新步向奪冠之列，但隱憂依然存在。
1.中堅位置：雲加曾經一度接近文奴拉斯，可惜後者最終選擇羅馬。然而雲加依然信任高斯尼及梅迪薩卡，即使世界盃顯出梅迪薩卡問題，雲加依舊對佢不離不棄。但問題一值無解決，哥斯尼小傷患斷續不停，狀態受到一定影響，當其一受傷，要蒙利爾及迪保治移入中路，雖然蒙利爾及迪保治包抄及中路補位屬意外驚喜(前者再任左閘，攻守比以往得心應手)，但遇上高空波時，死穴隨即見到。即使季中買入維拉里爾既巴西中堅保利斯達，除受傷外，亦不見雲加起用，可能適應或比唔到雲加信心，還寄望下季有表現。
2. 防中錯配：艾迪達受傷，法明尼老化比想像中嚴重，雲加不得不用卡蘇拿作為防中之選，對中下游球隊迎刃有餘，但強強對疊突顯強度不足(當然，身旁協助既藍斯及韋舒亞有一定責任)。如韋舒亞擔任防中，又浪費進攻能力，雲加不得不回收查爾頓既高基連。時勢做英雄，高基連提供防中硬度，轉守為攻雖欠火喉，但的確令阿仙奴一眾攻擊手放心進攻。
3.基奧特及奧斯爾： 或者未必有人認同奧斯爾及基奧特係阿仙奴隱憂，今季兩者有長足進步，由其基奧特護球、二傳及頭頂腳踢係阿仙奴重點。而奧斯爾傳送及大局觀係阿仙奴進攻一大元素，助攻能力不容忽視。但兩者屬順風波型，順境波時踢得風生水起，但五五波或逆境波時，兩者就不能有帶起身先士卒，踢落時有感不順及失去信心。相反，山齊士同久遺既禾確特做到呢點。
4.信心危機：並不是球隊信心危機，而係球員。自張伯斯被蒙迪路連爆13下，梅迪薩卡及哥斯尼表現下滑。雲加顯現無呢方面落功夫，連同上列既基奧特及奧斯爾，如果情況無改善，辛達路斯情景，恐怕再一次重現阿仙奴。
最後，阿仙奴來季回歸球員或收購球員，能否幫助球隊，值得期待。亦希望球隊重回冠軍之列。
筆者只以個人觀點評論，不代表所有人意見。