曾為C朗美斯隊友，加高難抵近5年5重傷掛靴
講到曾經同C朗及美斯都做過隊友嘅球員，會第一時間諗起戴巴拿、迪馬利亞、希古恩等等阿根廷球員，其中一位近年已淡出主流視線，佢就係阿根廷中場加高（Fernando Gago）。呢位球員雖然未必好有星味，成就亦都唔高，但應該都喺好多球迷心目中留下印象，佢最近因為長年受傷患困擾宣布掛靴。
現年34歲嘅加高，最廣為人知係喺2007年加盟皇家馬德里，並隨隊取得5個西甲冠軍，佢曾經為皇馬上陣121場及為阿根廷國家隊上陣61場，又贏得2008奧運金牌，及於2014年世界盃取得亞軍。加高出道於國內傳統勁旅小保加，吸引到皇馬等豪門嘅注目，並得以一登龍門。佢一度係皇馬中場嘅新星，但最終因為傷患頻繁而高開低走，後來皇馬擁有沙比阿朗素及基迪拉等球員組成中場線，更令佢上陣機會寥寥可數，皇馬生涯最後一年外借到羅馬，2012-13球季轉投華倫西亞短暫效力，就被外借回國，加盟阿根廷球隊沙士菲。去到2013年，加高已經要重返母會小保加，6年間佢都為母會上陣118場聯賽； 不過，據悉佢由2016年夏天至2019年夏天期間3年只上陣過39場，原因係不斷遇上傷患。去年，加高第二度加盟沙士菲，到近日宣布掛靴。
翻查紀錄，加高絕對係「傷追人」。生涯前半段嘅大小傷患尚且不提，佢單係由2015年至今，短短5年之間，已經歷3次阿基里斯腱斷裂、2次十字韌帶斷裂，接近一年一度，合計休養1009日，其中更包括原本有機會入選2018世界盃大軍名單但因傷患而錯過。難怪佢喺退役聲明中表示：「這幾年我也有過困難的時刻，反覆的傷病影響了我，但同時它們也教會了我，讓我成為了今天的我。現在我發現自己的身體沒有問題，我已經達到了我想要的目標，這也是我決定退役的原因。」
加高又話：「我想告訴大家，我已經作出了結束職業足球員生涯的決定，在踢了15年球之後，我完全平靜而滿足地選擇了這條道路。正如大家所知道的那樣，我經歷了一些夢幻般的時刻，我享受了我小時候做夢都無法想像的職業生涯。
……
我很高興能在這一刻，通過自己的決定，以我的方式離開足球。特別感謝我所有的隊友，他們是足球給予我最美好的東西。我很幸運地不僅遇到了偉大的球員，而且也遇到了優秀的人。足球是我的激情所在，它將永遠延續下去。」
現年34歲嘅加高，最廣為人知係喺2007年加盟皇家馬德里，並隨隊取得5個西甲冠軍，佢曾經為皇馬上陣121場及為阿根廷國家隊上陣61場，又贏得2008奧運金牌，及於2014年世界盃取得亞軍。加高出道於國內傳統勁旅小保加，吸引到皇馬等豪門嘅注目，並得以一登龍門。佢一度係皇馬中場嘅新星，但最終因為傷患頻繁而高開低走，後來皇馬擁有沙比阿朗素及基迪拉等球員組成中場線，更令佢上陣機會寥寥可數，皇馬生涯最後一年外借到羅馬，2012-13球季轉投華倫西亞短暫效力，就被外借回國，加盟阿根廷球隊沙士菲。去到2013年，加高已經要重返母會小保加，6年間佢都為母會上陣118場聯賽； 不過，據悉佢由2016年夏天至2019年夏天期間3年只上陣過39場，原因係不斷遇上傷患。去年，加高第二度加盟沙士菲，到近日宣布掛靴。
翻查紀錄，加高絕對係「傷追人」。生涯前半段嘅大小傷患尚且不提，佢單係由2015年至今，短短5年之間，已經歷3次阿基里斯腱斷裂、2次十字韌帶斷裂，接近一年一度，合計休養1009日，其中更包括原本有機會入選2018世界盃大軍名單但因傷患而錯過。難怪佢喺退役聲明中表示：「這幾年我也有過困難的時刻，反覆的傷病影響了我，但同時它們也教會了我，讓我成為了今天的我。現在我發現自己的身體沒有問題，我已經達到了我想要的目標，這也是我決定退役的原因。」
加高又話：「我想告訴大家，我已經作出了結束職業足球員生涯的決定，在踢了15年球之後，我完全平靜而滿足地選擇了這條道路。正如大家所知道的那樣，我經歷了一些夢幻般的時刻，我享受了我小時候做夢都無法想像的職業生涯。
……
我很高興能在這一刻，通過自己的決定，以我的方式離開足球。特別感謝我所有的隊友，他們是足球給予我最美好的東西。我很幸運地不僅遇到了偉大的球員，而且也遇到了優秀的人。足球是我的激情所在，它將永遠延續下去。」