嬲嬲唔係unlike button
facebook終於推出like之外既reaction。香港版分別叫「讚好」、「勁正」、「哈哈」、「嘩」、「慘慘」及「嬲嬲」（點解唔係好好，正正同嘩嘩？）。
其實睇番facebook既做法，今次并唔係出啲同like相對的情感符號，只係將like分拆。因為你要先click入讚好個度，至有六個選擇。而且基本上係唔比你unlike。
呢個改動一推出，大家都即刻將「嬲嬲」當係unlike咁玩。
但係柳臣可以肯定facebook絕對唔係咁解讀。因為不論你俾「勁正」，「哈哈」定係「嬲嬲」。最後都只會統合成一個數字係左下角（亦即係以往既like數）而且唔理你like又好「嬲嬲」又好，推post既功效係一致。所以相信推出當日大家都不斷被689洗版，宣傳效果同like係完全冇分別。
當然，你可以話符號既所指係大家約定俗成架姐！只要香港人一致認為「嬲嬲」係unlike，咁咪照當unlike玩囉！
或者我地應該反問，unlike到底有幾大獲呢？點解facebook死都唔出unlike呢？
呢個明顯唔係技術問題，六個reaction都出得，無可能加唔到一個unlike。所以呢個只會係一個策略考慮。
facebook之所以一直咁多人玩，就係因為「隱惡揚善」。無論你post一張自拍，一句廢話，定長篇大論寫文。
最輕易得到既就係一個意義含糊不清既「like」，而呢個like好可能只係代表左「已閱」，但facebook偏偏將佢叫做like。等出post者可以理所當然咁將佢變成一個正面既「認同／靚相／好笑／支持／講得好／岩啊！」，任用家如何解讀，佢都係十分正面。當然facebook上依然可以留言反對，但其成本比起就咁俾like高好多，所以會造成like係facebook 用戶主要收到既reaction。我地平時睇post都係只會like自己鐘意既野，唔鐘意可能只係直接忽略唔理。
一旦出現unlike，就會打破左呢個情況。當人可以好輕易咁比到負面reaction，可以想像到時unlike同like就會變成一個比較。如果用戶出親post都係unlike多過like，好自然出post既意欲就會慢慢降低。咁facebook就會冇而家咁活躍。facebook當然唔想見到呢個情況發生，所以可以估計unlike係冇咩可能出現。
反觀番今次由like變六個reaction，柳臣認為都係非常唔人性化既改動。
正如上文所講，like就係因為輕鬆，便捷，唔洗思考。而家多咗五個選擇，真係玩死柳臣呢啲有選擇困難症既人。科技發展就係令人更便利，更懶，更唔洗思考，起碼結果而言係咁。like當初就係食正人懶呢一點，而家一拆六反而麻煩咗。
「讚好定勁正？哈哈定嘩？妖！我都係比番like算。」
如果我真係咁有心得，要分到咁仔細，我點解唔直接留言呢？所以最後好有可能大家都只會繼續用番like。
其實睇番facebook既做法，今次并唔係出啲同like相對的情感符號，只係將like分拆。因為你要先click入讚好個度，至有六個選擇。而且基本上係唔比你unlike。
呢個改動一推出，大家都即刻將「嬲嬲」當係unlike咁玩。
但係柳臣可以肯定facebook絕對唔係咁解讀。因為不論你俾「勁正」，「哈哈」定係「嬲嬲」。最後都只會統合成一個數字係左下角（亦即係以往既like數）而且唔理你like又好「嬲嬲」又好，推post既功效係一致。所以相信推出當日大家都不斷被689洗版，宣傳效果同like係完全冇分別。
當然，你可以話符號既所指係大家約定俗成架姐！只要香港人一致認為「嬲嬲」係unlike，咁咪照當unlike玩囉！
或者我地應該反問，unlike到底有幾大獲呢？點解facebook死都唔出unlike呢？
呢個明顯唔係技術問題，六個reaction都出得，無可能加唔到一個unlike。所以呢個只會係一個策略考慮。
facebook之所以一直咁多人玩，就係因為「隱惡揚善」。無論你post一張自拍，一句廢話，定長篇大論寫文。
最輕易得到既就係一個意義含糊不清既「like」，而呢個like好可能只係代表左「已閱」，但facebook偏偏將佢叫做like。等出post者可以理所當然咁將佢變成一個正面既「認同／靚相／好笑／支持／講得好／岩啊！」，任用家如何解讀，佢都係十分正面。當然facebook上依然可以留言反對，但其成本比起就咁俾like高好多，所以會造成like係facebook 用戶主要收到既reaction。我地平時睇post都係只會like自己鐘意既野，唔鐘意可能只係直接忽略唔理。
一旦出現unlike，就會打破左呢個情況。當人可以好輕易咁比到負面reaction，可以想像到時unlike同like就會變成一個比較。如果用戶出親post都係unlike多過like，好自然出post既意欲就會慢慢降低。咁facebook就會冇而家咁活躍。facebook當然唔想見到呢個情況發生，所以可以估計unlike係冇咩可能出現。
反觀番今次由like變六個reaction，柳臣認為都係非常唔人性化既改動。
正如上文所講，like就係因為輕鬆，便捷，唔洗思考。而家多咗五個選擇，真係玩死柳臣呢啲有選擇困難症既人。科技發展就係令人更便利，更懶，更唔洗思考，起碼結果而言係咁。like當初就係食正人懶呢一點，而家一拆六反而麻煩咗。
「讚好定勁正？哈哈定嘩？妖！我都係比番like算。」
如果我真係咁有心得，要分到咁仔細，我點解唔直接留言呢？所以最後好有可能大家都只會繼續用番like。