用電視台既標準去評論毛記，佢已經贏凸
１００毛一月搞分獎典禮，跌爆全世界眼鏡，覺得毛記係一個香港奇蹟。
低成本，高品質。大家都將１００毛推到上神枱，仿佛毛記真係同無線打對台咁。
實情梗係唔係啦！個班放棄無線既人，唔睇毛記都唔會番去睇TVB架啦。
佢地當初轉睇毛記唔係因為毛記有大製作，卡士，有完美既設備．．．．．．
要比大製作，要比成本投入邊個可以做得更好，毛記連無線十分一都做唔到啦！
所以用毛記台慶上既各種甩轆，出錯去推斷毛記會沒落，其實係將毛記放在係電視台比較的擂台之上。情況就好似用重量級既比賽標準去話一個輕量級選手拳頭唔夠力咁。當你會用電視台既秤去量度佢，毛記已經賺咗。
支咪有事啊，字幕打唔好啊。呢啲野擺係大電視台當然唔可以接受啦！
但用番網台既比較標準，佢既多元化同貼地依然係超曬班。睇番今次台慶每個post既like數同留言，其實一啲都唔差，仲未計電視直播既收視。
一個植根網絡既娛樂平台，走進舞台。近年比較類似既就只有熱血時報既熱血劇場。而明顯毛記台慶得到既回響比熱血劇場大好多倍。
再次證明毛記能用蔗渣嘅價錢，做出比蔗渣好少少嘅味道。而香港人係冇本地娛樂既情況下，比蔗渣好少少嘅味道就已經能夠得到大部份香港人既支持。
個種小本，以小博大，有錯漏從中執生，粗糙得黎又有誠意，剛好正中香港人好鐘意睇既野。比起完美而公式化既大台制作，毛記有排都去唔到悶呢個層次。
而個show完咗唔夠一個鐘，已經見到毛言地，史健仁等一班先知趕住出黎唱淡。
佢地話毛記開始悶啦。踩爆係網上精神。觀眾永遠是苛刻的，而網上的生態更是如此。
最令人無法理解既係，佢地講毛記會沒落，就好似講緊做咗四十幾年既ＴＶＢ正在沒落咁。而毛記明明只係一個新平台。
佢地忽略咗香港人對「香港娛樂」既需求之大，以及毛記呢幾年做落黎既毛記fans忠誠度。
呢個時候唱淡毛記實在係欠缺太多實在既理據。
佢地睇少咗毛記除左創新之外既周邊marketing，包括賣產品，造星，毛記不斷係度塑造緊一種「毛記品味」。
由品味慢慢建立出忠誠度，又或者我地經常掛係口邊既慣性收視既威力。呢啲都係除咗「新奇得意」之外，讓毛記可以繼續在香港娛樂市場經營下去的良好條件。
當網上已經開始用一套電視台既標準去評論毛記，正正可見毛記做得幾好，幾咁深入民心。
毛記唔係好好，但毛記成功令到人鐘意佢地「唔係好好」。其實第一個show出台既時候，咪一樣有人話低級笑話話on居？
毛記誠實同你講，佢就係要搞個hea show，唔會好好笑，但少少好笑，唔會取代電視，但係一個唔算電視既平台，俾少少娛樂香港人。
毛記由創立第一日就戴曬頭盔，話你聽「唔係好好」，而香港人亦都一早知佢「唔係好好」，但一直支持咗一年。
無論佢之後會唔會真係踏上電視呢個平台，無可否認，當而家有人開始用電視台既標準去評論毛記，佢已經贏凸。
低成本，高品質。大家都將１００毛推到上神枱，仿佛毛記真係同無線打對台咁。
實情梗係唔係啦！個班放棄無線既人，唔睇毛記都唔會番去睇TVB架啦。
佢地當初轉睇毛記唔係因為毛記有大製作，卡士，有完美既設備．．．．．．
要比大製作，要比成本投入邊個可以做得更好，毛記連無線十分一都做唔到啦！
所以用毛記台慶上既各種甩轆，出錯去推斷毛記會沒落，其實係將毛記放在係電視台比較的擂台之上。情況就好似用重量級既比賽標準去話一個輕量級選手拳頭唔夠力咁。當你會用電視台既秤去量度佢，毛記已經賺咗。
支咪有事啊，字幕打唔好啊。呢啲野擺係大電視台當然唔可以接受啦！
但用番網台既比較標準，佢既多元化同貼地依然係超曬班。睇番今次台慶每個post既like數同留言，其實一啲都唔差，仲未計電視直播既收視。
一個植根網絡既娛樂平台，走進舞台。近年比較類似既就只有熱血時報既熱血劇場。而明顯毛記台慶得到既回響比熱血劇場大好多倍。
再次證明毛記能用蔗渣嘅價錢，做出比蔗渣好少少嘅味道。而香港人係冇本地娛樂既情況下，比蔗渣好少少嘅味道就已經能夠得到大部份香港人既支持。
個種小本，以小博大，有錯漏從中執生，粗糙得黎又有誠意，剛好正中香港人好鐘意睇既野。比起完美而公式化既大台制作，毛記有排都去唔到悶呢個層次。
而個show完咗唔夠一個鐘，已經見到毛言地，史健仁等一班先知趕住出黎唱淡。
佢地話毛記開始悶啦。踩爆係網上精神。觀眾永遠是苛刻的，而網上的生態更是如此。
最令人無法理解既係，佢地講毛記會沒落，就好似講緊做咗四十幾年既ＴＶＢ正在沒落咁。而毛記明明只係一個新平台。
佢地忽略咗香港人對「香港娛樂」既需求之大，以及毛記呢幾年做落黎既毛記fans忠誠度。
呢個時候唱淡毛記實在係欠缺太多實在既理據。
佢地睇少咗毛記除左創新之外既周邊marketing，包括賣產品，造星，毛記不斷係度塑造緊一種「毛記品味」。
由品味慢慢建立出忠誠度，又或者我地經常掛係口邊既慣性收視既威力。呢啲都係除咗「新奇得意」之外，讓毛記可以繼續在香港娛樂市場經營下去的良好條件。
當網上已經開始用一套電視台既標準去評論毛記，正正可見毛記做得幾好，幾咁深入民心。
毛記唔係好好，但毛記成功令到人鐘意佢地「唔係好好」。其實第一個show出台既時候，咪一樣有人話低級笑話話on居？
毛記誠實同你講，佢就係要搞個hea show，唔會好好笑，但少少好笑，唔會取代電視，但係一個唔算電視既平台，俾少少娛樂香港人。
毛記由創立第一日就戴曬頭盔，話你聽「唔係好好」，而香港人亦都一早知佢「唔係好好」，但一直支持咗一年。
無論佢之後會唔會真係踏上電視呢個平台，無可否認，當而家有人開始用電視台既標準去評論毛記，佢已經贏凸。