有種道歉，叫「對唔治囉。」

人少不免會做錯事，所謂錯就要認，打就企定。
真誠地向人道歉，永遠最容易得到對方願諒。
但偏偏有種人道歉既時候，不情不願。
連認衰既勇氣都冇，死雞撐飯蓋，到真係逼不得已既地步，佢就會一副大發慈悲既模樣話：「對唔治囉！」、「sor囉！」
sorry同道唔住就係道歉，對唔治囉就唔係。
「對唔治囉！」既意思其實係「對唔治囉！我都紆尊降貴道左歉啦！你仲想點姐！」
道歉最忌不情不願，毫無誠意。
唔敢為自己犯下既過錯而道歉既人，一係自大過人，認為自己高高在上，唔需要向其他人道歉；一係無法認知到自己犯錯，永遠以為自己岩，人地錯，就算道歉都只係自己運氣唔好，為勢在逼。
鐘意講「對唔治囉。」既人係道歉時永遠諸多廢話去包裝自己既錯誤，講到自己犯錯有一百個非犯不可的理由咁。
簡單對唔住三個字，都要打篇千字文去解釋。
不論係June Leung的「資料來源都是Oscar Ma，我只是無知被騙。」論，或是香港眾志的「對唔治囉」。
都是假裝道歉，底裡擺著一副「干我屁事」的嘴臉。

要是不想道歉，打從心底認為自己無錯，咁就乾脆打死唔認。
認錯都仲要諸多辯解，趺落地都仲要執番揸沙，難免令人生厭。