【「做到最好」，係一個大話。】

好多人會以未準備好做藉口，「等我寫好啲，我就出書！」、「等我要跑快啲，我就去參加習訓！」總括而言，就係「等我有咁既能力，就去做咁既工作」既心態。
量力而為當然有好既品格，卻唔係一個想進步既人應有既心態。
　
以寫作為例，我身邊識唔少想寫野既人，但係佢地從來都唔會嘗試去投稿。理由一萬堆，但最後都不外乎呢四個字：「逃避市場」。因為佢地知道市場係殘酷既，於是佢地有種錯覺諗住自己愈遲踏入市場，就可以做愈多既準備，令到自己做到最好先以皇者駕臨既姿態走入市場接受歡呼聲。　
但其實真係有進步既人剛剛相反，佢地永遠把握每一個上場比賽既機會，唔會驚輸。如果兩個資質一樣既人，愈早投入市場實戰個個，進步絕對比閉門造車既人快。
市場上係最好既環境被一個人係實戰中了解自己有咩優缺點，而且絕對客觀，係市場上，你只有急速進步，或者退場兩種選擇。於是乎，可以話留得低係市場上既人，都係「最好」既人。汰弱留強，就係咁簡單。
　
所以如果你想進步，唔係等到你有咁既能力，你先上戰場。跑得先上場跑，進步總係有限。而係應該先上戰場，係高壓之中活下來，你自然就會變好變強。
　
至於活唔落黎既？證明你無呢方面既才能，唔適合係度生存，你應該去其他方面發展。
＝＝＝＝＝＝＝＝＝＝＝＝＝＝＝＝＝＝＝＝＝
喜歡的話不要忘了到柳臣fb page給個like支持一下！