沒有人認識你，就沒有人討厭你。
上一篇文先話「做你自己」唔等於好（未睇〈識寫小品文一定識寫小說，識寫小說未必識寫小品文。〉既推薦你先睇吓），今日又講吓「唔做自己」又有咩問題。
有作者岩岩開始寫作時，無辦法接受「有讀者討厭自己」呢件事。
因為佢以前寫文從來都唔需要接受批評，但係當作者公開寫文，就或多或少會有人討厭同批評你。
柳臣見唔少心理質素唔夠硬既作者，會有兩種反應，一開始係質疑係咪自己做得唔夠好，繼而甚至會縮番入自己個溫室入面，去番「寫自己喜歡寫的，寫給自己愛看就算，不理會有沒有人看。」個個「做自己」既狀態。
但如果你心水清，你就知道其實唔係憎你既人多咗，只不過你以前冇人識，冇人識你，自然冇咁多人批評你。
有一百個人睇你既文，有十幾個人唔鐘意你有幾出奇？再加上九十個鐘意你既人，可能只有一兩個會留言話鐘意你，相反唔鐘意你既人，就會好樂意留個言去批評你。
身為作者，柳臣都明白有人話自己寫得垃圾，當然會唔開心。
但係你可以視為係你「被討厭的權利」，個個留言鬧你既人，無論佢講咩都唔會有人批評同討厭佢，因為根本冇人識佢。
佢就只可以黎你呢個會被睇到既平台享受「討你討厭」的福利。
所以你大可以俾自己一個比例去接納呢啲批評者，打個比如當我一篇文有一萬人睇，我容許有一千人唔鐘意呢篇文。
如果多過一千人唔鐘意，我再反省自己篇文有咩寫得唔好。否則，呢個世界只有一成人唔鐘意我，有咩咁值得我重視呢？再具體啲如果你真係好在意啲留言既，同樣可以比一個比例佢，十個？二十個？
無論你做得幾好，愈多人認識你，就愈多人討厭你。呢個係公開寫野無法避免，必須要背負既重量。好多時討厭你既人既比例其實好低，只係我地主觀放大咗個一兩個人。
你真係咁害怕批評的話，記住一句話：沒有人認識你，就沒有人批評你。
唔通你為咗唔被人討厭，就「唔做自己」咩？
總結兩篇文：寫小品文要做得「好」，但看待留言既時候就要做「自己」。
好似精神分裂咁，但係講到底個分別只係因為文章係俾讀者睇，而留言係俾自己睇。自己睇既野，自己開心就好。
要柳臣好誠實咁講，我甚至熱愛每個留言鬧我既讀者，因為每當我見到一個讀者留言批評我，我都會即刻將佢倍大一百倍，繼續諗：「正！又多一百個人睇到我篇文！呢個就係我公開寫作既原因！因為我想多啲人睇到！」
有作者岩岩開始寫作時，無辦法接受「有讀者討厭自己」呢件事。
因為佢以前寫文從來都唔需要接受批評，但係當作者公開寫文，就或多或少會有人討厭同批評你。
柳臣見唔少心理質素唔夠硬既作者，會有兩種反應，一開始係質疑係咪自己做得唔夠好，繼而甚至會縮番入自己個溫室入面，去番「寫自己喜歡寫的，寫給自己愛看就算，不理會有沒有人看。」個個「做自己」既狀態。
但如果你心水清，你就知道其實唔係憎你既人多咗，只不過你以前冇人識，冇人識你，自然冇咁多人批評你。
有一百個人睇你既文，有十幾個人唔鐘意你有幾出奇？再加上九十個鐘意你既人，可能只有一兩個會留言話鐘意你，相反唔鐘意你既人，就會好樂意留個言去批評你。
身為作者，柳臣都明白有人話自己寫得垃圾，當然會唔開心。
但係你可以視為係你「被討厭的權利」，個個留言鬧你既人，無論佢講咩都唔會有人批評同討厭佢，因為根本冇人識佢。
佢就只可以黎你呢個會被睇到既平台享受「討你討厭」的福利。
所以你大可以俾自己一個比例去接納呢啲批評者，打個比如當我一篇文有一萬人睇，我容許有一千人唔鐘意呢篇文。
如果多過一千人唔鐘意，我再反省自己篇文有咩寫得唔好。否則，呢個世界只有一成人唔鐘意我，有咩咁值得我重視呢？再具體啲如果你真係好在意啲留言既，同樣可以比一個比例佢，十個？二十個？
無論你做得幾好，愈多人認識你，就愈多人討厭你。呢個係公開寫野無法避免，必須要背負既重量。好多時討厭你既人既比例其實好低，只係我地主觀放大咗個一兩個人。
你真係咁害怕批評的話，記住一句話：沒有人認識你，就沒有人批評你。
唔通你為咗唔被人討厭，就「唔做自己」咩？
總結兩篇文：寫小品文要做得「好」，但看待留言既時候就要做「自己」。
好似精神分裂咁，但係講到底個分別只係因為文章係俾讀者睇，而留言係俾自己睇。自己睇既野，自己開心就好。
要柳臣好誠實咁講，我甚至熱愛每個留言鬧我既讀者，因為每當我見到一個讀者留言批評我，我都會即刻將佢倍大一百倍，繼續諗：「正！又多一百個人睇到我篇文！呢個就係我公開寫作既原因！因為我想多啲人睇到！」