得閒先寫，唔係作者
今日大年初二，首先同大家拜個年先，祝大家身體健康，萬事如意！
網文最特殊既地方係，佢主靠讀者既點擊。冇讀者睇到，你寫到邊文識飛都冇用。
咁幾時寫文最好呢？就完全係視乎幾時最多人睇文。比如我地呢啲主要掛係fb到曝光既作者，就好明顯讀者都係悶先會睇fb。
得閒睇吓fb打發時間，所以但凡大時大節，情人節、新年呢啲日子都特別多人無所事事。
如果呢啲日子你肯寫既話，多數都會比平時接觸到更多讀者，而且食住節日個勢，只要你寫既內容同節日有關，一般而言share同留言都會多啲。但係新年又係咪好多人寫文呢？柳臣睇番又唔覺。
因為人之常情，放緊假邊個想做野，作者都唔例外。再加上fb上既作者好多啲都唔係好認真看待寫文，只係當係一種興趣，甚至消閒。
所以好多作者都係得閒先寫，靈感到先寫。以至於香港fb既文章讀者都冇一種慣性。你唔知幾時寫，佢又點知幾時睇呢？於是佢唔會當睇你寫文係一種生活習慣，所以點解佢好多作者都只會紅文唔紅人。
你唔長期穩定咁出現，你唔係佢悶既時候出現，佢鬼記得你咩。
講真如果一個作者岩岩開始，我都會建議佢地與其去提升文章既質素，不如將心機先放係量上面。
唔係話質素可以差，但只要質素「不過不失」（柳臣見好多作者其實最大問題都唔係出係文筆度），就要考慮量既問題。
無可否認呢種生態唔健康，但係作者必須要認清現實，係而家呢個每日都咁大量既文章海入面，你唔去到一定既數量，讀者根本唔會對你有印象。以前可能每日報紙專欄各樣平台加加埋埋一日得一千篇文產生，但係而家，每分鐘都有一千篇新既文拋出市場，同你佔有同一席位，每日淨係中文字，可能有十幾萬篇文。係咁既時候，你想靠寫好啲，得閒先寫黎吸引讀者已經行唔通。
TVB最成功既地方就係，無論新年定係清明，只要你打開電視，你就有畫面睇。
人有好懶同好願意沉迷一樣野。只要你識利用呢一點，你都可以係一間TVB，吸引每日八點一定會打開fb睇你寫「愛回家」既讀者。
所以今年新年，柳臣好堅持17號就算係大年初二，都一定唔可以脫期，點都要照常出街。
新年就係大家最悶既時候，你點都會開啲野黎睇。你初二唔出，啲人都係走去睇番阿姐唱歌，睇重播最愛EYT同嚦咕嚦咕新年財。
你唔做，就將啲讀者送咗俾其他做既作者。雖然過完新年先出實係輕鬆啲，但係到時需要睇既人就會少好多。
我地已經一個月得一期月刊，日子一定要咬得好緊。
所以小心輕看成個團體通宵達旦，做到大年初一都仲趕緊，就係為咗初二17號點都要出到新一期月刊。
呢個咁痴線既要求，全靠每個團隊成員痴線咁體諒咁勤力先完成到。而且為咗push大家出好啲稿俾我，我知道佢地承受咗好大既壓力，主要係黎自我催佢地既同時仲喪改佢地稿，改到好幾位成員都俾我迫到發曬老脾。講到最後我寫呢篇文其實係想讚吓我既團隊，輕看班人痴線架！痴線咁認真、痴線咁搏命、痴線咁相信我。
新一年希望小心輕看可以一帆風順。
網文最特殊既地方係，佢主靠讀者既點擊。冇讀者睇到，你寫到邊文識飛都冇用。
咁幾時寫文最好呢？就完全係視乎幾時最多人睇文。比如我地呢啲主要掛係fb到曝光既作者，就好明顯讀者都係悶先會睇fb。
得閒睇吓fb打發時間，所以但凡大時大節，情人節、新年呢啲日子都特別多人無所事事。
如果呢啲日子你肯寫既話，多數都會比平時接觸到更多讀者，而且食住節日個勢，只要你寫既內容同節日有關，一般而言share同留言都會多啲。但係新年又係咪好多人寫文呢？柳臣睇番又唔覺。
因為人之常情，放緊假邊個想做野，作者都唔例外。再加上fb上既作者好多啲都唔係好認真看待寫文，只係當係一種興趣，甚至消閒。
所以好多作者都係得閒先寫，靈感到先寫。以至於香港fb既文章讀者都冇一種慣性。你唔知幾時寫，佢又點知幾時睇呢？於是佢唔會當睇你寫文係一種生活習慣，所以點解佢好多作者都只會紅文唔紅人。
你唔長期穩定咁出現，你唔係佢悶既時候出現，佢鬼記得你咩。
講真如果一個作者岩岩開始，我都會建議佢地與其去提升文章既質素，不如將心機先放係量上面。
唔係話質素可以差，但只要質素「不過不失」（柳臣見好多作者其實最大問題都唔係出係文筆度），就要考慮量既問題。
無可否認呢種生態唔健康，但係作者必須要認清現實，係而家呢個每日都咁大量既文章海入面，你唔去到一定既數量，讀者根本唔會對你有印象。以前可能每日報紙專欄各樣平台加加埋埋一日得一千篇文產生，但係而家，每分鐘都有一千篇新既文拋出市場，同你佔有同一席位，每日淨係中文字，可能有十幾萬篇文。係咁既時候，你想靠寫好啲，得閒先寫黎吸引讀者已經行唔通。
TVB最成功既地方就係，無論新年定係清明，只要你打開電視，你就有畫面睇。
人有好懶同好願意沉迷一樣野。只要你識利用呢一點，你都可以係一間TVB，吸引每日八點一定會打開fb睇你寫「愛回家」既讀者。
所以今年新年，柳臣好堅持17號就算係大年初二，都一定唔可以脫期，點都要照常出街。
新年就係大家最悶既時候，你點都會開啲野黎睇。你初二唔出，啲人都係走去睇番阿姐唱歌，睇重播最愛EYT同嚦咕嚦咕新年財。
你唔做，就將啲讀者送咗俾其他做既作者。雖然過完新年先出實係輕鬆啲，但係到時需要睇既人就會少好多。
我地已經一個月得一期月刊，日子一定要咬得好緊。
所以小心輕看成個團體通宵達旦，做到大年初一都仲趕緊，就係為咗初二17號點都要出到新一期月刊。
呢個咁痴線既要求，全靠每個團隊成員痴線咁體諒咁勤力先完成到。而且為咗push大家出好啲稿俾我，我知道佢地承受咗好大既壓力，主要係黎自我催佢地既同時仲喪改佢地稿，改到好幾位成員都俾我迫到發曬老脾。講到最後我寫呢篇文其實係想讚吓我既團隊，輕看班人痴線架！痴線咁認真、痴線咁搏命、痴線咁相信我。
新一年希望小心輕看可以一帆風順。