聞所未聞！史上最悲慘嘅的角球旗......

上周六西甲貝迪斯對皇家蘇斯達嘅賽事認真奇情，先有電力故障，整咗一大輪，搞到場波延遲咗17分鐘開波；後有以下呢一幕：踢爆波都聽過吓，但開角球踢斷角球旗你又聽過未？貝迪斯嘅桑卡路士佩雷斯有次開角球，擺定個波，但佢一腳竟然踢咗落支角球旗度，支旗即刻斷咗！最後，貝迪斯靠保拿奧同魯賓卡斯度嘅入波，主場贏2:0。