Soulmate是……看見又欣賞你獨特之處的人

「其實佢係個好簡單嘅人，又唔使點氹，乜都無所謂。」「are you serious？佢先麻煩呀。人地可能收到花呀禮物呀已經好開心。佢要soulmate喎。」

是的，「佢」即係我。
朋友正在討論我。

很久以前，朋友曾問：「你可唔可以接受另一半聽唔明你講野？或者對你鍾意嘅野無興趣？又或者你地無乜共鳴？」
當時被愛滿滿包圍的我微笑回答：「可以呀。盡量溝通囉，只要大家相愛，就算思想唔一樣，應該都無問題嘅。咁呢個世界唔會有人同自己完全一樣架嘛。」
「咁你唔會覺得寂寞咩？」
「就算好啱傾又唔等於適合一齊。真係遇到……就做朋友囉。做朋友先可以Keep得耐嘛。」

關於soulmate，我一直覺得是人類由於無法滿足慾望而衍生出來的傳說。我不相信soulmate。
不相信那種「就係佢喇！」，不相信那種「我一直就係等緊你」，不相信那種「我知道命運始終會令我地相遇」的感覺。

我不相信。
我覺得好老土，我會覺得那都是自我陶醉的幻象（即係FF）。

兩個人再夾，相處久了，肯肯定會日漸發現彼此的距離。
到頭來，我們會發現最明白你的也只有你自己。
所以，我一直沒有認真處理過soulmate這個問題──直至愛佈滿了孤單與傷害，我才意識到或者，我們無謂再欺騙自己，以為愛足以勝過一切。

Soulmate 靈魂伴侶，不是要符合你ABCDEFG的情人條件，也不是要和你100%相似或和你持相同意見的人。
Soulmate是你們活在同一個世界，不需要額外花費唇舌解釋你覺得理所當然的事情。
當所有人都覺得你古怪或者平凡，Soulmate卻能領略你的獨特。
Soulmate打從心底欣賞你的「獨特」，而不是用愛努力包容。

Soulmate是讓你一直忍不住在腦內頻頻發出OS「我明我明」的存在，Soulmate是讓你因為被了解而忍不住熱淚盈眶的存在。
「我係個好大眾嘅女仔。」
「不過喺我心目中係好小眾。」

或者我們一生在尋找的，不過是一個看見又欣賞我們獨特之處的人，而世人稱其為soulmate 靈魂伴侶。

同場加映：
https://hkstylemen.yahoo.com/post/152679681471/是日噏day點先算靈魂伴侶