純用家分享美容護膚系列：肌美精與Mandom Barrier Repair面膜

話說早排消委會又做了個造福眾人嘅測試-----面膜測試。結果又一如以往，再次帶出價錢同品質唔一定成正比。
最後結果係以上七款面膜脫穎而出。

右下角嘅肌美精我用過，當時咁啱去日本，
唔知頭唔知路見佢係暢銷產品就買返黎試。
不過我覺得佢有浸味幾難聞，用完效果都一般般，

反而同一品牌，呢隻超浸透3D就真係唔錯。
我買左粉紅色同藍色，
美唔美白到就唔知，不過敷完第二日塊面都覺得仲好保濕就真嘅!

由於鍾意試唔同野，後來又買左Mandom Barrier Repair呢隻masks。
呢隻BB系列產品，我有個朋友好鍾意，成日推薦我用。
但個人覺得佢嘅化妝水同Cream都偏向潤，對我呢啲油性皮膚嘅人就heavy左啲。
佢隻masks反而無呢個問題，用完感覺都唔錯~
又係第二日都覺得皮膚狀態唔錯。
我就一樣買左粉紅同粉藍色。
然後佢有種好似糯米糍嗰種粉嘅味，我自己幾鍾意XD

有網友話森田藥妝嘅masks都唔錯~等我下次用完再同大家分享 : D