情侶劇場一：疲倦
放工。
兩個疲倦的身軀。飯桌之前。
她笑意盈盈。
他放空自己。
「今日個同事好好，請我食嘢！」她興奮地說。
「哦。」他望著茶記的電視。
「不過呀邊個又激親大佬，我地喺隔離滴哂冷汗。」她又說。
「嗯？係呀。」他還是在看那爛透了的電視劇。
「喂喂喂？anybody home?」她笑笑。
「哈。係係係。」他望一望她，目光再度落在她背後的電視。
各自默默地吃著飯。
「你可唔可以留心喺我身上？」她忍不住黑面。
靜默。
「我放工已經好攰架喇……」他皺著眉有氣無力地說。
「我放工已經好攰架喇……」你唔好再要我氹你得唔得？
「我放工已經好攰架喇……」你唔好再咁無理取鬧得唔得？
「我放工已經好攰架喇……」你唔好再要我花精神得唔得？
無數個答案浮現在她的腦海──
都是不好的。
所以，對於他來說，和她相處就是一種應付，是花費力氣的事情嗎？
她覺得受傷，有點委屈，有點想哭。
她想說，她放工也很累。
再輕鬆的工作，還是會揸乾一個人的精力呀。
她只是單純的，因為看見他而覺得高興。
不是自己本來就精神滿滿。
也不是因為自己很喜歡說話。
難道他不再因為見到她而快樂了嗎？
我真係好撚攰，只想單純放空自己。
雖然如此疲憊，但我還是想見到她呀。
這樣還不夠嗎？他想。
默不作聲。
他夾走她碗中的肥肉。
「做咩呀？」
「你唔食肥肉架嘛，會反胃架嘛。」
她笑了。
他把肥肉都夾到自己的碗上。
日常令人疲倦，愛有時甚至充滿稜角，
但真正的愛去到最後都是柔和而溫暖的。
只是需要時間。
需要時間去體會，也需要時間給予對方展露。