情侶劇場二：結束愛情長跑
七年。
少男少女長成了肩寬的男人和嫵媚的女人。
燭光之下，美食在前，
悠揚音樂飄散一室。
「今日係我地七周年紀念日，cheers。」他拿起杯。
「Cheers。」她笑。
他平日是個節儉的人，最愛豆腐火腩飯。
眼前的他卻穿起了西裝，預訂了這簡單而別緻的西餐廳，還叮囑她要化妝，穿得漂亮一點。
她知道今天會是個特別的日子。
「我地已經一齊左七年，我諗都係時候步入下一個階段。你……」他還未說完，她已忍不住皺眉。
「你意思係，我地一齊左好耐，所以係時候結婚？」
她的聲音有點顫抖。
「係呀。」他不解地回答。
沒有回音。
那一夜，誰也沒有再說甚麼。
她哀傷而嬲怒；他無奈也微溫。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
「女仔好棹忌咩時間到呀、差唔多時候呢啲。如果你同我結婚，應該係因為你覺得同我一齊好滿足好幸福希望生命以後都有我之類。絕對唔應該係時間差唔多喇，我地結啦。好似食完主菜喇，咁就食甜品啦。唔應該係咁！」
「咁其實即係你地想搵個口才好嘅男仔啫。」
「？」
「咁唔通個男人點諗你唔知架咩？你地有相處架嘛。佢同得你求婚當然係因為同你一齊好滿足好幸福希望生命以後都有你。點可能求其一個人都得？只係佢嗰刻無講到，skip左。」
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
「識左咁耐，估唔到佢仲未明白我。」他覺得委屈。
「識左咁耐，估唔到原來佢係咁諗。」她覺得傷心。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
言語，很重要。
因為是來自不同星球的人呀。
不同的啊。