曼迷想曼聯買哈利簡尼－我點睇？

玩開一隻足球game 識左班曼聯球迷
每次睇波就會一路睇一路係whatsapp group同佢地傾當然佢地唔知我打開文 (自嘲: 都係得200個follower姐)
佢地好想曼聯買哈利簡尼 賣走雲佩斯 放棄法卡奧
我就話啦 比佢係熱刺踢多一兩季先啦 而家仲有好大既進步空間
佢地就覺得一兩季之後會好貴啦 仲可能有多幾隊爭添 襯早買呀
其實佢地都好有道理既 不過我自己有唔同既睇法

先伸個俐 我除左係曼迷 仲係熱刺同英格蘭國家隊球迷
對於哈利簡尼之後既發展 我既出法點同其他曼迷或者唔同
但係 我覺得對於一個球員黎講 要進步係要不停比機會佢踢
而家哈利簡尼係熱刺既必然正選 (而家仲係代隊長)
近兩場都打得唔算好出色 而之前對曼聯甚至係少少隱形
我認為佢係個射手 把握力唔錯 頂上功夫同走位相當了得但佢唔係好識創造機會 所以球隊中場如果死火既話佢會相對踢得沉
佢同朗尼、舒利亞等傳奇前鋒仲有一大段距離
但佢有成為頂尖前鋒既潛質 但佢仲需要時間機會磨練
對佢既發展黎講 留係熱刺暫時係最好 因為熱刺既戰術以佢為中心
佢一定有得不停咁踢 汲取經驗 進步既機會都多好多

反而去到強隊既話 會唔會成為下一個丹巴巴亞、摩西斯、史葛冼佳亞、possibly邦尼、積洛維、薛維爾等
機會唔太多 開局唔順既話可能要坐冷板 進步就會慢慢停落黎
去曼聯假設會拍住朗尼係前面 初時可能都未必配合得好
球迷又會唔會忍受倒佢踢得唔好時繼續不停比佢踢從而搵番狀態同默契?
我對此就好有保留啦 始終球迷而家點睇法卡奧/雲佩斯都係一個類似的處境

買番黎可能即食倒 但若果即食唔倒既話 球迷會唔會比時間慢慢煮熟佢?
我個人就覺得 對哈利仔自己 對熱刺 對英格蘭 對佢未來的新東家
暫時留隊多一兩年先係一件更加好既事
(吹水mode, 無咩分析, 而係抒下己見哈哈)