又有新傳聞，再談車路士陣容改進方向！
近來隨著摩連奴(Mourinho)既回歸，傳聞目標既機會性有所變動，主帥落實亦令大家隱約也猜到戰術人選的路向。那麼現在是時候再次看看，車路士既陣容到底會點變、要點變、點樣變啦。
先說說進攻上罷，即前鋒、翼鋒、攻中等位置。呢方面車路士既人腳可以話係頗為強勁，但仍存在唔少問題。前鋒係進攻端最前既支點，係好重要既位置，而且摩連奴教邊隊都係重要角色，最好仲係力量型前鋒，如杜奧巴(Drogba)等。但係無都唔一定唔點，你睇下國米既迪亞高米列圖(Diego Milito)、皇馬既賓施馬(Benzma)同希古恩(Higuain)，佢地都唔會係力量型中鋒掛？不過可見既共通點係效率，佢地都有上乘入球功力，係把握力高既中鋒。現存前鋒費蘭度托利斯(Fernando Torres)同丹巴巴亞(Demba Ba)係剛完既呢季既入球率顯然達唔到摩佬既要求。如果摩佬無信心操起費托，好有機會放走，騰出工資同轉會費另購多個更好既人選。如果留用盧卡古(Lukaku)，佢有力擔任強力前鋒既角色。但因為摩佬戰術能力好，有可能會收購技術前鋒作變陣，因為強力前鋒已有巴亞做替換；但亦有可能清一色硬淨前鋒，增強戰術適應。當然，後者機會較大，卡雲尼(Cavani)、迪斯高(Dzeko)同希古恩其實都係唔錯既人選，但有放先好有買，打單箭頭戰術，數量上維持三個中鋒都夠做。
攻中方面就有d變數，要睇摩佬點用傳送能力強既奧斯卡(Oscar)，攻中定墮後，在下個人認為後者更佳，因為攻中除左傳送能力，後上能力都要夠強，而且以奧斯卡既身形，又唔係勁靈活既同盤帶好強，暫時係英超打進攻都幾輸蝕，不如在後較炮避免太多沖撞好過。
馬達(Mata)我覺得有機會打邊，佢速度、突破、傳中都好，打邊有得諗，加上摩佬既反擊戰術，都有睇頭架。不過夏薩特(Hazard)呢，同摩佬風格好似有少少出入，但應是重要一員，可能會打邊路自由人之類，即係皇馬既C朗(C.Ronaldo)咁有d似內鋒之類，加上佢今年有表現有功課交，夏神都會得重用既。但有可能會簽入一名翼鋒，例如傳聞既侯克(Hulk)或舒爾賀尼(Schurrle)，但你問我我就會話：點解唔回收迪布尼(Kevin De Bruyne)？其實以佢係不萊梅既表現，都值得一個機會架，而且配合三核都幾好，應能促進大家成長，仲可以用埋佢同夏神、盧卡古同一國家既優勢。
防守上，有防中、閘同中堅，龍門就無野講架啦，係睇下執到邊件筍野做後備人選，取代較弱既兩名後備龍，舒華沙(Schwarzer)反正諗住走，佢幾穩定，都唔錯丫。講完無咩特別既龍門，睇下後防又如何。中堅上，泰利(Terry)經驗能力始終係最好，伊雲奴域(Ivanovic)都唔錯，但有傳摩佬會買中堅，有可能視佢作右閘，咁就好諗。加利卡希爾(Gary Cahill)仲成長緊，此子防守助攻都已頗有根底，係尚欠火候經驗。買既話應買個較年青既接泰利班，泰利就淡出主力黎教後輩，傳授經驗為主，其實最好再買個勁既tim，又可以同泰利帶到陣中中堅，又打得主力，又可以解放埋大衛雷斯(David Luiz)去打防中。不過呢d好難買，好似泰亞高施華(Thiago Silva)個d，點會放？得就好，唔得咪用第一個方案，買個後生既先囉。但別忘記較放膽予小將機會既摩佬，有可能起用到艾基(Ake)等小將也尤未可知。
閘上貝查蘭特(Bertrand)唔係幾好，要買返個接A高(A.Cole)班，又可以打下後備既，好似傳聞中既干查奧(Coentrao)其實都唔錯，佢係國家隊表現出色，只要摩佬搞到佢既狀態同埋一定既紀律問題，不失為good choice。右閘有艾斯派列古達(Azpilicueta)同伊雲，應該都無咩問題。
防中呢，有傳買迪羅斯(De Rossi)，好老實我無乜睇佢d波，但有指佢位置感好、防守好，又可以打中堅，但未必會走，咁就試下無妨，不過仲有咩人可以揀呢？陣中拉美利斯(Ramires)如果唔輕上，加上佢既體力就好有幫助，季尾戰打愛華頓佢就打得幾好喇，可以解放埋大衛雷斯既後上能力。米基爾(Mikel)身位夠，但轉身慢，摩佬咁重視防中，不如買過個強悍型既，基迪拉(Khedira)似乎有機，亦係唔錯既人選，費蘭尼(Fellaini)似乎機會越黎越細，唔單止多人爭(傳聞阿仙奴都買喎)，而且曼聯有莫耶斯機會真係大d。要派牌既林柏特(Lampard)可以攝下，奧斯卡都有能力，當然，派牌型買多個都唔拘，不過就睇摩佬買唔買啦，但佢話盡量唔燒錢，可能防中上買多個強悍型既再執執都得。但好多人忽視雷斯既超長傳幾大威力。佢長傳能力唔錯，係打中堅輕出同較不穩既前提下，摩佬應該唔用佢打中堅，而係調整佢打法，加強佢傳射能力，轉任防中。佢既超長傳不俗，加上遠射同罰球既勁度弧度都備受讚賞，真係有防中潛質架。
真是假時假亦真，傳聞就聽架者，在下分析就都係咁分析，真定假就唔知，但各位車迷心中，想來都有一套適合改進車仔既陣容，且看摩佬呢個車迷，又會點建構佢既理想車仔陣容，再次挑戰英超。
先說說進攻上罷，即前鋒、翼鋒、攻中等位置。呢方面車路士既人腳可以話係頗為強勁，但仍存在唔少問題。前鋒係進攻端最前既支點，係好重要既位置，而且摩連奴教邊隊都係重要角色，最好仲係力量型前鋒，如杜奧巴(Drogba)等。但係無都唔一定唔點，你睇下國米既迪亞高米列圖(Diego Milito)、皇馬既賓施馬(Benzma)同希古恩(Higuain)，佢地都唔會係力量型中鋒掛？不過可見既共通點係效率，佢地都有上乘入球功力，係把握力高既中鋒。現存前鋒費蘭度托利斯(Fernando Torres)同丹巴巴亞(Demba Ba)係剛完既呢季既入球率顯然達唔到摩佬既要求。如果摩佬無信心操起費托，好有機會放走，騰出工資同轉會費另購多個更好既人選。如果留用盧卡古(Lukaku)，佢有力擔任強力前鋒既角色。但因為摩佬戰術能力好，有可能會收購技術前鋒作變陣，因為強力前鋒已有巴亞做替換；但亦有可能清一色硬淨前鋒，增強戰術適應。當然，後者機會較大，卡雲尼(Cavani)、迪斯高(Dzeko)同希古恩其實都係唔錯既人選，但有放先好有買，打單箭頭戰術，數量上維持三個中鋒都夠做。
攻中方面就有d變數，要睇摩佬點用傳送能力強既奧斯卡(Oscar)，攻中定墮後，在下個人認為後者更佳，因為攻中除左傳送能力，後上能力都要夠強，而且以奧斯卡既身形，又唔係勁靈活既同盤帶好強，暫時係英超打進攻都幾輸蝕，不如在後較炮避免太多沖撞好過。
馬達(Mata)我覺得有機會打邊，佢速度、突破、傳中都好，打邊有得諗，加上摩佬既反擊戰術，都有睇頭架。不過夏薩特(Hazard)呢，同摩佬風格好似有少少出入，但應是重要一員，可能會打邊路自由人之類，即係皇馬既C朗(C.Ronaldo)咁有d似內鋒之類，加上佢今年有表現有功課交，夏神都會得重用既。但有可能會簽入一名翼鋒，例如傳聞既侯克(Hulk)或舒爾賀尼(Schurrle)，但你問我我就會話：點解唔回收迪布尼(Kevin De Bruyne)？其實以佢係不萊梅既表現，都值得一個機會架，而且配合三核都幾好，應能促進大家成長，仲可以用埋佢同夏神、盧卡古同一國家既優勢。
防守上，有防中、閘同中堅，龍門就無野講架啦，係睇下執到邊件筍野做後備人選，取代較弱既兩名後備龍，舒華沙(Schwarzer)反正諗住走，佢幾穩定，都唔錯丫。講完無咩特別既龍門，睇下後防又如何。中堅上，泰利(Terry)經驗能力始終係最好，伊雲奴域(Ivanovic)都唔錯，但有傳摩佬會買中堅，有可能視佢作右閘，咁就好諗。加利卡希爾(Gary Cahill)仲成長緊，此子防守助攻都已頗有根底，係尚欠火候經驗。買既話應買個較年青既接泰利班，泰利就淡出主力黎教後輩，傳授經驗為主，其實最好再買個勁既tim，又可以同泰利帶到陣中中堅，又打得主力，又可以解放埋大衛雷斯(David Luiz)去打防中。不過呢d好難買，好似泰亞高施華(Thiago Silva)個d，點會放？得就好，唔得咪用第一個方案，買個後生既先囉。但別忘記較放膽予小將機會既摩佬，有可能起用到艾基(Ake)等小將也尤未可知。
閘上貝查蘭特(Bertrand)唔係幾好，要買返個接A高(A.Cole)班，又可以打下後備既，好似傳聞中既干查奧(Coentrao)其實都唔錯，佢係國家隊表現出色，只要摩佬搞到佢既狀態同埋一定既紀律問題，不失為good choice。右閘有艾斯派列古達(Azpilicueta)同伊雲，應該都無咩問題。
防中呢，有傳買迪羅斯(De Rossi)，好老實我無乜睇佢d波，但有指佢位置感好、防守好，又可以打中堅，但未必會走，咁就試下無妨，不過仲有咩人可以揀呢？陣中拉美利斯(Ramires)如果唔輕上，加上佢既體力就好有幫助，季尾戰打愛華頓佢就打得幾好喇，可以解放埋大衛雷斯既後上能力。米基爾(Mikel)身位夠，但轉身慢，摩佬咁重視防中，不如買過個強悍型既，基迪拉(Khedira)似乎有機，亦係唔錯既人選，費蘭尼(Fellaini)似乎機會越黎越細，唔單止多人爭(傳聞阿仙奴都買喎)，而且曼聯有莫耶斯機會真係大d。要派牌既林柏特(Lampard)可以攝下，奧斯卡都有能力，當然，派牌型買多個都唔拘，不過就睇摩佬買唔買啦，但佢話盡量唔燒錢，可能防中上買多個強悍型既再執執都得。但好多人忽視雷斯既超長傳幾大威力。佢長傳能力唔錯，係打中堅輕出同較不穩既前提下，摩佬應該唔用佢打中堅，而係調整佢打法，加強佢傳射能力，轉任防中。佢既超長傳不俗，加上遠射同罰球既勁度弧度都備受讚賞，真係有防中潛質架。
真是假時假亦真，傳聞就聽架者，在下分析就都係咁分析，真定假就唔知，但各位車迷心中，想來都有一套適合改進車仔既陣容，且看摩佬呢個車迷，又會點建構佢既理想車仔陣容，再次挑戰英超。