從對利物浦一戰看車路士防守戰術
筆者曾談論過有關死守戰術既心態，今次睇完對利物浦既波，趁住記憶猶新，想借呢場去進一步講下車路士既防守戰術。
今場真係如外界所言：明守你都贏兩球，明攻你就吞兩蛋。點解呢？其實從摩連奴(Mourinho)既陣容睇得出，佢一開始就想打防守反擊，唔係hea打搏守和，即係有我上篇文所講既爭勝決心。雖然後場中路用卡拿斯(Kalas)同伊雲奴域(Ivanovic)，但出左阿斯派列古達(Azpilicueta)打右同A高(A.Cole)打返左，呢兩閘既配置雖然防守力好，但出擊力都唔錯，Azp打返右明顯係想俾返佢就腳、可以上前攻。中路用伊雲、卡拿斯係考慮到佢地高空防守同地面防守都唔錯，而前面又有米基爾(Mikel)，中路就以守為先。加上中場有林柏特(Lampard)同馬迪(Matic)，二人都有唔錯既運轉能力，加上三箭頭係丹巴巴亞(Demba Ba)、舒爾利(Schurrle)、沙拉(Salah)三個快野，其實唔算點留到力。
開波後就睇到，車路士係穩守先，利記既勢頭係頭15分鐘最勁就係人都知，一定要守，之後慢慢有推返前。無錯，車仔都算擺大巴架，你睇返其實車仔後防企位排左兩條線咁，但同摩佬"小"既個d唔同，佢地係按對手站位調整，會上會落，會打反擊，而唔係龜縮係禁區郁都唔郁。呢個就係企位上既分別，而利記就老鼠拉龜，蘇亞雷斯(Suarez)既突破、謝拉特(Gerrard)既遠射、古天奴(Coutinho)既長傳都被一一化解左，車仔就係化解攻勢後搵位打反擊，之後兩次成功既都係分別把握到對方失誤，丹巴巴把握謝拉特 (神奇隊長真係sosad，雖然我係車迷) 既失誤射入，費蘭度托利斯(Fernando Torres)都單刀橫傳俾同係後備入替既韋利安(Willian)入空門。
明守你都贏兩球，問題在於我地死守係為左贏，唔係玩一鑊熟。
btw反骨都要講句，車仔目標歐聯啦，聯賽俾謝拉特啦好嘛？下年執好個陣先爭。
今場真係如外界所言：明守你都贏兩球，明攻你就吞兩蛋。點解呢？其實從摩連奴(Mourinho)既陣容睇得出，佢一開始就想打防守反擊，唔係hea打搏守和，即係有我上篇文所講既爭勝決心。雖然後場中路用卡拿斯(Kalas)同伊雲奴域(Ivanovic)，但出左阿斯派列古達(Azpilicueta)打右同A高(A.Cole)打返左，呢兩閘既配置雖然防守力好，但出擊力都唔錯，Azp打返右明顯係想俾返佢就腳、可以上前攻。中路用伊雲、卡拿斯係考慮到佢地高空防守同地面防守都唔錯，而前面又有米基爾(Mikel)，中路就以守為先。加上中場有林柏特(Lampard)同馬迪(Matic)，二人都有唔錯既運轉能力，加上三箭頭係丹巴巴亞(Demba Ba)、舒爾利(Schurrle)、沙拉(Salah)三個快野，其實唔算點留到力。
開波後就睇到，車路士係穩守先，利記既勢頭係頭15分鐘最勁就係人都知，一定要守，之後慢慢有推返前。無錯，車仔都算擺大巴架，你睇返其實車仔後防企位排左兩條線咁，但同摩佬"小"既個d唔同，佢地係按對手站位調整，會上會落，會打反擊，而唔係龜縮係禁區郁都唔郁。呢個就係企位上既分別，而利記就老鼠拉龜，蘇亞雷斯(Suarez)既突破、謝拉特(Gerrard)既遠射、古天奴(Coutinho)既長傳都被一一化解左，車仔就係化解攻勢後搵位打反擊，之後兩次成功既都係分別把握到對方失誤，丹巴巴把握謝拉特 (神奇隊長真係sosad，雖然我係車迷) 既失誤射入，費蘭度托利斯(Fernando Torres)都單刀橫傳俾同係後備入替既韋利安(Willian)入空門。
明守你都贏兩球，問題在於我地死守係為左贏，唔係玩一鑊熟。
btw反骨都要講句，車仔目標歐聯啦，聯賽俾謝拉特啦好嘛？下年執好個陣先爭。