世界盃小組出線預測略述(三)
我地黎繼續睇，今次到E、F組。
E：瑞士，法國
呢組都係呢兩張明顯更具實力，不過相比未過磨合期同重整期既法國，筆者較睇好瑞士。瑞士既球員雖然名氣不足，但勝在實而不華，實力平均，而且發揮上實在唔錯。沙傑利(Shaqiri)、比哈美(Behrami)、恩拿(Inler)、達米(Drmic)都唔係大球星，但都係實力型球員，戰術都圍繞到佢地發揮，中場合適既工兵加上利用到雙翼既反擊，球員類型又足夠提高佢地變陣能力，雖然唔係華麗但實際效率高，外圍賽10戰先6球7場clean sheet排首名，真係唔講可能無為意，佢地其實係種子隊。而法國雖然正在轉型並穩定進步，但陣中尤其防線既接班問題仍未完善解決，加上列貝利(Ribery)退隊，拿斯利(Nasri)唔入選，創造力會係隱憂，副選實力亦唔算好，經驗亦不足，不過始終有一定實力質素，加上迪甘斯(Deschamps)選人以團結性為考慮因素，所以應能出線。
F：阿根廷，波斯尼亞
阿根廷前場豪華既攻擊線，要首名可謂毫無難度，雖然佢地後防都有d隱憂，但加雷(Garay)既表現其實進步得幾快，加上馬斯查蘭奴(Mascherano)打防中，防守上應該唔算太大問題，加上前線攻力強橫，有力以攻代守，減輕後防壓力。反觀次名上，我認為波斯尼亞有機，雖然首次晉身國際大賽，但佢地既球員質素相當不俗，前線迪斯高(Dzeko)雖然係曼城打後備多，但其實效率奇高，表現亦甚亮眼。加上仲有伊比斯域(Ibisevic)、柏真歷(Pjanic)等球員，其實亦算不俗，同瑞士一樣都係較實而不華既陣容，戰術配合亦係得宜，加上合作多年，只要克服經驗問題，有力壓過級數不及既尼日利亞同伊朗出線。
一like一支持，多承指教：
https://www.facebook.com/chelsea.gor.sk
E：瑞士，法國
呢組都係呢兩張明顯更具實力，不過相比未過磨合期同重整期既法國，筆者較睇好瑞士。瑞士既球員雖然名氣不足，但勝在實而不華，實力平均，而且發揮上實在唔錯。沙傑利(Shaqiri)、比哈美(Behrami)、恩拿(Inler)、達米(Drmic)都唔係大球星，但都係實力型球員，戰術都圍繞到佢地發揮，中場合適既工兵加上利用到雙翼既反擊，球員類型又足夠提高佢地變陣能力，雖然唔係華麗但實際效率高，外圍賽10戰先6球7場clean sheet排首名，真係唔講可能無為意，佢地其實係種子隊。而法國雖然正在轉型並穩定進步，但陣中尤其防線既接班問題仍未完善解決，加上列貝利(Ribery)退隊，拿斯利(Nasri)唔入選，創造力會係隱憂，副選實力亦唔算好，經驗亦不足，不過始終有一定實力質素，加上迪甘斯(Deschamps)選人以團結性為考慮因素，所以應能出線。
F：阿根廷，波斯尼亞
阿根廷前場豪華既攻擊線，要首名可謂毫無難度，雖然佢地後防都有d隱憂，但加雷(Garay)既表現其實進步得幾快，加上馬斯查蘭奴(Mascherano)打防中，防守上應該唔算太大問題，加上前線攻力強橫，有力以攻代守，減輕後防壓力。反觀次名上，我認為波斯尼亞有機，雖然首次晉身國際大賽，但佢地既球員質素相當不俗，前線迪斯高(Dzeko)雖然係曼城打後備多，但其實效率奇高，表現亦甚亮眼。加上仲有伊比斯域(Ibisevic)、柏真歷(Pjanic)等球員，其實亦算不俗，同瑞士一樣都係較實而不華既陣容，戰術配合亦係得宜，加上合作多年，只要克服經驗問題，有力壓過級數不及既尼日利亞同伊朗出線。
一like一支持，多承指教：
https://www.facebook.com/chelsea.gor.sk