[戰評]抵贏既哥倫比亞
由於尋晚筆者一睇兩場，對此戰印象已淺，如有不足請見諒見諒。不過睇返今場，都會知其實哥倫比亞係抵贏，佢地絕對係踢得比較好既一方。
今場係FIFA官網都話哥倫比亞係強勢回歸國際賽場(Colombia back with a bang)。哥倫比亞雖然無左神鋒法卡奧(Falcao)，但仍有T.古迪亞利斯(Teo. Gutierrez)、J.馬天尼斯(J.Martinez)等前鋒在陣，加上外圍賽僅次阿根廷既排名，可見其實佢地既整體實力都並唔弱，加上佢地既中場實力其實相當不俗，有古亞達度(Cuadrado)、伊巴保(Ibarbo)等意甲兵在陣。
其實開賽上哥倫比亞控球上都唔錯，有時一兩腳幾靚既配合都有效入滲希臘既防線，包括5分鐘艾美路(Armero)攻入既一球，雖然係俾希臘後衛撞左一下改變方向，但出波既古亞達度都係靚cup。之後既角球開出、腳面跣後被T.古迪亞利斯近門撞入，加上J.洛迪古斯(J.Rodriguez)既入球都係好波。哥倫比亞既進攻配合係唔錯，而對住出名於防守既希臘都係攻為主，而哥倫比亞既南美進攻風格，加上彷如主場既球迷打氣，實在合理贏波。
而希臘既問題，在於佢地以穩守突擊之餘，沒有做好進攻既任務，之後久守必失。雖然後防有一眾高佬，但靈活、有速度既都唔多，面對哥倫比亞較少高空轟炸既進攻未必有著數。進攻上，希臘有頭球優勢，但分波到邊路後，就無好好利用身高優勢傳中，往往改用地面波或者遠射，而應付呢類型既進攻，以哥倫比亞後防既實力足夠應付。而且係控球時既判斷上，希臘既中場用球時既決定多數都好差：遠射？長傳？分邊？好多時都唔係好合適個個決定，雖然係尾場開始好返，但哥倫比亞已經食左個勢，無力反勝，反而多左小動作，黃牌頻生。
講到尾，哥倫比亞的確係表現幾好，不過都係希臘主防，而且進攻上決斷較差，如果真係對住進攻較強既球隊，哥倫比亞就要留意進攻既節奏同後防既企位，因為見到其實都壓得幾上，只係希臘利用唔到。
一like一支持，多承指教：
https://www.facebook.com/chelsea.gor.sk
今場係FIFA官網都話哥倫比亞係強勢回歸國際賽場(Colombia back with a bang)。哥倫比亞雖然無左神鋒法卡奧(Falcao)，但仍有T.古迪亞利斯(Teo. Gutierrez)、J.馬天尼斯(J.Martinez)等前鋒在陣，加上外圍賽僅次阿根廷既排名，可見其實佢地既整體實力都並唔弱，加上佢地既中場實力其實相當不俗，有古亞達度(Cuadrado)、伊巴保(Ibarbo)等意甲兵在陣。
其實開賽上哥倫比亞控球上都唔錯，有時一兩腳幾靚既配合都有效入滲希臘既防線，包括5分鐘艾美路(Armero)攻入既一球，雖然係俾希臘後衛撞左一下改變方向，但出波既古亞達度都係靚cup。之後既角球開出、腳面跣後被T.古迪亞利斯近門撞入，加上J.洛迪古斯(J.Rodriguez)既入球都係好波。哥倫比亞既進攻配合係唔錯，而對住出名於防守既希臘都係攻為主，而哥倫比亞既南美進攻風格，加上彷如主場既球迷打氣，實在合理贏波。
而希臘既問題，在於佢地以穩守突擊之餘，沒有做好進攻既任務，之後久守必失。雖然後防有一眾高佬，但靈活、有速度既都唔多，面對哥倫比亞較少高空轟炸既進攻未必有著數。進攻上，希臘有頭球優勢，但分波到邊路後，就無好好利用身高優勢傳中，往往改用地面波或者遠射，而應付呢類型既進攻，以哥倫比亞後防既實力足夠應付。而且係控球時既判斷上，希臘既中場用球時既決定多數都好差：遠射？長傳？分邊？好多時都唔係好合適個個決定，雖然係尾場開始好返，但哥倫比亞已經食左個勢，無力反勝，反而多左小動作，黃牌頻生。
講到尾，哥倫比亞的確係表現幾好，不過都係希臘主防，而且進攻上決斷較差，如果真係對住進攻較強既球隊，哥倫比亞就要留意進攻既節奏同後防既企位，因為見到其實都壓得幾上，只係希臘利用唔到。
一like一支持，多承指教：
https://www.facebook.com/chelsea.gor.sk