利物浦問題何在？防守？中場？攻力？
利物浦到底出左咩問題？有人話防守，有人話中場，都有人話攻力，或者係領隊。其實當然係樣樣問題都有d，不過，都有一個最大既問題，就係錯配。
好多時，英格蘭年輕小將都會被指年少得志，出左少少名就成日有正選，沉迷玩樂而失去進步既動力、無哂初時既靈氣，但史達寧(Sterling)就有d相反。佢進步好快，一直都改進表現，偏偏開始力不從心。基本上無左史杜列治(Sturridge)，前場幾乎得佢一人撐起進攻，拉蘭拿(Lallana)未起態、古天奴(Coutinho)較飄忽、巴洛迪利(Balotelli)融入唔到。反而其實林拔(R.Lambert)雖然被指踢法不合，但佢開路下，史達寧等人反而有機會打得好d，打返直接d既攻勢仲好。
中場上，防守好既盧卡斯(Lucas)因為攻得唔好而收，反而進攻好既謝拉特(Gerrard)防守唔好又繼續正選，大家feel到個問題係邊啦？而洛夫雲(Lovren)搭史基泰爾(Sktrel)，加上雙閘都重火力，基本上係全攻型後防線，謝拉特又唔多回到最後，基本上後防係一定空哂，搭配上係好有問題，洛夫雲買係無錯，係領導型中堅，但仲差個傳統英式中堅，經常"逗後"，唔會輕上，有能力嗌返條防線回後。值得一提既係，車路士兩個正選中堅都係傳統英式中堅，其防守穩健性為人稱道，而按羅渣士既打法，都至少要一個咁既中堅。更甚既係，門將米奴列(Mignolet)指揮防線既能力都不足，遠不及拉爾拿(Reina)。
最大問題係球隊既方針傾斜，但毫無平衡既意思，羅渣士買人思路合適，認真比起熱刺個陣買既人選算穩陣好多，但羅渣士係戰術上無就返，反而有d錯配。其實佢話唔係防守教練都好串，因為當世控球型戰術既佼佼者之一既哥迪奧拿(Guardiola)都無話唔使，防守防到擺大巴既摩連奴(Mourinho)都無話唔使進攻教練，佢既思路就真心奇怪啦。
一like一支持，多承指教：
https://www.facebook.com/chelsea.gor.sk
好多時，英格蘭年輕小將都會被指年少得志，出左少少名就成日有正選，沉迷玩樂而失去進步既動力、無哂初時既靈氣，但史達寧(Sterling)就有d相反。佢進步好快，一直都改進表現，偏偏開始力不從心。基本上無左史杜列治(Sturridge)，前場幾乎得佢一人撐起進攻，拉蘭拿(Lallana)未起態、古天奴(Coutinho)較飄忽、巴洛迪利(Balotelli)融入唔到。反而其實林拔(R.Lambert)雖然被指踢法不合，但佢開路下，史達寧等人反而有機會打得好d，打返直接d既攻勢仲好。
中場上，防守好既盧卡斯(Lucas)因為攻得唔好而收，反而進攻好既謝拉特(Gerrard)防守唔好又繼續正選，大家feel到個問題係邊啦？而洛夫雲(Lovren)搭史基泰爾(Sktrel)，加上雙閘都重火力，基本上係全攻型後防線，謝拉特又唔多回到最後，基本上後防係一定空哂，搭配上係好有問題，洛夫雲買係無錯，係領導型中堅，但仲差個傳統英式中堅，經常"逗後"，唔會輕上，有能力嗌返條防線回後。值得一提既係，車路士兩個正選中堅都係傳統英式中堅，其防守穩健性為人稱道，而按羅渣士既打法，都至少要一個咁既中堅。更甚既係，門將米奴列(Mignolet)指揮防線既能力都不足，遠不及拉爾拿(Reina)。
最大問題係球隊既方針傾斜，但毫無平衡既意思，羅渣士買人思路合適，認真比起熱刺個陣買既人選算穩陣好多，但羅渣士係戰術上無就返，反而有d錯配。其實佢話唔係防守教練都好串，因為當世控球型戰術既佼佼者之一既哥迪奧拿(Guardiola)都無話唔使，防守防到擺大巴既摩連奴(Mourinho)都無話唔使進攻教練，佢既思路就真心奇怪啦。
一like一支持，多承指教：
https://www.facebook.com/chelsea.gor.sk