迪布尼vs史達寧，淺談年輕球員的心態
好耐無睇波，因為無乜時間，只留意新聞消息，季尾開始睇返，所以半年無出文。今次呢篇，相信大家睇到標題，都會覺得我重心講風雲人物史達寧(Sterling)，我亦確有意談一談呢個年輕球員，不過我想講既係球壇上普遍d既現象。年青球員既價值，在於佢既潛力同活力，我地車路士買後生買到外借既都組到另一隊唔錯既球隊，之後按表現或收用或賣走，當中大家耳熟能詳，盧卡古(Lukaku)、迪布尼(De Bruyne)等等。
當中我用迪布尼黎講一講。好多人認為，迪布尼係偏向技術型既攻中(或邊路中場)，擅長組織同有一定後上能力，而防守就無咁好亦無咁勤力；而摩連奴(Mourinho)戰術重點一向予人防守至上既感覺，乃至必要時泊大巴而聞名，迪布尼呢一類既球員就唔岩用。不過，筆者記得當時亦有提及摩佬其中一個棄用迪布尼既原因，在於佢既態度。摩連奴執教既另一個特點，就係紀律性高。場上紀律要好，就算戰術執行力唔高，只要勤於跑動、有努力，佢都會俾機會，初期既奧斯卡(Oscar)同夏薩特(Hazard)感覺未如預期，但後來勤加訓練同改善心態後，跑動勤力又有表現既佢地都有返主力位置(不過奧斯卡近期表現回落，又開始少左上陣機會)。
而迪布尼當時既心態同勤奮程度可能唔合乎摩連奴既要求，更被指佢態度懶散，所以後來禾夫斯堡出價後，能力不俗既迪布尼依然被出售。不過，筆者雖然不滿迪布尼後來打爭氣波踢出表現後、不反省自己當時(如屬實)不當態度，就不斷抨擊舊主既既言行，但至少，佢無放棄同自命清高，願意嘗試證明自己既能力俾人睇，哪怕去一個新地方爭取機會。佢後來打出好表現，至少係佢把握機會既成果。
而近期為人熱議既史達寧，就唔同。對比迪布尼，雖然兩者情況並唔太相同，但史達寧俾人感覺更討厭。迪布尼被球會放棄、佢亦無意強留，史達寧則係索要高薪不果，要求離隊。
當時迪布尼係車路士週薪大約只有約3萬鎊，而當時佢外借既表現都唔失禮，係雲達不萊梅上陣33場攻入10球，車路士則上陣3場0入球；佢而家係狼堡就大約12萬週薪，仲要係作為核心既角色，今季上陣34場攻入10球，有21個助攻。史達寧今季聯賽上陣35場只攻入7球，助攻都只得7次，作為速度和有一定射術既年青翼鋒，佢就拒絕利物浦10萬週薪既合約。佢只係得20歲，雖然係2013/14賽季中表現不俗，但佢係世界盃、今季聯賽同歐聯表現都無咩高光既表現，依然相信經理人咁自視過高，放棄留下證明既機會。
今季利記係無左蘇亞雷斯後既表現回落，而中後場既不穩亦未有根治，作為有潛力既球員希望去一個更大既平台去表現自己確實正常，就好似迪布尼咁，此處不留人、自有留人處。但史達寧既態度就唔太岩，首先，佢今季係球隊兩個進攻核心中一走一傷下，佢無交足表現支撐球隊，反而因此認為球隊唔掂，想去皇馬曼城，無錯佢地係更有實力既球會，但佢地根本無位俾佢踢，因為實力強過佢既大有人在，呢d球會另一個特點，就係有錢，有能力滿足球員要求既薪金要求。
迪布尼當時去禾夫斯堡，其實最大既原因就係有得上陣，可以俾佢表現同證明自己。顯然史達寧希望既下家，並唔在乎有無上陣機會，只要夠出名或有錢就得，因為佢似乎係覺得咁就證明自己係勁既球員。不過佢無乜表現到實力之餘，似乎亦並無勤加訓練，反而被拍到食煙，作為運動員又唔注重身體，恐怕都無辦法如願加盟一d更強既球隊，更甚既係，利記應該都唔想留低呢個態度差劣既球員。
一like一支持，多承指教：
https://www.facebook.com/chelsea.gor.sk
當中我用迪布尼黎講一講。好多人認為，迪布尼係偏向技術型既攻中(或邊路中場)，擅長組織同有一定後上能力，而防守就無咁好亦無咁勤力；而摩連奴(Mourinho)戰術重點一向予人防守至上既感覺，乃至必要時泊大巴而聞名，迪布尼呢一類既球員就唔岩用。不過，筆者記得當時亦有提及摩佬其中一個棄用迪布尼既原因，在於佢既態度。摩連奴執教既另一個特點，就係紀律性高。場上紀律要好，就算戰術執行力唔高，只要勤於跑動、有努力，佢都會俾機會，初期既奧斯卡(Oscar)同夏薩特(Hazard)感覺未如預期，但後來勤加訓練同改善心態後，跑動勤力又有表現既佢地都有返主力位置(不過奧斯卡近期表現回落，又開始少左上陣機會)。
而迪布尼當時既心態同勤奮程度可能唔合乎摩連奴既要求，更被指佢態度懶散，所以後來禾夫斯堡出價後，能力不俗既迪布尼依然被出售。不過，筆者雖然不滿迪布尼後來打爭氣波踢出表現後、不反省自己當時(如屬實)不當態度，就不斷抨擊舊主既既言行，但至少，佢無放棄同自命清高，願意嘗試證明自己既能力俾人睇，哪怕去一個新地方爭取機會。佢後來打出好表現，至少係佢把握機會既成果。
而近期為人熱議既史達寧，就唔同。對比迪布尼，雖然兩者情況並唔太相同，但史達寧俾人感覺更討厭。迪布尼被球會放棄、佢亦無意強留，史達寧則係索要高薪不果，要求離隊。
當時迪布尼係車路士週薪大約只有約3萬鎊，而當時佢外借既表現都唔失禮，係雲達不萊梅上陣33場攻入10球，車路士則上陣3場0入球；佢而家係狼堡就大約12萬週薪，仲要係作為核心既角色，今季上陣34場攻入10球，有21個助攻。史達寧今季聯賽上陣35場只攻入7球，助攻都只得7次，作為速度和有一定射術既年青翼鋒，佢就拒絕利物浦10萬週薪既合約。佢只係得20歲，雖然係2013/14賽季中表現不俗，但佢係世界盃、今季聯賽同歐聯表現都無咩高光既表現，依然相信經理人咁自視過高，放棄留下證明既機會。
今季利記係無左蘇亞雷斯後既表現回落，而中後場既不穩亦未有根治，作為有潛力既球員希望去一個更大既平台去表現自己確實正常，就好似迪布尼咁，此處不留人、自有留人處。但史達寧既態度就唔太岩，首先，佢今季係球隊兩個進攻核心中一走一傷下，佢無交足表現支撐球隊，反而因此認為球隊唔掂，想去皇馬曼城，無錯佢地係更有實力既球會，但佢地根本無位俾佢踢，因為實力強過佢既大有人在，呢d球會另一個特點，就係有錢，有能力滿足球員要求既薪金要求。
迪布尼當時去禾夫斯堡，其實最大既原因就係有得上陣，可以俾佢表現同證明自己。顯然史達寧希望既下家，並唔在乎有無上陣機會，只要夠出名或有錢就得，因為佢似乎係覺得咁就證明自己係勁既球員。不過佢無乜表現到實力之餘，似乎亦並無勤加訓練，反而被拍到食煙，作為運動員又唔注重身體，恐怕都無辦法如願加盟一d更強既球隊，更甚既係，利記應該都唔想留低呢個態度差劣既球員。
一like一支持，多承指教：
https://www.facebook.com/chelsea.gor.sk