[吹水文]淺談車路士今夏收購
近期車路士表現低迷，無乜回穩既跡象，一眾主力都因為上季缺乏輪換或某d原因，今季表現不如預期。雖然近期摩連奴(Mourinho)嘗試作出一定變動，甚至批評、恐嚇一眾主力，但表現未見起色。摩佬甚至講過，會俾一眾青年軍多d上陣機會，取代表現不力既正選s…其實，點解要去到咁呢？點解要咁黎話d正選？點解要用青年軍而唔係另一d具實力既知名既球員？
其實今年夏天，車仔既引援做得唔好。當初筆者曾以為，摩佬可能買唔到，或者想1月調整後出手，外界就一早批評左，到而家，筆者都講下睇法。車路士今夏既收購，其實位置上既針對性係岩，正如一眾豪門、前列球隊般。不過，當大家睇到球員既名之後，就睇到車路士點解咁頹。
曼聯防中防守硬度不足、控球不夠好、右閘人手不足、前鋒缺人，買黎既係舒尼達連(Schneiderlin)、舒韋恩史迪加(Schweinsteiger)、達米安(Darmian)、馬迪爾(Martial)；曼城進攻能力唔夠、行軍速度唔夠快，買黎既係迪布尼(De Bruyne)、史達寧(Sterling)；就算利物浦，都買左賓迪基(Benteke)、佳尼(Clyne)、法明奴(Firmino)加強攻守能力。無可否認，曼聯既後兩者都有一定賭運既成份，因為未知打成點，但前兩者同其他隊既收購一樣，都係簽入具實力同名氣既球員。車路士呢？前線為左分擔夏薩特(Hazard)進攻重擔而收購柏度(Pedro)，係德甲簽入薄有名氣既艾度巴巴(Abdul Rahman Baba)增加閘位能力，同用比高域(Begovic)頂替離隊既施治(Cech)，都算唔錯…但中堅只有名不見經傳既迪積洛保積(Djilobodji)，另外借入上季無態既法卡奧(Falcao)，無啦。
真心，前線都算，因為有迪亞高哥斯達(Diego Costa)同雷米(Remy)，二人既能力唔錯，法卡奧都有一定名氣同勤奮跑動，未致於有問題，但防中、中堅、右閘既位置就無增強到深度。無錯，季前確實無人諗到馬迪(Matic)、伊雲奴域(Ivanovic)等跌態跌得咁快，但泰利(Terry)既老化、米基爾(Mikel)既表現，係中堅同防中都要買個具一定實力既球員做輪換，但防中都仲係要用米基爾，中堅就得迪積洛保積(好kiu口)來投，聽都未聽過，勁唔勁就唔知，但歐聯無註冊，可見都無乜信心。近黎既比賽，就算到歐聯摩佬話大執，都俾唔到咩有睇頭既人腳出黎，反而兩個新舊小將堅尼地(Kenedy)同蘇馬(Zouma)表現唔錯，尤其後者一早被視為未來既後防重心，今季得佢頂泰利做主力下，會係接班既時機，但泰利既然老，就都要搵個可靠d既、勁d既人腳做後備。整體中後場既板凳深度，量唔夠、質亦不足。
若然繼續下去，車路士今季排名都有機會刷新低，就算哥斯達用幾多方法、夏神幾努力回勇，入埋都唔夠失，整體打唔起之下，摩佬好有機會如坊間傳聞咁被開刀…且睇下摩佬係咪真係為左對高層引援不力而抗議、定係真係唔變，係既…恐怕變既會係主帥人選，除非油王真係轉哂死性，繼續俾時間摩佬，重視長遠而非近績。
多謝各位不吝賜評，一like一支持，多承指教：
[url=https://www.facebook.com/chelsea.gor.sk]https://www.facebook.com/chelsea.gor.sk[/ur]
其實今年夏天，車仔既引援做得唔好。當初筆者曾以為，摩佬可能買唔到，或者想1月調整後出手，外界就一早批評左，到而家，筆者都講下睇法。車路士今夏既收購，其實位置上既針對性係岩，正如一眾豪門、前列球隊般。不過，當大家睇到球員既名之後，就睇到車路士點解咁頹。
曼聯防中防守硬度不足、控球不夠好、右閘人手不足、前鋒缺人，買黎既係舒尼達連(Schneiderlin)、舒韋恩史迪加(Schweinsteiger)、達米安(Darmian)、馬迪爾(Martial)；曼城進攻能力唔夠、行軍速度唔夠快，買黎既係迪布尼(De Bruyne)、史達寧(Sterling)；就算利物浦，都買左賓迪基(Benteke)、佳尼(Clyne)、法明奴(Firmino)加強攻守能力。無可否認，曼聯既後兩者都有一定賭運既成份，因為未知打成點，但前兩者同其他隊既收購一樣，都係簽入具實力同名氣既球員。車路士呢？前線為左分擔夏薩特(Hazard)進攻重擔而收購柏度(Pedro)，係德甲簽入薄有名氣既艾度巴巴(Abdul Rahman Baba)增加閘位能力，同用比高域(Begovic)頂替離隊既施治(Cech)，都算唔錯…但中堅只有名不見經傳既迪積洛保積(Djilobodji)，另外借入上季無態既法卡奧(Falcao)，無啦。
真心，前線都算，因為有迪亞高哥斯達(Diego Costa)同雷米(Remy)，二人既能力唔錯，法卡奧都有一定名氣同勤奮跑動，未致於有問題，但防中、中堅、右閘既位置就無增強到深度。無錯，季前確實無人諗到馬迪(Matic)、伊雲奴域(Ivanovic)等跌態跌得咁快，但泰利(Terry)既老化、米基爾(Mikel)既表現，係中堅同防中都要買個具一定實力既球員做輪換，但防中都仲係要用米基爾，中堅就得迪積洛保積(好kiu口)來投，聽都未聽過，勁唔勁就唔知，但歐聯無註冊，可見都無乜信心。近黎既比賽，就算到歐聯摩佬話大執，都俾唔到咩有睇頭既人腳出黎，反而兩個新舊小將堅尼地(Kenedy)同蘇馬(Zouma)表現唔錯，尤其後者一早被視為未來既後防重心，今季得佢頂泰利做主力下，會係接班既時機，但泰利既然老，就都要搵個可靠d既、勁d既人腳做後備。整體中後場既板凳深度，量唔夠、質亦不足。
若然繼續下去，車路士今季排名都有機會刷新低，就算哥斯達用幾多方法、夏神幾努力回勇，入埋都唔夠失，整體打唔起之下，摩佬好有機會如坊間傳聞咁被開刀…且睇下摩佬係咪真係為左對高層引援不力而抗議、定係真係唔變，係既…恐怕變既會係主帥人選，除非油王真係轉哂死性，繼續俾時間摩佬，重視長遠而非近績。
多謝各位不吝賜評，一like一支持，多承指教：
[url=https://www.facebook.com/chelsea.gor.sk]https://www.facebook.com/chelsea.gor.sk[/ur]