凡事睇表面，真係睇到問題？
有時我地睇一樣野，好多時著眼點都係最表面既因素or現象。球員踢得差，如果多人派膠既，球員問題囉；如果搏盡都唔夠做既，領隊戰術問題囉；球隊全部ok既，但無力更進一步，班主問題囉。不過係咪呢？好多時唔係個個人都可以真係分析到睇到問題所在。
就好似近排，對於利物浦既走勢，之前個個都話羅渣士(Rodgers)玩技術型巴塞式踢法，而高普(Klopp)引入體力型踢法，唔單只人腳既風格常變，戰術既迴異都令球員適應出現問題。不過係咪呢？其實有d前輩分析中都覺，問題係中場囤積作用較相近既工兵，缺乏左一d組織能力強既球員carry。古天奴(Coutinho)傷後，創造力缺乏，法明奴(Firmino)個人能力好，亦有一定助攻能力，但算唔上係組織到。軒達臣(Henderson)同安利簡(Enre Can)活力有餘，但傾向工兵型。占士米拿(J.Milner)傳送能力其實都唔錯，但都唔係佢賣點。
老老豆豆，筆者諗到一個人，有技術同上乘傳送能力，有後上同遠射腳頭，有控球組織同轉守為攻能力既人選………佢叫謝拉特(Gerrard)。
可能大家會覺得，就算佢唔走，高普既體能要求佢都未必match到，但無人話高普一定無能力去用戰術遷就、解放佢既組織能力而避免曝露佢體能差既弱點。試諗下，如果而家用返盧卡斯(Lucas)專防，神軒做跑動，謝四派牌，中場運轉其實順過金三順。就算安利簡中意上，謝四呢個大佬在場可以提點、又可以補位，問題亦不大。當然呢d都係假設性理論，講事實既咁謝四都走埋啦已經，但理論上係成立。當然有人覺得佢要走(可能唔包括你啦)，係佢體能下降、加上災難性既表現(世紀一跣)，佢已經無能力為球隊貢獻d咩。不過，佢除左體能外，其實佢其他能力，無咩問題。如果講體能，沙維(Xavi)、派路(Pirlo)都唔係幾強，但戰術允許下，都曾交出上佳表現，爾後急流勇退。筆者個人愚見，謝四仲係利記要既人，只係做左羅渣士既替死鬼。
好多野，原因都係睇好表面既野，但忽視左實際原因。近排d人話香港好危險，多人反大陸人，又示威又盛，大陸人唔黎令旅遊業受影響。但諗深d丫，旅遊業開頭都唔靠大陸既，購物天堂、美食天堂，耐過大陸人落黎使錢啦，因為大陸人問題，先有人反者，問題點會係反佢地既人度？倒果為因、凡事睇表面，只會令更多謝拉特咁既代罪羔羊傷心咁赴義既者。
多謝各位不吝賜評，一like一支持，多承指教：
https://www.facebook.com/chelsea.gor.sk
就好似近排，對於利物浦既走勢，之前個個都話羅渣士(Rodgers)玩技術型巴塞式踢法，而高普(Klopp)引入體力型踢法，唔單只人腳既風格常變，戰術既迴異都令球員適應出現問題。不過係咪呢？其實有d前輩分析中都覺，問題係中場囤積作用較相近既工兵，缺乏左一d組織能力強既球員carry。古天奴(Coutinho)傷後，創造力缺乏，法明奴(Firmino)個人能力好，亦有一定助攻能力，但算唔上係組織到。軒達臣(Henderson)同安利簡(Enre Can)活力有餘，但傾向工兵型。占士米拿(J.Milner)傳送能力其實都唔錯，但都唔係佢賣點。
老老豆豆，筆者諗到一個人，有技術同上乘傳送能力，有後上同遠射腳頭，有控球組織同轉守為攻能力既人選………佢叫謝拉特(Gerrard)。
可能大家會覺得，就算佢唔走，高普既體能要求佢都未必match到，但無人話高普一定無能力去用戰術遷就、解放佢既組織能力而避免曝露佢體能差既弱點。試諗下，如果而家用返盧卡斯(Lucas)專防，神軒做跑動，謝四派牌，中場運轉其實順過金三順。就算安利簡中意上，謝四呢個大佬在場可以提點、又可以補位，問題亦不大。當然呢d都係假設性理論，講事實既咁謝四都走埋啦已經，但理論上係成立。當然有人覺得佢要走(可能唔包括你啦)，係佢體能下降、加上災難性既表現(世紀一跣)，佢已經無能力為球隊貢獻d咩。不過，佢除左體能外，其實佢其他能力，無咩問題。如果講體能，沙維(Xavi)、派路(Pirlo)都唔係幾強，但戰術允許下，都曾交出上佳表現，爾後急流勇退。筆者個人愚見，謝四仲係利記要既人，只係做左羅渣士既替死鬼。
好多野，原因都係睇好表面既野，但忽視左實際原因。近排d人話香港好危險，多人反大陸人，又示威又盛，大陸人唔黎令旅遊業受影響。但諗深d丫，旅遊業開頭都唔靠大陸既，購物天堂、美食天堂，耐過大陸人落黎使錢啦，因為大陸人問題，先有人反者，問題點會係反佢地既人度？倒果為因、凡事睇表面，只會令更多謝拉特咁既代罪羔羊傷心咁赴義既者。
多謝各位不吝賜評，一like一支持，多承指教：
https://www.facebook.com/chelsea.gor.sk